FILIPI 3:9 - Sura' Madatu

⁹ sia lan kasiturusanNa kunii payan, kumua tangia kamaloloangku kalena tu lu diona mai tuntunan Sukaran aluk, sangadinna kamaloloan tete dio kapatonganan lako Kristus, iamotu kamaloloan lu dio mai Puang Matua umpolalan kapatonganan.

FILIPI 3:9 ပူးပေါင်းရင်းမြစ်များ

KADADIAN 7:23

Susimo lalanna dinii ummangsanni tu angge menono’ lan te lino, la tolino, la patuoan sia mintu’ olo’-olo’ mendonglo’ sia mintu’ manuk-manuk dao lu langi’; mintu’nato dimangsanni lan mai lino, Nuh manna tu tuo sola mintu’ to nasolan lan lembang.

1 DATU 8:46

Iake kasalammi tu tau iato mai lako Kalemi – moi misa’ tau tae’ tang kasalan – anna re’dek ara’Mi lako tau iato mai sia Misorong lako ualinna, naurunganni nabaa male tu tau iato mai la napali’ tama tondokna, la mambelanna, ba’tu la mandappi’na,

2 OSSORANNA DATU 32:25

Apa iatu Hizkia tang naissan umpakkanni tu pa’kamasean dikamaseanni, belanna madao penaanna; iamoto narampoi kasengkean, sola tu to Yehuda sia to Yerusalem.

2 OSSORANNA DATU 32:31

Iatonna sae tu sumbungun puduk tu nasua mintu’ arung Babel lako datu la umpekutananni tu diona tanda kalle-kallean tu dadi lan tondok iato, Napopa’elo’na Puang Matua tu datu la untobai, kumua anna tandai tu mintu’ apa lan penaanna.

PA’PUDIAN 14:3

Pusa nasangmo tu tau iato mai, sia kelok nasangmo; tae’mo tau misa’ umpogau’ melo, moi misa’ tae’ dukamo.

PA’PUDIAN 143:2

Da Mipasilindoi kadiparessan tu taumMi, belanna moi misa’ rupa tau tae’ malambu’ dio oloMi.

PA’PUDIAN 19:12

Sia iamo la umbangunni ada’ taumMi, na diona kanaturusanna kapua tongan poleanna.

TOMANGADA’ 7:20

Belanna tae’ misa’ to malambu’ susito dao kuli’na padang, naurunganni melona manna napogau’ sia tae’ nakasalan.

YESAYA 46:13

Iatu kamaloloangKu Kupopengkareke’mo, tae’mo anna mambela sia iatu kasalamaran lu dio mai Kaleku tae’ nala malelan; sangadinna Aku la ungkamasei kasalamaran tu Sion sia kamala’birangKu tu to Israel.

YESAYA 53:11

Belanna kakapuanna pa’di’na anna tiroi tu iannato sanamosona; sia tete dio kapaissananna tu tau malambu’Ku anna buda tau nabilang malolo, sia iamo la urrengnge’i tu kakelokanna tau iato mai.

YESAYA 53:6

Pusamiki’ sola nasang susi domba, pantan unnula’moki’ lalanta, apa mintu’ kakadakeanta Napalulako PUANG TaunNa.

YESAYA 6:5

Kukuami: Upu’ alloku, sumpu sumandakku, belanna aku te to maruttak puduk sia torrona’ sirau misa’ bangsa maruttak puduk, na nata’paimo matangku tu Datu, tu PUANGna mintu’ ma’dandan maritik.

YEREMIA 23:6

Iake alloNa iatu to Yehuda la dikarimmanni sia iatu to Israel la torro marampa’, na iatu sanganNa la nasa’bu’ tau: PUANG tu oto’na kamaloloanta.

YEREMIA 33:16

Allo iato iatu Yehuda la dirampanan na iatu Yerusalem la torro marampa’, anna sangai tau tu tondok iato: PUANG tu kamaloloanta.

DANIEL 9:24

Pitungpulo minggunna dipamanassanni tu taummu sia kota maindanmu la ungganna’i tu kapatodo-tintingan sia la umpogau’i tu kasalan, sia la umbasei tu kakadakean, la umbaa kamaloloan sae lakona sia la ussanda tonganni patiro mendeata sia nabi, sia la umminnakki tu apa tarru’ maindan.

MATIUS 9:13

Apa laomokomi ammi tangnga’-tangnga’i patunna te kada iate: Kamamasean Aku tu Kukamorai, tangia pemala’, belanna tae’ Kusae untambai to malambu’, sangadinna to kasalan.

