FILIPI 2:9 - Sura' Madatu

⁹ Iamoto anNa pamalangka’ tonganNi Puang Matua sia Napa’kamasean lako Kalena tu Sanga, undaoan nasangi tu mintu’ sanga,

FILIPI 2:9 ပူးပေါင်းရင်းမြစ်များ

KADADIAN 3:15

La Kupaden tu kasiualiammu na iate baine sia bati’mu anna bati’na; iamo la unnisak-nisakki tu ulummu ammu totokki tu kambutu’na!

PA’PUDIAN 110:1

Pa’pudianna Daud. Susite tu kadanNa PUANG lako Puangku Nakua: Nno’ko’Ko dio kananKu, sae lako Kupopengkanorongna nasang tu mai ualimMu Mupolilli’ lentek.

PA’PUDIAN 110:5

Iatu Puang dio kananMu. Ia ussolangi ba’tu pira-pira datu-datu ke allo kasengkeanNai.

PA’PUDIAN 89:27

La ma’kada lako Kaleku kumua: Kamumo tu Ambe’ku, Kapenombangku sia buntu batu kasalamarangku.

PA’PUDIAN 91:14

Belanna la’ka’ tongan lako Kaleku, iamoto angKu la urrampananni, sia belanna natandai tu sangangKu, iamoto angKu la urrinding pala’i.

YESAYA 52:13

Manassa, la maupa’ tu taungKu, la diangka’ sia dipalaang tanduk, anna tarru’ matande.

YESAYA 53:12

Iamoto angKu la umba’gii apa dio lu to’ buda tau, sia la sola to lalong untaa pangrampa belanna umbuang sunga’na tama kamatean, sia dipasangbilangan to kadake, moi anna urrengnge’ kasalanna buda tau sia umpassambayangan to kadake.

YESAYA 9:7

Napasonglo’mo Puang tu misa’ kada lako Yakub, nata’pa lan Israel.

DANIEL 7:14

Dikamaseimi kaparentan sia kadipangkeran sia kuasa kabarrealloan, anna mintu’ bangsa sangpetayanan sia ma’rupa-rupa basa mengkaola lako kalena. Iatu kaparentanna la tontong sae lakona, sia tang la pa’de len, sia iatu kadatuanna tang la sanggang len.

MATIUS 11:27

Mintu’na angge maritik mangkamo Nasorong Ambe’Ku lako Kaleku na moi misa’ tau tae’ untandai tu Anak, sangadinna Ambe’ manna, sia moi misa’ tau tae’ untandai tu Ambe’, sangadinna Anak manna sia iatu to la morai Napasomboan Anak.

MATIUS 28:18

Napentireke’imi Yesu, anNa ma’kada lako tu tau, Nakua: Mintu’na kakuasan disorongmo lako Kaleku, la dao suruga la lan te lino.

LUKAS 10:22

Mintu’na apa-apa mangka nasangmo Nasorong Ambe’Ku lako Kaleku, namoi misa’ tau tae’ unnissanni, kumua mindara tu Anak, sangadinna Ambe’ manna sia mindara tu Ambe’, sangadinna Anak manna sia mindapa la Nanii umpasomboi Anak lako.

YOHANES 13:3

moi anNa issanni Yesu, kumua mangka nasangmo Nasorong Ambe’ tu mintu’ angge maritik lako Kalena, sia Ia lu dio mai Puang Matua sia sule lako Puang Matua,

YOHANES 17:11

Tae’mo Kulan lino, apa tau iato lan lino, na Aku te saeNa’ lako Kalemi, o Ambe’ masero, karimmanni tu tau iato umpoparinding sangamMi, tu mangka Mipa’kamasean lako Kaleku, kumua anna mendadi misa’ susi Kita.

YOHANES 17:12

IatongKu sisolapa, Kukarimmanni umpoparinding sangamMi, tu mangka Mipa’kamasean lako Kaleku, sia mangkamo Kurinding pala’, na moi misa’i tae’ sanggang sangadinna iatu anak taa kasanggangan, dikua anna sundun tu lanna Sura’ Madatu.

YOHANES 17:5

Na totemo o Ambe’, pakala’bi’Mo’ dio oloMi susitu kamala’biran inang diomo kaleKu MisiayokanNa’ tonna tae’pa naden te lino.

