HAGAI 2:3 - Sura' Madatu

³ Pokadai lako Zerubabel, anakna Sealtiel, to maraya Yehuda, sia lako Yosua, anakna Yozadak, tominaa kapua, sia lako to buda, tu torronapa kumua:

HAGAI 2:3 ပူးပေါင်းရင်းမြစ်များ

1 OSSORANNA DATU 22:5

Belanna natangnga’ Daud, kumua iatu anakku Salomo mangurapa sia tang matona’pa, na iatu banua la dipabendanan PUANG sipatu la kapua tongan anna undaoanni mintu’ banua kalelean sia mala’bi’ lan mintu’ tondok; iamoto kurampunni totemo tu apa la napake. Susimoto tu Daud urampunni dolo tu apa la dipake lendu’ budanna, namane mate.

EZRA 3:11

Sibali-balimi tu tau iato mai menani umpudi sia umpakaraya PUANG nakua: belanna masokan, sia belanna iatu kamasokananNa tang tileluk sae lakona lako to Israel. Mandumi siarrakan tu mintu’ to buda sia umpudi PUANG, belanna tiotonmo tu parandangan banuanNa PUANG.

EZRA 3:12

Apa budai tu tominaa sia to Lewi sia pangulu rapu, tu matuamo, tu mangkamo untiroi tu banua bunga’na, siurrukan tumangi’, tonna diotonmo tu parandangan banua iato dio tingayona; apa buda dukai tu mandu siarrakan sia ma’marua’-rua’, belanna parannu penaanna.

YESAYA 64:10

Iatu kota maindanMi mempadang aakmo, ia duka tu Sion mempadang aakmo sia iatu Yerusalem kariuammo.

YEHEZKIEL 7:20

Iatu kamala’biran maballo napake unggaragai apa napomatampo penaanna; apa iamoto tu nagaragai rapang-rapang dipodeata megallianna, iamotu apa megigiranna; iamotu apa iato la Kupopendadi apa megi’giran lako tau iato mai,

HAGAI 2:9

Aku puangna tu mintu’ salaka sia Aku puangna tu mintu’ bulaan, kadanNa PUANGna mintu’ ma’dandan maritik.