FILIPI 2:14 - Sura' Madatu

¹⁴ Pogau’mi tu mintu’na, da mipaturu’i ma’nuku-nuku, sia kasite’geran,

FILIPI 2:14 ပူးပေါင်းရင်းမြစ်များ

PA’PUDIAN 106:25

Sangadinna ma’nuku-nuku sola nasangi lan lu tendana, sia noka umperangii gamaranNa PUANG.

SARAMBU PEADA’ 13:10

Bannang dio kamatampoan anna bu’tu kasigagan, apa iatu to umperangii pa’patudu, unnampui kakinaan.

KADIBILANGAN 14:27

Sangapapara masainna te kasirampunan kadake iate la umparopo’Na’? Iatu mintu’ pa’paropo’na to Israel lako Kaleku, Kurangi nasang.

MATIUS 20:11

Tonna tarimai, sipa’nuku-nuku- ammi tu tau iato lako tinde to makaka, nakua:

MARKUS 14:5

Belanna iake dibalukanni, inang la la’bi tallu ratu’ dinar allinna nama’din dipa’kamasean lako to makario-rio. Sengkemi tinde tau lako.

MARKUS 9:14

Iatonna rampomo lako anak gurunNa Nakitami lendu’ budanna tau untalimbungi sisola duka pandita Sura’ nasite’geran.

LUKAS 5:30

Iatu to Farisi sia pandita Sura’ situmberu’-beru’, nakua lako anak gurunNa: Ma’apari ammi kumandera sia mangiru’ sola passima sia to kadake gau’na?

PENGGAURANNA RASULU’ 15:2

Bu’tumi kasisakkan sia kasisalan kapuana Paulus sola Barnabas anna tau iato, anna pamatu’tunni tau tu Paulus sola Barnabas anna ba’tu pira-pira to senga’ la lao langngan Yerusalem umpelambi’i tu mai rasulu’ sia penatua umpekutananni diona tu nasisalainna.

PENGGAURANNA RASULU’ 15:39

Bu’tumi kasisalan kapuana, naurunganni sisarak; nasolammi Barnabas tu Markus, namale massombaran lako Siprus,

PENGGAURANNA RASULU’ 15:7

Iatonna sisakka kapuamo, ke’de’mi tu Petrus anna ma’kada lako tinde tau, nakua: E kamu siulu’ki, miissan kumua masaimo’ Napilei Puang Matua te kita sola nasang, anna rangii to kapere’ tu kada Kareba-kaparannuan sun dio pudukku, anna ma’patongan.

PENGGAURANNA RASULU’ 6:1

Tonna iato, tonna sakerangngan-rangngannamo tu to menturu’, bu’tumi kapa’nuku-nukuanna tu to Yahudi ma’basa Grika lako to Ibrani, belanna tae’ nadipoinaa ungkaritutui keallo-keallo tu mai baine balunna.

ROMA 12:18

Iake ma’dinni padami pabelammi la sikadamakkomi tau.

ROMA 14:1

Paalai bilangan tu to langga’ lan kapatongananna, apa tangia kumua la mipopetamben kadai tu lanna penaanna.

ROMA 16:17

Kupakilalakomi, e mintu’ siulu’ku, la mikanandai tu mintu’ to umpabu’tu kasisakkan sia patumang tu sisalanna pangadaran mipelada’i. Toyangangkomi kalemi dio mai tau iato.

1 KORINTUS 10:10

Sia da mima’nuku-nuku susitu tau iato pira ma’nuku-nuku, anna mangsanni kalamau’.

2 KORINTUS 12:20

Belanna mataku’na’ saena’ manii mati’ angku kabu’tuikomi, tae’ nasusi tu kuporainna, susi duka aku, ke mikabu’tuina’, tae’ nasusi tu miporainna; mataku’na’ den manii kasigagan, kamagallian, kare’dekan ara’, kasisala-salan, pa’palele beko, ma’parampo sala, kapabe’sean, kamarukkan.

GALATIA 5:15

Apa iake sikeke’ lenkomi ba’tu siampello’ lenkomi, pengkilalai da napada kamu simangsanan.

GALATIA 5:26

Da anta tuntun kamapangkaran tang kebattuan, anna pada kitamo sipakarede-rede, sia sikabillan.

FILIPI 2:3

Moi misa’ da mipogau’i situru’ katuo-misan ba’tu matampo, sangadinna situru’ penaa madiongan, pantan ussanga kalena madiong anna to senga’,

1 TESALONIKA 5:13

sia kasiri’ tongan-tonganni sitondon pa’kaboro’ tu belanna pengkaranganna. La sikarampasangkomi.

1 TESALONIKA 5:15

Pengkilalai tonganni, da naden misa’ duka tau umpasipakkanan kakadakean, sangadinna tontongkomi sipaularan kameloan sia unnula’ melo, lako mintu’ tau.

IBRANI 12:14

Ula’i tu kasikaeloan lako mintu’ tau na kadipamaseroan, na iake tae’i tu kadipamaseroan, tae’ duka misa’ tau untiro lindo Puang.

YAKOBUS 1:20

Belanna iatu kasengkeanna tolino tae’ naumpabu’tu kamaloloan Natuntun Puang Matua.

YAKOBUS 3:14

Apa ia ke denkomi untambuk kamagi’giran sia te’geran penaa, da misattuan kalemi sia da mimorang unnea tonganna.

YAKOBUS 5:9

E sangsiulurangku, da misisarroan, da naruakomi pangra’ta’ kadiukungan. Kilalai kumua bendanmo dio to’ ba’ba tu To mangra’ta’.

1 PETRUS 3:11

sia sipatu la ullempangan kakadakean, anna pogau’ kameloan; sipatu la undaka’ kamarampasan anna ula’i;

1 PETRUS 4:9

Sipatukomi sikendek-kendekan tang naturu’ ma’nuku-nuku.

YUDAS 1:16

Tau iamorato mai tu pa’nuku-nukuan sia suma’rok sia unturu’ bang kamoraianna, ma’kada matampo, anna ussede tau belanna untiroan misa kalena.