FILIPI 4:12 - Sura' Madatu

¹² Kuissan tu mangringki-ringki, kuissan duka tu malabo, moi satumbanna, sia lan mintu’ apa mangkamo’ dipaissanni, la diona kadiaran la diona katangdiaran, la diona kala’bian la diona kakurangan.

FILIPI 4:12 ပူးပေါင်းရင်းမြစ်များ

NEHEMIA 9:20

Sia Miben Penaa meloMi la umpakinaai tu tau iato mai sia tae’ Mipaka’tui tu mannaMi dio mai pudukna sia Miben uai ussa’poi ma’rangna.

YESAYA 8:11

Nakua tu kadanNa PUANG lako kaleku tonNa la’ka’ina’ sia Napakilalana’ kumua: da muturu’i tu lalanna te bangsa iate, nakua:

YEREMIA 31:19

Iatongku kilalai tu a’gangku, menassanmo’, iatongku inaa-naai tu pasiruangku, ussa’pamo’ ara’ku; kasirisammo’, sia maila’, belanna untanggungna’ kaditattan tongku mangura.

MATIUS 11:29

Endekammi tu panglembaKu sia melada’komi lako Kaleku; belanna Aku malamma’ sia umpamadiongan penaa; ammi alan kapelayoan kalemi.

MATIUS 13:52

Nakuami Yesu ungkuanni: Iamoto minda-minda tu pandita Sura’, tu digurui lan Parenta Suruga, iamo butung misa’ to makaka, umpatassu’i diong mai inan pangannana tu bangla’na sia masainnamo.

2 KORINTUS 10:1

Iate aku te, aku kalenamo Paulus umpakilalakomi kada kaboro’Na sia kamasokananNa Kristus, tu aku te disanga, kumua, iake sitingayoki’ umpamadionganna’ kaleku apa iake sikambelaki’ lendu’ baraningku lako kalemi.

2 KORINTUS 10:10

Belanna nakua tau, masang sia makarra’ tu kadanna lan sura’na, apa langga’ tu ambana sia tang keangga’ tu kadanna.

2 KORINTUS 11:27

Lan kamara’tasan sia kamasussan, pembudana’ maroya, lan katangdiaran sia kama’rangan, pembudana’ mangelo, naalana’ sangkang sia tang ma’tamangkale.

2 KORINTUS 11:7

Kasalanra’ka tongku umpamadiongan kaleku kumua anna kamu dipakalangka’, belanna kupa’peissanan punala bangsia lako kalemi tu Kareba-kaparannuanNa Puang Matua.

2 KORINTUS 11:9

Iatonta sisola angku kakurangan, moi misa’ tau tae’ kupamatana’, belanna iatu kakurangangku natutu’ sangsiuluranta tu sae dio mai Makedonia. Mintu’na kunii umpenandai kaleku tu la umpamatana’komi, sia susi dukamo la kupenandainna to tu kaleku.

PA’TOLE 32:10

Nakabu’tuimi lan padang pangallaran, lan padang lo’bang, tu nanii burungna padang aak. Ia ungkampai sia umpalan penaai, Ia ungkaduttu’i susito mata taunNa.