ROMA 1:17

Belanna inde to dinii umpapayanni tu kamaloloanNa Puang Matua dio mai kapatonganan lako kapatonganan, susitu mangka disura’ kumua: iatu to malolo la umpotuo kapatonganan.

ROMA 10:10

Belanna penaari anna ma’patongan tu tau naurunganni ungkabu’tui kamaloloan, apa dio puduk nanii tau mangaku naurunganni ungkabu’tui kamakarimmanan.

ROMA 16:7

Salama’ku lako Andronikus sia Yunias, sangsukungku sia sibangku lan pa’tarungkuan, tu kabilangan lako padanna rasulu’, sia dolo ia umpatongan Kristus na aku.

ROMA 5:21

kumua anna tumba tu kasalan pasau’ lan kamatean, susi dukamoto tu pa’kamasean pasau’ tete dio kamaloloan landa’ lako katuoan sae lakona diona Yesu Kristus, Puangta.

ROMA 8:1

Iamoto totemo tae’mo ukunganna tu to lan Kristus Yesu.

ROMA 8:3

Apa iatu tang nalambi’na Sukaran aluk, belanna langga’ diona pa’kalean, Napasundun Puang Matua, tu ussua AnakNa kaleNa unnala a’gan pa’kalean mengkaola lako kasalan, tu belanna iamoratu kasalan, anNa pakannai ukungan tu kasalan, lan pa’kalean,

1 KORINTUS 1:30

Apa bannang dio mai Puang Matua ammi lan Kristus, tu mendadi kakinaan tapokinaa dio mai Puang Matua sia kamaloloan sia kadiseroian sia kadila’bakan;

2 KORINTUS 5:17

Iamoto iake denni misa’ tau tuo lan Kristus, iamo pa’padadi ba’ru; iatu mai apa malaun pa’demo; na tonganna dipopendadi ba’rumo.

2 KORINTUS 5:21

Anna Ia tu tang narandan kasalan, mangkamo Napopendadi kasalan ussondaki’, kumua anna kita mendadi kamaloloanNa Puang Matua diona Ia.

GALATIA 2:16

apa taissan kumua tae’ misa’ tau dibilang malolo belanna ungkaritutui tuntunan Sukaran aluk, sangadinna kapatongananri lako Kristus Yesu, tenmoto anta patonganni tu Kristus Yesu, kumua anta dibilang malolo diona kapatonganan lako Kristus, tangia kumua diona ungkaritutui tuntunan Sukaran aluk, belanna iatu ungkaritutui tuntunan Sukaran aluk, moi misa’ tau tae’ dibilang malolo.

PA’TOLE 27:26

Tampak ropu lako to tang umbilang kada Sukaran aluk iate, belanna tae’ naturu’i. Anna mintu’ bangsa mebali nakua: Amin.

FILIPI 3:6

diona sara’, to umpakario-riona’ kombongan; diona kamaloloan tu umpogaronto’ Sukaran aluk, payan tae’ sayuangku.

2 TIMOTIUS 1:9

Tu mangka ungkarimmanniki’ sia mangka untambaiki’ petamba masero, tangia sitinaya penggauranta, sangadinna situru’ tanan penaanNa Kalena sia pa’kamasean, inang dolo dikamaseangki’ tete dio Kristus Yesu na iatu tipamulanna attu,

TITUS 3:5

Nakarimmannimiki’, tangia kumua tete dio penggauran melo tapogau’ lan kamaloloan, sangadinna situru’ kamamaseanNa tete dio kamendioran kadidadian pole sia kadiba’ruan Nakarang Penaa Masallo’,

IBRANI 6:18

kumua anna bannang dio te da’dua passalan tang tileluk tu Nanii Puang Matua tang balle, nadipabatta’ tu penaanta te kita mallainnamo mentilindung lako Kalena la untoe kapa’rannuanan tu diomo tingayota,

YAKOBUS 3:2

belanna kita sola nasang buda apa tanii sala. Iake denni misa’ tau tae’ nasala lan buangan kadanna, iamoto sundun, sia ma’din duka umparenta mintu’ kalena.

2 PETRUS 1:1

Iate sura’ lu dio mai Simon Petrus, taunNa sia rasulu’Na Kristus, diparampo lako mintu’ to unnappa’mo kapatonganan, tu pada mala’bi’na kapatonganangki tete dio kamaloloanNa Kapenombanta sia Yesu Kristus, To pakarimmanan:

1 YOHANES 3:4

Minda-minda umpogau’ kasalan, iamo ullullu’ Sukaran aluk, belanna kasalan iamo gau’ ullullu’ Sukaran aluk.