FILIPI 2:2 - Sura' Madatu

² sundunnimi tu kaparannuangku, ammi misa’ penaa, sia misa’ pa’kaboro’, sangpa’inaan sia sanguluanri la miinaa-naa.

FILIPI 2:2 ပူးပေါင်းရင်းမြစ်များ

PA’PUDIAN 122:8

Bannang dio le’to barra’ku sia polo kaindi’ku, angku la ma’kada kumua: Sangapaoi anna torroiko kamarampasan!

YOHANES 3:29

Iatu ampunna baine la dirampanni kapa’, iamotu muane la urramppanni kapa’; apa iatu sangmuanena muane la diparampo, ke’de’ umperangii, lendu’ parannunna belanna narangi gamaranna tu muane la diparampo; na totemo te sundunmo tu kaparannuangku.

PENGGAURANNA RASULU’ 1:14

Iatinde tau sola nasang tontong sanginaa massambayang sola ba’tu pira-pira baine sia Maria indo’Na Yesu, sola tu mai siulu’Na muane.

PENGGAURANNA RASULU’ 2:1

Tonna lambi’mi allo Pentakosta, sirampunmi sola nasangi.

PENGGAURANNA RASULU’ 2:46

Keallo-keallo sanginaa bang makaritutu tama banuanNa Puang Matua, sia ullelei banua nanii sirampun untepu-tepu roti, anna kumande situru’ kaparannuan sia penaa malambu’na,

PENGGAURANNA RASULU’ 5:12

Budami tanda kalle-kallean sia tanda mangnga napadenanni rasulu’ tu to buda, sia sanginaa sola nasangi sirampun lan sarambinna Salomo.

ROMA 12:16

Sisanginaakomi solami. Da ammi kabarii apa madaoan, sangadinna sikadamakkomi to bitti’. Da misanga kalemi manarang.

1 KORINTUS 1:10

E kamu siulu’ku, ussa’bu’na’ sanganNa Puangta Yesu Kristus, umpakilalakomi, dikua ammi sanginaa sola nasang sia da misisarangnga’ bang, sangadinna la manda’komi lan kasiturusan umpamisa penaa sia misa pa’tangngaran.

2 KORINTUS 13:11

Ma’katampakanna, e kamu siulu’ku, parannukomi, tuntunni tu miposielle’na, alakomi pa’pakilala, sanginaakomi, sikaelokomi. AnNa Puang Matuamora tu oto’na kamamasean sia kamarampasan urrondongkomi.

2 KORINTUS 2:3

Iari patunna to tu mangka kusura’, to kumua saena’ manii mati’ anna pamasussana’ tu to sipatu la kupomarannu, belanna kurannuangkomi sola nasang, kumua iatu kaparannuangku mipomarannu duka sola nasang.

2 KORINTUS 7:7

sia tangia kasaeanna manna, sangadinna ia duka tu pa’pakatana mangka mipakatananni, tonna uleleanni lako kaleki tu kamamalirammi sia tangi’mi sia kamasarasammi belanna aku, napourungi saparannu-rannungku.

FILIPI 1:4

Tontongna’ parannu lan mintu’ passambayangku umpangandoangkomi.

FILIPI 2:16

ammi pa’petiroanni tu kada katuoan, angku massattuan, ke alloNa Kristus, kumua iatu kapassilombangku sia kamara’tasangku tae’ nalao sala.

FILIPI 2:20

Belanna tae’ tau misa’ dio kaleku, tu susi penaanna, sia lantuk tongan la umpa’inaai tu mintu’ mipelambeinna.

FILIPI 4:2

Kupalaku anna sanginaa lan Puang tu Euodia sola Sintikhe.

KOLOSE 2:5

Belanna tonganna tae’ nadio ren tu kaleku, apa iatu penaangku urrondongkomi situru’ kaparannuan, belanna untiro atorammi sia kabantanganna kapatonganammi lako Kristus.

2 TESALONIKA 2:13

Apa iate kami te sipatukanni tontong ma’kurre sumanga’ langngan Puang Matua diona kamu, e sangsiulurangku to Napakaboro’ Puang, tu belanna tempon diopa mai mulanna Natonno’komi Puang Matua la ungkabu’tui kamakarimmanan diona kaNapamasallorammi Penaa sia kaumpatonganammi kamanapparan.

2 TIMOTIUS 1:4

Belanna ungkilalai uai matammu, kupourungi mamali’ la ussitiroangko, kumua anna ponnoina’ kaparannuan;

FILEMON 1:20

Melo, e siulu’, ke muparongko’na’ tete dio Puang; pakatanai tu penaangku lan Kristus.

2 YOHANES 1:4

Lendu’ tongan parannungku, belanna kuappa’mo ba’tu pira-pira anakmi tu umpalolang kalena lan kamanapparan, susitu parenta mangka tatarima dio mai Ambe’.

3 YOHANES 1:4

Tae’ dio kaleku tu kaparannuan mandu kapua na iate, urrangii tu mai anakku lolang lan kamanapparan.