HOSEA 1:7 - Sura' Madatu

⁷ Apa iatu bati’na Yehuda la Kukamasei sia la Kurampanan tete dio PUANG Kapenombanna. Apa tae’ angKu la urrampananni tete dio pana ba’tu pa’dang ba’tu pa’buno, ba’tu darang ba’tu pakkanarang.

HOSEA 1:7 ပူးပေါင်းရင်းမြစ်များ

2 DATU 19:29

Iamote tu tanda lako kalemu: Lan taun iate la mukande tu apa tuo kalena, na taun ma’penduan iatu apa tuo poleo, apa lan taun ma’pentallun la mangambo’komi ammi megandung sia untanan garonto’ anggoro’, ammi kandei tu buanna.

2 DATU 19:34

Sia la Kurinding pala’ te tondok iate, angKu lendokanni, belanna sangangKu sia belanna Daud, taungKu.

2 DATU 19:35

Iatonna bongi iato tassu’mi tu Malaeka’Na PUANG, Napateimi tu surodadunna to Asyur saratu’ karuapulona llima sa’bu. Iatonna millik tu tau melambi’, natiroi tu mintu’nato, batang rabuk mannamo.

2 DATU 6:18

Iatonna solo’mo tu tau iato mai narampo lako Elisa, massambayangmi lako PUANG, nakua: Pamaraunni tu matanna tau iato mai. Napamaraunmi Puang, susitu kadanna Elisa.

PA’PUDIAN 33:16

Misa’ datu tae’ anna umpopatalo kabudanna pa’baraninna, sia misa’ to lalong tae’ anna umpolussu’ katarru’-baranianna.

PA’PUDIAN 44:7

Belanna tae’ kurannuan bulianku sia tae’ nala’bo’ku la ullendokanna’.

KATASSURAN 14:13

Apa ma’kada tu Musa lako to buda, nakua: Da mimataku’, pabatta’i tu penaammi, ammi tiroi tu kadilendokan kapua lu dio mai PUANG, tu Napadenangkomi allo iate; belanna iatu mintu’ to Mesir, tu mitiro allo iate, tae’mo ammi la untiro polei tontong sae lakona.

KATASSURAN 14:30

Susimo kaNarampananna PUANG to tu to Israel dio mai limanna to Mesir to allo iato; anna tiroi to Israel tu to Mesir mate situlambenan dio biring tasik.

YESAYA 12:2

Inang Puang Matua tu oto’na kamakarimmanangku, marannuna’, sia tae’ kumataku’, belanna PUANG PUANG tu oto’na kamatotorangku sia pa’pudiangku sia Iamo kupomakarimman.

YESAYA 30:18

Iamoto ma’tayan-tayan duka tu PUANG la ungkamaseikomi sia la bendan duka, anNa karimmannikomi, belanna PUANG iamo Puang Matua tu umpogau’ kamalamburan, maupa’ tu mintu’ to untayannI!

YESAYA 49:6

Nakua: Maringanpako dadi taungKu la umpabendanni sule tu mintu’ sukunna Yakub sia umbaai sule tu dikarimmanninnapa dio mai to Israel; Kupatulangdanko naposulo mintu’ bangsa, kumua anna iatu kasalamaran dio mai Kaleku landa’ lako mintu’ randan langi’.

YESAYA 7:14

Iamoto anNa PUANG kaleNa la umbenkomi tanda kumua: La ma’tambuk tu anak dara iato anna dadian misa’ pia muane, la nasangai Imanuel.

YEREMIA 25:5

Ianna ma’kada tu tau iato mai, nakua: Pantan mengkatoba’komi untampe lalan kadakemi sia umboko’i penggauran kadakemi, ammi ma’din umpa’tondokki tu padang Nakamaseangkomi PUANG sia lako nene’ to dolomi misituran-turananni.

YEREMIA 25:6

Da mimengkaola lako kapenomban senga’ la umpenombai sia tukku dio tingayona; da mipa’dikki penaangKu napobua’ panggaragammi; iake mitorroimi, tae’ Kula umparampoikomi kadake.

YEREMIA 33:26

mane dukari la Kutibe tu bati’na Yakub sia bati’na Daud, taungKu, Kuurungan tang unnalai dio mai bati’na tu tau la umparenta tarukna Abraham, Ishak na Yakub, belanna la Kupopembali tu toto’na tau iato mai sia la Kukaturu-turui.

HOSEA 1:8

Iatonna disarakki susumo tu Lo-Ruhama, ma’tambukomi, anna dadianni tu misa’ pia muane.

ZAKHARIA 4:6

Ma’kadami lako kaleku nakua: Inde sia tu kadanNa PUANG lako Zerubabel Nakua: Tangia tete dio kamatotoran sia tangia tete dio kamasa’garan, sangadinna tete dio PenaangKu, kadanNa PUANGna mintu’ ma’dandan maritik.

1 SAMUEL 17:47

Sia mintu’ kombongan iate la unnissanni tu diona PUANG umpaden kapataloan tae’ natete dio pa’dang sia doke, sangadinna iatu rari PUANG umpoissanni sia Ia duka la ussorongkomi tama limangki.