HOSEA 1:6 - Sura' Madatu

⁶ Ma’tambuk pole’omi tu baine iato anna dadian misa’ pia baine. Ma’kadami tu Puang lako kalena, Nakua: Sangai Lo-Ruhama, belanna tae’mo Kula ungkamasei tu bati’na Israel, Kuurunganni tang umpa’dei tu salana, moi misa’ duka.

HOSEA 1:6 ပူးပေါင်းရင်းမြစ်များ

1 PETRUS 2:10

iamotu kamu dolona tangia taunNa, apa totemo taunNamo Puang Matua; tu dolona tang unnappa’ kamamasean, apa totemo te dikamaseimo.

HOSEA 2:4

Belanna mangkamo ma’gau’ sala tu indo’na, sia iatu untambukki tu pia iato, mesirisan gau’na. Belanna nakua: La undina’ urrundu’i tu to kusigau’-salan, iamotu to umbenna’ rotingku sia uaingku, bulu dombaku sia batang ramingku, minna’ku sia apa kuiru’.

2 DATU 17:6

Iatonna taun ma’pengkaseramo kadatuanna Hosea natalomi datu Asyur tu Samaria, anna pali’i tu to Israel lako Asyur, sia napopa’tondok dio Halah, dio biring salu Habor, iamo salu dio Gozan, sia dio lu mintu’ kota to Madai.

YESAYA 27:11

Ianna marangkemo tu mai tangkena, direbong-rebongmi, anna sae tu mai baine umballai; belanna inang tae’ inaanna te bangsa iate, iamoto anna tae’ Nakatirinnai To pagaraganna sia tae’ anNa katuru-turui To kumombongna.

HOSEA 1:8

Iatonna disarakki susumo tu Lo-Ruhama, ma’tambukomi, anna dadianni tu misa’ pia muane.

2 DATU 17:20

Iamoto Natumpui PUANG tu mintu’ bati’na Israel. Napamatuna sia Nasorong tama kuasanna to mangrampa, sae lako Nasuale dio mai oloNa.

AMOS 7:8

Attu iato ma’kadami tu PUANG lako kaleku Nakua: Apara mutiro, e Amos? Ma’kadamo’ kukua: Misa’ batu petimbang. Ma’kadami tu Puang Nakua: La Kupalako taungKu, to Israel, tu batu petimbang; tae’mo Kula ullendu’i lenni.

AMOS 9:8

Tonganna iatu matanna Puangta PUANG unneai te kadatuan kasalan iate, kumua angKu pisanni dao mai kuli’na padang. Moi nasusito, tae’ duka Kula ussanggangi nasangi tu bati’na Yakub, kadanna PUANG.