FILIPI 4:18 - Sura' Madatu

¹⁸ Kutarima nasangmo sia losongmo na iatu silasanna; kala’biammo’, tongku tarimami dio mai Epafroditus tu pamengammi, susi bau busarungngu’ sia pemala’ naala penaanNa sia Naporai Puang Matua.

FILIPI 4:18 ပူးပေါင်းရင်းမြစ်များ

KATASSURAN 29:18

Iatu domba laki iato la mutunu pu’pu’ nasang dao inan pemalaran; iamo pemala’ ditunu pu’pu’ lako PUANG, la dadi bau busarungngu’; iamoto tu pemala’ pantunu, dipemalaran lako PUANG.

KADIBILANGAN 15:3

sia mipemalaran lako PUANG tu pemala’ pantunu, la pemala’ ditunu pu’pu’, la pemala’ pangrere’, la umpangallonni misa’ pangallonan, ba’tu pemala’ tanning inaa, ba’tu pemala’ allo kapuammi, la umpadenan PUANG misa’ bau busarungngu’ dio mai sapi ba’tu domba sia bembe’,

KADIBILANGAN 7:62

sia misa’ dolong-dolong bulaan sangpulo sikele’ timbanganna ponno dupa diong;

PENGGAURANNA RASULU’ 10:4

Lendu’mi mataku’na mentiro lako malaeka’ sia nakua: Apara mitungkanan, Puang? Nakuami lako: Mintu’na passambayangmu sia pa’kamasemu rampomo langngan Puang Matua sia Napengkilalai.

ROMA 12:1

Iamoto, e kamu siulu’ku, kupakilalakomi tete dio kamamaseanNa Puang Matua, pennoloanni tu kalemi butung pemala’ tuo sia masero sia Naporai Puang Matua, iamoto tu kamenomban tu siolanan kakinaan.

2 KORINTUS 11:8

Kurugiimo tu mai kombongan senga’, ia kunii unnala bua kamara’tasangku, angku ma’din ungkamayaikomi.

2 KORINTUS 9:12

Belanna iate pentoean kamamasean iate tangngia manna umpasitutu’ kakuranganna to masallo’, sangadinna kala’bian pole’pa diona kabudanna pa’kurre sumanga’ langngan Puang Matua.

EFESUS 5:2

sia lolangkomi umpa’pekitanan pa’kaboro’ susi Kristus mangka ungkamaseikomi, sia mangka ussorong Kalena belanna kita, mendadi pemala’ sia pesuru’, tu busarungngu’ lako Puang Matua.

FILIPI 4:12

Kuissan tu mangringki-ringki, kuissan duka tu malabo, moi satumbanna, sia lan mintu’ apa mangkamo’ dipaissanni, la diona kadiaran la diona katangdiaran, la diona kala’bian la diona kakurangan.

2 TESALONIKA 1:3

E sangsiulurangku, sipatukanni tontong ma’kurre sumanga’ langngan Puang Matua diona kamu, susitu sielle’na siamo, belanna sakendek-kendekna tu kapatonganammi sia iatu kasialamaseammi tang dikemba’mo lako kamu simisa’-misa’mi sola nasang,

IBRANI 13:16

Sia da mimalilu umpa’pekitanan kamasokanan sia kamamasean belanna iatu pemala’ susito iamo Naporainna Puang Matua.

1 PETRUS 2:5

la susi dukakomi batu tuo dibangun mendadi misa’ banua mempenaa sia kombongan masallo’na tominaa, dikua ammi pemalaran pesuru’ mempenaa, tu Naporai Puang Matua belanna Yesu Kristus.