FILIPI 4:7 - Sura' Madatu

⁷ Anna kamarampasan dio mai Puang Matua, tu undaoanni mintu’ kamanarangan la umpetayanni penaammi sia tangnga’mi lan Kristus Yesu.

FILIPI 4:7 ပူးပေါင်းရင်းမြစ်များ

NEHEMIA 8:10

Ma’kadami tu Nehemia, iamotu to maraa, sola Ezra, tu to minaa na pandita sura’ sola mintu’ to Lewi, tu unnada’i bangsana, nakua: Maindan te allo iate lako PUANG, Kapenombammi; iamoto da namasussa tu penaammi sia da mitumangi’. Belanna tumangi’ tu mintu’ bangsa iato, tonna rangii tu kada Sukaran aluk.

AYUB 22:21

Mengkara’pako lako Puang, ammu marampa’; iamoto anna kapua tu upa’mu.

AYUB 34:29

Iake ma’pakappai tu Puang, mindara la ma’pasala? Sia iake Nabunianni lindoNa tu misa’ tau, mindara la untiroi – la pada-pada tu misa’ bangsa ba’tu misa’ tau –

PA’PUDIAN 29:11

PUANG la umpa’kamasean kamatotoran lako taunNa, PUANG la umpassakkei kamarampasan tu taunNa!

PA’PUDIAN 85:8

Pakitammokan kamasokanamMi, o PUANG, sia benkanni tu kasalamaran lu dio mai Kalemi.

SARAMBU PEADA’ 2:11

Pa’timbang melo la ungkaduttu’ko, tangnga’ melo la urrinding pala’ko,

SARAMBU PEADA’ 4:6

Da mutampei anna karitutuiko, kamali’i, anna pamakarimmanko.

SARAMBU PEADA’ 6:22

Iake lumingkako, denno upa’ naia ussolangko: sia iake pana’dingmoko, denno upa’ naia umpa’kadaiko.

YESAYA 26:12

O PUANG, Kamumo la umpabu’tuangkan kamarampasan belanna iatu mintu’ penggaurangki Kamu umpogaurangkan.

YESAYA 26:3

Iatu to matu’tun penaanna Mikaduttu’ kamarampasan sundun, belanna sande’ mati’ Kalemi.

YESAYA 45:7

tu umpadadi masiang sia ungkombong malillin, tu untannun kamakarimmanan sia umpabu’tu kamandasan, Akumo tu PUANG, tu umpaden nasangi te mintu’na te.

YESAYA 48:18

Iakemmu la umperangii tu mintu’ pepasanKu, manassa iatu kamarampasammu susito salu sia iatu kamaloloammu butung to bombang tasik;

YESAYA 48:22

Iatu to tang mekaaluk, tae’ kamarampasanna, kadanNa PUANG.

YEREMIA 32:16

Iatongku mangkamo umbenni Barukh, anakna Neria, tu sura’ kasiallian, massambayangmo’ lako PUANG, kukua:

YEREMIA 33:6

Tonganna la Kupasikemun tu bangkena sia la Kupamondo sia la Kupamatana tu tau iato mai sia la ungkamaseanni kamakarimmanan sebo tu tae’ upu’na.

KADIBILANGAN 6:26

na PUANGmora umpatiroangkomi lindo masokanNa sia umpasiriakomi kamarampasan.

LUKAS 1:79

anna kaanan lako to lan kamalillinan sia naonganni bayo-bayo kamatean, sia la umpate’teki’ mata kalambanan lako lalan kasalamaran.

LUKAS 2:14

Mintu’na kadipangkeran lu langngan nasang Puang Matua dao madona, sia kamarampasan lan lino lako to Nakaelo.

YOHANES 14:27

Kamarampasan Kutampeangkomi, ontongpi kamarampasangKu kalena Kusorong lako kalemi, tangia susinna tu nasorong te lino, tu Kusorong lako kalemi. Da narosso penaammi sia da miselang.

YOHANES 16:33

Mintu’nate kupokada lako kalemi, kumua misiria kamarampasan ussisolanNa’. Lan te lino umperasaikomi kamaparrisan; apa pabatta’komi penaammi, belanna Aku te mangkaMo’ untaloi te lino.

ROMA 1:7

Diparampo lako mintu’ tau dio Roma tu Nakamaseinna Puang Matua sia dipamarimbanganmo mendadi to masallo’. Narampoimorokomi kamaturu-turuan sia kamarampasan dio mai Puang Matua Ambe’ta sia Puangta Yesu Kristus.

ROMA 14:17

belanna iatu ParentaNa Puang Matua tangia diona kande ba’tu diiru’na, sangadinna kamalamburan sia kamarampasan sia kaparannuan tete dio Penaa Masallo’.

