FILIPI 3:1 - Sura' Madatu

¹ Senga’pi to, e kamu sangsiulurangku, poparannukomi Puang. Iake kutolei ussurasangkomi tu apa mangka kupakilalangkomi, tae’ kupomasorroi to, ammi nii ungkanassai kapatonganammi.

FILIPI 3:1 ပူးပေါင်းရင်းမြစ်များ

1 OSSORANNA DATU 15:28

Iatu mintu’ to Israel umbaa patti basseNa PUANG unnarrak-arrak sia umpannoni napiri tanduk, tarompe’ na taa’-taa’, sia ma’dandi na ma’katapi.

1 OSSORANNA DATU 16:10

Massattuangkomi diona sanga maseroNa; Mintu’ to undaka’ PUANG sipatu la sende batu ba’tengna.

1 OSSORANNA DATU 29:22

Kumandemi sia mangiru’ tu tau iato mai dio oloNa PUANG situang kaparannuan kapua, ma’penduanna unnangka’ Salomo, anakna Daud, dadi datu, anna tokkoanni PUANG dadi arung, na Zadok dadi to minaa.

NEHEMIA 8:10

Ma’kadami tu Nehemia, iamotu to maraa, sola Ezra, tu to minaa na pandita sura’ sola mintu’ to Lewi, tu unnada’i bangsana, nakua: Maindan te allo iate lako PUANG, Kapenombammi; iamoto da namasussa tu penaammi sia da mitumangi’. Belanna tumangi’ tu mintu’ bangsa iato, tonna rangii tu kada Sukaran aluk.

AYUB 22:26

iake susito, manassa mupoparannu tu To umpoissan angge maritik sia mentingara langnganko Puang Matua.

PA’PUDIAN 149:2

La naposande’ to Israel tu To manampana, sia la sila’tekan tu pia to Sion belanna diona Datunna!

PA’PUDIAN 32:11

E to malambu’ poparannu-rannukomi PUANG, sia sende paimankomi, sia sila’tekangkomi, e mintu’ to ma’bulo lollong.

PA’PUDIAN 33:1

La sila’tekangkomi umpakaraya PUANG, e mintu’ to bulo sanglampa, Iatu pa’pudi-pudian bayu sielle’na to ma’bulo lollong.

PA’PUDIAN 37:4

Posendeko PUANG, anNa ba’giko tu mintu’ mupelambeinna.

PA’PUDIAN 42:4

Tae’mo kukumande sangadinna uai matangku mannamo kuparra keallo kebongi, belanna nakuan bangmo’ tau kiallo kumua: Umbamira tu Kapenombammu?

PA’PUDIAN 5:11

Pasalai tu tau iato, o Puang Matua! Nake tobangi natumang pakira-kiranna, suale pala’i belanna buda salana, belanna nabali-baliKomi.

PA’PUDIAN 97:1

PUANG tu untoe kapayungan: la mela’tek tu lino, sipatu tu lebukan ma’lako-lakoan la sende paiman.

YESAYA 41:16

La muta’pii, anna baai angin sia napentiaran bara’; apa iatu iko la kumalasi belanna PUANG sia massattuan belanna To maserona Israel.

YESAYA 61:10

Iatu penaangku umpoparannu tongan PUANG, iatu deatangku unnarrak-arrak umposende-sende Kapenombangku, belanna Natamangkaleimo’ pakean kasalamaran, sia Napabayuina’ bayu lamba’ kamaloloan, sangtinti to muane diparampo ma’passapu susito minaa sia ten to baine diparampo umbeloi kalena.

YESAYA 65:14

Manassa iatu mai taungKu la kumalasi-lasi belanna parannu penaanna, apa iatu kamu silallakan belanna masussa sia siurrukan belanna rantang buami.

YOËL 2:23

E kamu, mintu’ to Sion, sila’tekangkomi sia parannu-rannukomi tete dio PUANG, Kapenombammi, belanna Nabenkomi to mangada’ lako kamaloloan, ondongpi Napasaeangkomi uran kamban, uran bunga’ sia uran tampak, susi dolona.

ZEFANYA 3:14

Mela’tekko, e anak dara Sion, unnarrakko, e Israel; sende paimanko sia ponno penaammu parannu-rannu, e anak dara Yerusalem.

ZEFANYA 3:17

Iatu PUANG, Kapenombammu, lan lu tangnga’mu, iamotu to lalong mangrampanan. La parannu tu Puang umposendeko, la umpakappa kaleNa tete dio pa’kaboro’Na; la mela’tek sia unnarrak umpopaimanko.

