HOSEA 1:4 - Sura' Madatu

⁴ Ma’kadami tu PUANG lako kaleku Nakua: La musangai Yizreel, belanna tae’mo nala masai angKu pembalaranni tu rarana Yizreel lako bati’na Yehu, sia angKu pa’dei tu kadatuanna bati’na Israel.

HOSEA 1:4 ပူးပေါင်းရင်းမြစ်များ

2 DATU 10:1

Iatu Ahab pitungpulo tu anakna muane dio Samaria. Nasura’mi Yehu tu misa’ sura’ napakatui lako Samaria, lako tu mai pangulu Yizreel, sia mintu’ pekaamberan sia mintu’ to naangka’ Ahab ma’pangada’, nakua:

2 DATU 10:17

Iatonna rampomo lako Samaria, napongkomi tu mintu’ to lan banuanna Ahab, tu torronapa dio Samaria, sae lako mangsan nasang tu tau lan banua, susitu kadanNa PUANG, tu mangka Napokada lako Elia.

2 DATU 15:29

Iatonna linona Pekah, datu Israel, saemi tu Tiglat-Pileser, datu Asyur, untalo kota Iyon. Abel-Bet-Maakha, Yanoah, Kedesh sia Hazor, Gilead sia Galilea, sia mintu’ tondok Naftali; napali’i tu pa’tondokan lako Asyur.

2 DATU 15:8

Iatonna taun ma’pentallungpulo ngkarua kadatuanna Azarya, datu to Yehuda, dadimi datu tu Zakharia, anakna Yerobeam, umparenta to Israel, dio Samaria; anna ma’parenta annan bulanna.

YESAYA 7:14

Iamoto anNa PUANG kaleNa la umbenkomi tanda kumua: La ma’tambuk tu anak dara iato anna dadian misa’ pia muane, la nasangai Imanuel.

YESAYA 8:3

Sangampa’mo’ nabi baine, anna ma’tambuk sia undadian misa’ pia muane. Nakuami tu PUANG ungkuanna’: La musanga: Maher-Syalal, Hash-Bas.

YESAYA 9:6

La kapua tu parentaNa sia tae’ upu’na tu kamarampasan dao isungan kapayunganna Daud sia lan nalili’ parentaNa, la Napabantang sia Naparandanganni katonganan sia kamaloloan randuk totemo tontong sae lakona; kamamaliranNa PUANGna mintu’ ma’dandan maritik la umpogau’i tu ianna te.

YEREMIA 20:3

Iatonna masiangmo dio mai, tonna tassu’imi Pasyhur tu Yeremia lan mai sangkala, nakuami Yeremia lako: Tae’mo Nasangai PUANG tu sangammu Pasyhur, sangadinna Kamagiangantiku-lao.

YEREMIA 23:2

Iamoto, nakua kadanNa PUANG, Kapenombanna to Israel, lako mintu’ to mangkambi’ tu ungkambi’ taungKu, kumua: Mipasisarak-sarak sia miula’ tu dombaKu sia tae’ mikaritutui; tonganna la Kupapakkanni tu mintu’ penggauran kadakemi, kadanNa PUANG.

YEREMIA 3:8

Apa Kutiro, tongKu mangka untibei tu Israel, to sorong boko’ sia Kuben sura’ kasitantangan belanna diona mintu’ gau’ sala napogau’, iaomi tu Yehuda sangbainena to tang maruru’, tae’ namataku’, sangadinna male duka ma’gau’ sala;

YEHEZKIEL 23:10

Nakambelangi tau iato mai, narampai tu mai anakna muane sia baine, napatei pa’dang. Susimoto dinii umpoparumbasanni dio lu mintu’ baine, belanna diparampoimo ukungan.

YEHEZKIEL 23:31

Unnolamoko lalan gau’na sangbainemu; iamoto Kutadoangko tu irussanna.

HOSEA 1:6

Ma’tambuk pole’omi tu baine iato anna dadian misa’ pia baine. Ma’kadami tu Puang lako kalena, Nakua: Sangai Lo-Ruhama, belanna tae’mo Kula ungkamasei tu bati’na Israel, Kuurunganni tang umpa’dei tu salana, moi misa’ duka.

HOSEA 1:9

Ma’kadami tu Puang Nakua: Sangai Lo-Ami, belanna tangiakomi taungKu sia iatu Aku tangiaNa’ Puangmi.

HOSEA 2:13

Iamoto manassa la Kunaran sia la Kusolan tama padang pangallaran sia la ma’kada malamma’Na’ lako kalena.

HOSEA 2:22

Attu iato la Kuamboran Kaleku tu tau iato mai lan tondok sia la Kukamasei tu Lo-Ruhama sia Kukua lako Lo-Ami; Ikomo tu taungKu. Anna ma’kada nakua: Kamu tu Kapenombangku.

HOSEA 9:17

La Natibe Kapenombangku tu tau iato mai, belanna tae’ naperangii; iamoto anna salamba salao dio lu mintu’ bangsa.

AMOS 9:8

Tonganna iatu matanna Puangta PUANG unneai te kadatuan kasalan iate, kumua angKu pisanni dao mai kuli’na padang. Moi nasusito, tae’ duka Kula ussanggangi nasangi tu bati’na Yakub, kadanna PUANG.

MATIUS 1:21

La undadian misa’ pia muane la musangai Yesu, belanna Iamo, tu la urrampanan taunNa dio mai mintu’ kasalanna.

LUKAS 1:13

Apa nakua tu malaeka’ lako: Da mumataku’, Zakharia, belanna ditarimamo tu palakummu; iatu bainemu Elisabet la napadadiangko misa’ pia muane, la musangai Yohanes.

LUKAS 1:31

Manassa la ma’tambukko mudadian misa’ pia muane, la musangai Yesu.

LUKAS 1:63

Napalakumi tu papa’-papa’ passurasan, nasura’i lako, nakua: Yohanes la disanganni. Mangnga nasangmi tu tau.

YOHANES 1:42

Nasolammi lako Yesu. Napatontongimi mata Yesu Nakua: Iko te Simon, anakna Yohanes, la disangamoko Kefas, ke dipallemba’i battuananna Petrus.

YOSUA 19:18

Iatu mai lili’na, iamotu Yizreel, Kesulot, Sunem,