PENGGAURANNA RASULU’ 5:31

Iamora Te tu napakalangka’ lima kananNa Puang Matua mendadi Pangulu sia To pakarimmanan la umpa’kamasean katobaran lako to Israel sia kadipa’deian kasalan.

EFESUS 1:10

la Napasakka’ tu kagannaranna attu, anNa pasipulungi ma’misa lan Kristus tu mintu’na apa la daona suruga, la lanna lino.

KOLOSE 1:18

sia Iamo Ia ulunna batang kale, iamotu kombongan; Iamo tipamulanna sia pa’bunga’ malimbangun dio mai to’ to mate, kumua anna lan mintu’na angge maritik Iamo ma’iringanna.

2 TESALONIKA 1:12

anna dipakala’bi’ tu sanganNa Puangta Yesu lan kalemi sia kamu duka lan Kalena, situru’ pa’kamaseanNa Kapenombanta sia Puang Yesu Kristus.

IBRANI 1:4

Mandu paa Ia anna mintu’ malaeka’, sitondon tu sanga Napomana’ mandu mala’bi’ na sanganna malaeka’.

IBRANI 1:9

Mikamali’ tu kamaloloan amMi sayu kakelokan: iamoto, o Kapenomban, anna bolloiKomi minna’ KapenombamMi tanda kasendean. NapalosongKomi na iatu mai solaMi.

IBRANI 12:2

anta mentiro lu lako Yesu, tu panglalan sia umpasundun kapatonganan. Belanna sondana kaparannuan dipaoloanNi, anNa mangka untanggung kayu pea’ta’ tang Nakuamo siri’, unno’ko’mi dio kanan isungan kapayunganNa Puang Matua.

IBRANI 2:9

Apa iatu Ia tu mangka dipopengkadiongan sattu’ na malaeka’, iamotu Yesu, tatiro dimakotai kamala’biran sia kadipangkeran, diona parri’ kamatean; kumua anna tete dio pa’kamaseanNa Puang Matua anNa perasai kamatean belanna mintu’ tolino.

1 PETRUS 3:22

tu mangkamo kendek langngan suruga, anNa unno’ko’ dio kananNa Puang Matua, na mintu’ malaeka’ sia to paa sia kakuasan mengkanorong lako Kalena.

2 PETRUS 1:17

Belanna mangkamo unnappa’ kadipangkeran sia kamala’biran dio mai Puang Matua Ambe’, tonna diparampoI gamara dao mai kamala’biran matande, susite: Iamote tu Anak pa’kaboro’Ku, Ia dukamo Nanii kasendeangKu.

3 YOHANES 1:7

Belanna tete dio sanganNa Puang ke’de’mo tu tau iato mai, tang ungkabudai barang apa dio mai to kapere’ iato.

KADA OMBO’ LAKO RASULU’ YOHANES 1:5

sia lu dio mai Yesu Kristus, tu dadi sa’bi maruru’, tu pa’bunga’ tuo dio mai mintu’ to mate, sia dadi Pangulunna mintu’ datu lan te lino. Nalako tu To-umpakaboro’ki’, sia mangkamo ulla’bakki’ raraNa, dio mai mintu’ kasalan,

KADA OMBO’ LAKO RASULU’ YOHANES 11:15

Iatu malaeka’ ma’pempitunna umpannoni tarompe’ puana, denmi ba’tu pira-pira gamara kapua dao suruga ma’kada nakua: Iate kadatuan lino natoemo Puangta sia To Natokko, Iamo la ma’parenta tontong sae lakona.

KADA OMBO’ LAKO RASULU’ YOHANES 19:16

Dio bayu lamba’Na sia dio pupunNa den misa’ sanga disura’ nakua: Datunna mintu’ datu sia Puangna mintu’ puang.

KADA OMBO’ LAKO RASULU’ YOHANES 3:21

Na iatu to patalo, Kueloran unno’ko’ dio sa’deKu dao isungan kapayungangKu susi duka tu Aku pataloMo’ angKu unno’ko’ sola Ambe’Ku dao isunganNa.

KADA OMBO’ LAKO RASULU’ YOHANES 5:12

tu ma’kada umpekapuai gamaranna: Sipatu tu Anak domba tu direre’ untarima kuasa sia kasugiran sia kakinaan sia kamatotoran sia kadipangkeran sia kamala’biran sia kadipudian.