ROMA 15:13

Denno upa’ anNa Puang Matua, tu oto’na kapa’rannuanan, umponnoikomi mintu’ kaparannuan sia kamarampasan tete dio kapatonganan, anna sakapua-puana rannummi belanna kamatotoranNa Penaa Masallo’.

ROMA 5:1

Tu belanna dibilang malolomoki’ diona kapatonganan, anna den kasikaeloanta Puang Matua tete dio Puangta Yesu Kristus,

ROMA 8:6

Belanna iatu naparinaa pa’kalean iamotu kamatean, apa iatu naparinaa Penaa iamotu katuoan sia kamarampasan.

2 KORINTUS 10:5

Naurunganni umbambangan mintu’ kadanna tau, sia mintu’ apa matande unnea kapaissanan diona Puang Matua, sia urrampakan mintu’ tangnga’ kipopengkaolai lako Kristus;

2 KORINTUS 13:11

Ma’katampakanna, e kamu siulu’ku, parannukomi, tuntunni tu miposielle’na, alakomi pa’pakilala, sanginaakomi, sikaelokomi. AnNa Puang Matuamora tu oto’na kamamasean sia kamarampasan urrondongkomi.

GALATIA 5:22

Apa iatu mai buanNa Penaa, iamotu pa’kaboro’, kaparannuan, kamarampasan, pesuka’ kalando, kamasokanan, kameloan, kamarurusan,

EFESUS 3:19

sia untandai polepa pa’kaboro’Na Kristus, tu undaoanni mintu’ kapaissanan, dikua anna ponnoikomi pa’kamasean sae lako milambi’na tu mintu’ panganggeanna Puang Matua.

FILIPI 1:1

Iate sura’ lu dio mai Paulus na Timotius, taunNa Kristus Yesu diparampo lako mintu’ to masallo’ lan Kristus Yesu dio Filipi sia mintu’ to ma’panundu’ sia pa’kamaya.

FILIPI 1:2

Narampoimorokomi kamaturu-turuan sia kamarampasan dio mai Puang Matua, Ambe’ta sia dio mai Puang Yesu Kristus.

FILIPI 4:19

Anna Puangku umpasilasan mala’bi’i tu mintu’ kakurangammi situru’ kasugiranNa tete dio Kristus Yesu.

FILIPI 4:21

Parampoanna’ salama’ku lako mintu’ to masallo’ lan Kristus Yesu. Mintu’ duka sangsiuluranta inde kusolan umparampo salama’na mati’ kalemi.

FILIPI 4:9

Apa-apa tu mipelada’i sia mitarima sia mirangi sia mitiro dio kaleku, iamoto tu la mipogau’; anna Puang Matua, tu oto’na kamarampasan, la urrondongkomi.

KOLOSE 3:15

Anna kamarampasanNamora Kristus ma’parenta lan penaammi, belanna ditambaimokomi la unnappa’ kamarampasan iato lan kale sangbatang; sia la ma’kurre sumanga’komi.

2 TESALONIKA 3:16

Anna Iamora tu Puang, oto’na mintu’ kamarampasan, tontong ungkamaseangkomi kamarampasan lan mintu’-mintu’na. Anna rondongmorokomi Puang sola nasang.

IBRANI 13:20

Puang Matua, oto’na kamarampasan, tu mangka umbaai sule dio mai to’ to mate Pangkambi’ domba, tu umpomala’bi’ rara basse matontongan iamo Puangta Yesu,

YUDAS 1:1

Sura’ iate lu dio mai Yudas, taunNa Yesu Kristus sia siulu’na Yakobus, diparampo lako mintu’ to ditambai tu naluang pa’kaboro’Na Puang Matua Ambe’ sia kadikarimmanan dio mai Yesu Kristus.

KADA OMBO’ LAKO RASULU’ YOHANES 1:4

Iate sura’ lu dio mai Yohanes rampo lako pitu kombongan dio Asia: narampoimorokomi pa’kamasean sia kamarampasan lu dio mai Kalena, tu Den, sia inang Den tempon dio mai, sia la saemo, sia lu dio mai pitu penaa tu dio olo isungan kapayunganNa;

KADA OMBO’ LAKO RASULU’ YOHANES 2:17

Minda-minda ketalinga la naperangii tu apa Napokada Penaa lako mintu’ kombongan. Na lako tu to patalo, la Kuben manna kabunian, sia la Kuben misa’ batu mabusa na dio batu iato tisura’ misa’ sanga ba’ru, tu tae’ misa’ tau untandai, sangadinna ia manna tu to untarimai.