FILIPI 2:7 - Sura' Madatu

⁷ sangadinna umpabongko Kalena menna’ga kaunan sia pada-pada tolino, anna pasiruanNa susi tolino;

FILIPI 2:7 ပူးပေါင်းရင်းမြစ်များ

PA’PUDIAN 22:6

Meongli’ tu tau iato mai lako Kalemi anna makarimman, Kamumo nakatappa’i anna tae’ nakasirisan.

YESAYA 42:1

Tiromi tu taungKu, tu Kusande’ boko’na, tu Kutonno’, tu naala penangKu, Kupatamaimo Penaangku; Iamo la umpatiroanni malolona tu mintu’ bangsa.

YESAYA 49:3

Sia ma’kada lako kaleku Nakua: Ikomo tu taungKu, Israel, tu dinii umpakala’bi’Na’.

YESAYA 53:11

Belanna kakapuanna pa’di’na anna tiroi tu iannato sanamosona; sia tete dio kapaissananna tu tau malambu’Ku anna buda tau nabilang malolo, sia iamo la urrengnge’i tu kakelokanna tau iato mai.

DANIEL 9:26

Sia iake lendu’mi annan pulona ndua minggunna la diputtai tu misa’ to ditokko, moi tae’ apa naposala; sia iatu taunna misa’ arung, tu la sae, la ussanggang kota sia inan maindan, apa ma’katampakanna la nasamboi uai saba’; sia sae lako ma’katampakanna la den kasirarian, iamotu kasanggangan, tu mangka dipamanassa.

ZAKHARIA 3:8

Ma’perangiko, Yosua, tominaa kapua, la iko la mintu’ solamu tu unno’ko dio tingayomu – belanna iatu tau iato mai iamo muane dipotanda kalle-kallean – tonganna la Kupasae tu taungKu, iamo tu Taruk.

ZAKHARIA 9:9

Sila’tekangko, e anak dara Sion, unnarrak-arrakko, e anak dara Yerusalem! Manassa iatu datummu saemo lako kalemu, malambu’ sia pasau’, umpamadiongan penaanna, sia ussakei keledai, iamotu keledai laki, anakna keledai birang.

MATIUS 12:18

Iamote tu taungKu, tu to Kutonno’, pa’kaboro’Ku, naposende penaangKu; la Kuparondongi PenaangKu, na Ia umpa’peissananni lako to kapere’ tu kadiparessan.

MATIUS 20:28

Susi Anak rampan dilino tae’ Nasae kumua Nadikamayai, sangadinna kumua anNa ma’kamayai sia ussorong penaanNa la napopela’bak buda tau.

MARKUS 9:12

Nakuami lako: Inang la sae ia dolo tu Elia sia umpasirundunan mintu’ sakka’ saeanna. Apa tumbai tu mangkanna disura’ tu diona Anak rampan dilino, kumua la umperasai buda kamaparrisan sia la nasassai tau?

LUKAS 22:27

Belanna umbannara madaoan, iaraka tu unno’ko’na kumande, iaraka tu ma’parakana? Tang iaraku tu unno’ko’na kumande? Apa iate Aku te butungNa’ to ma’paraka.

YOHANES 1:14

Mentolinomo tu Bisara, sia tongkon tau matamo tasisolan sia kitiromo tu kamala’biranNa, susi kamala’biranNa Anak misa dio mai Ambe’, ponno kamaturu-turuan sia kamanapparan.

ROMA 1:3

tu diona AnakNa, tu kea’gan kale tolino, dadi lu dio mai tarukna Daud,

ROMA 15:3

Belanna Kristus duka tae’ Napatongan misa pa’poraianNa, sangadinna susitu disura’, nakua: Iatu pabe’sena tau, tu umbe’seKomi, narampoiMo’.

ROMA 15:8

Indemi pole tu kadangku kumua: iatu Kristus mangkamo mendadi to ma’kamayana to disunna’, tu belanna kamanapparanNa Puang Matua, kumua anNa arra’i tu pangallu’Na lako nene’ to dolota;

ROMA 8:3

Apa iatu tang nalambi’na Sukaran aluk, belanna langga’ diona pa’kalean, Napasundun Puang Matua, tu ussua AnakNa kaleNa unnala a’gan pa’kalean mengkaola lako kasalan, tu belanna iamoratu kasalan, anNa pakannai ukungan tu kasalan, lan pa’kalean,

2 KORINTUS 13:4

Belanna inang dia’ta’ diona kalanggaran, apa tuo sule diona kamatotoranNa Puang Matua. Kami te kipolangga’ duka tu kalanggaranNa, apa la tuokanni sola diona kamatotoranNa Puang Matua, tu dipamanassa lako kalemi.

2 KORINTUS 8:9

Belanna miissan tu pa’kamaseanNa Puangta Yesu (Kristus) kumua iatu Ia, moi anNa sugi’, apa mendadi kalala’ tu belanna kamu, kumua anna kamu umposugi’i tu kakalalaranNa.

GALATIA 4:4

Apa iatonna lambi’mi kagannaranna attu, Nasuami Puang Matua tu AnakNa tu dadi dio mai misa’ baine, tu dikianakan naonganni Sukaran aluk.

FILIPI 2:6

tu moi anNa pada Ia a’ganNa Puang Matua, apa diona tu kapada-tandeanNa Puang Matua tae’ nasangai misa’ apa la nala’ka’I,

IBRANI 12:2

anta mentiro lu lako Yesu, tu panglalan sia umpasundun kapatonganan. Belanna sondana kaparannuan dipaoloanNi, anNa mangka untanggung kayu pea’ta’ tang Nakuamo siri’, unno’ko’mi dio kanan isungan kapayunganNa Puang Matua.

IBRANI 13:3

Kilalai tu to ditarungku, butung pada ditarungkukomi, sia iatu to dipakario-rio butung batang kalemi dipakario-rio.

IBRANI 4:15

Belanna tae’ taampui tu Tominaa Kapua tang ungkaturu-turui kamalammaranta, sangadinna Iamotu mangka narampoi peroso lan mintu’na susi kita, apa tae’ Ia Nakasalan.