ZAKHARIA 10:7

Attu iato iatu tau iato mai la susito lalong lu dio mai Efraim, sia la parannu tu penaanna susito napobua’ uai anggoro’; sia ia duka tu mintu’ anakna muane la untiroi, anna parannu sia sende paiman tu penaanna diona PUANG.

MATIUS 5:12

Parannu paimankomi sia sende pakadua, belanna kapua serongmi lan suruga, belanna susi dukamoto tu nabi dolona anna kamu, dipakario-rio.

LUKAS 1:47

sia umpomarannumo Puang Matua tu penaangku, To patutungan bia’ku,

ROMA 5:11

Sia tangia manna to, sangadinna ussattuan poleki’ Puang Matua tete dio Puangta Yesu (Kristus), apa belanna Iari anta kabu’tui kasikaeloan totemo.

2 KORINTUS 13:11

Ma’katampakanna, e kamu siulu’ku, parannukomi, tuntunni tu miposielle’na, alakomi pa’pakilala, sanginaakomi, sikaelokomi. AnNa Puang Matuamora tu oto’na kamamasean sia kamarampasan urrondongkomi.

EFESUS 6:10

Nama’katampakanna la bintinkomi lan Puang sia umpomatoto’ kamatotoran kuasanNa.

PA’TOLE 12:18

Apa dio oloNa PUANG, Kapenombammu, la munii ungkandei, dio inan Napilei PUANG, Kapenombammu, la iko la anakmu muane la iatu mai anakmu baine la kaunanmu muane sia kaunanmu baine sia to Lewi, tu torro lan babangan kotamu, ammu parannu dio oloNa PUANG, Kapenombammu, diona mintu’ apa mangka mutoe.

PA’TOLE 16:11

La parannu-rannuko dio oloNa PUANG, Kapenombammu, iko sola tu mai anakmu muane sia iatu mai anakmu baine, kaunanmu muane sia ia tu mai kaunanmu baine, sola to Lewi, tu torro lan babangan kotamu, sia to sae, sia pia biung sia baine balu, tu misisolan, dio inan tu la Napilei PUANG, Kapenombammu, la Napannii sanganNa dio.

FILIPI 3:3

Belanna kitari te tu umpogau’ sunna’ tongan, kitari tu menomba unturu’ PenaanNa Puang Matua, sia massattuan tu belanna Kristus Yesu, sia tang urrannuan a’gan tolino;

FILIPI 4:4

Tontongkomi parannu tete dio Puang, kutolepa pissan kupokada kumua: parannukomi.

FILIPI 4:8

Senga’mito, e sangsiulurangku, mintu’na tu tonganna, mintu’na tu mala’bi’na, mintu’na tu malambu’na, mintu’na tu masallo’na, mintu’na tu maballona, mintu’na tu melona dirangi, to ke nanii kameloan sia ke nanii kadipudian, iamoto tu la mitangnga’ lan penaammi.

1 TESALONIKA 4:1

Sia indepa, e sangsiulurangku, kipalaku lako kalemi sia kipakilalakomi lan Puang Yesu, susitu mangkanna mitarima dio mai kaleki, kumua umba la mipakuanni tu gau’mi anNa poraikomi Puang Matua, – susitu mipogau’ sia –, susi dukamoto la samipakendek-kendekna tu pengkaolammi.

1 TESALONIKA 5:16

La tontong bang parannu penaammi;

YAKOBUS 1:2

E sangsiulurangku, iammi tobang tama ma’rupa-rupa peroso, sanga bangmi kaparannuan kapua tu iannato;

1 PETRUS 3:8

Ma’katampakanna sipatukomi sola nasang sanginaa, sia maturu-turu, sia unnala mase mintu’ siulu’, sia madulu’, sia umpamadiongan penaa;

1 PETRUS 4:13

sangadinna la parannukomi sitinaya kataanammi lan kamaparrisanNa Kristus; dikua ke attunnami sombo tu kamala’biranNa la parannukomi sia sende paiman.

2 PETRUS 3:1

E pa’kaboro’ku, iamote tu sura’ ma’penduanna kupakatuangkomi; lan to sura’ da’dua kunii umpamabalisa inaa malambu’mi tete dio kakupakilalammi,

1 SAMUEL 2:1

Massambayangmi tu Hana, nakua: Iatu penaangku sende-sende angku kumalasi diona PUANG, sia dipataranggamo tu tandukku tete dio PUANG, sia tibungka’mo tu pudukku umbali mintu’ ualingku, belanna kupoparannumo tu kasalamaran lu dio mai Kalemi.