FILIPI 1:9 - Sura' Madatu

⁹ Na inde sia tu kupalaku, dikua anna sakerangngan-rangnganna tu pa’kaboro’mi diona kapatandaian sia mintu’ kapaissanan.

FILIPI 1:9 ပူးပေါင်းရင်းမြစ်များ

AYUB 17:9

Moi nasusito iatu to malambu’ umpatontong lalanna, sia minda-minda tu masero limanna la kerangan tu kamatotoranna.

PA’PUDIAN 119:66

Ada’ina’ kamatarrusan sia kapaissanan, belanna kukatappa’i tu mintu’ pepasanMi.

SARAMBU PEADA’ 4:18

Apa iatu lalanna to malambu’ susito arrang bu’tu melambi’, samasai-sainna saparrang-parrangna sae lako masiangna tongan.

1 KORINTUS 14:20

E, kamu siulu’ku, da mimapia-pia lan tangnga’mi, sangadinna lan kakadakean sipatukomi la mapia-pia; apa lan tangnga’mi sipatukomi la matona’.

2 KORINTUS 8:7

Susitu kala’biammi diona mintu’na, la diona kapatonganan, la diona kada, la diona kapaissanan na mintu’ sara’mi sia kamipakaborosangki pa’kaboro’ kitadoangkomi, palattu’i pakala’bian dukai te diona pentoean kamamasean.

EFESUS 5:17

Iamoto, da mibaga, sangadinna la miissan umba tu pa’poraianNa Puang.

KOLOSE 1:9

Iamoto tempon dio mai tongki rangi tu iannato, tae’mo kitorei umpassambayangangkomi sia umpalakui kumua anna ponnoikomi kapaissanan untandai tu pa’poraianNa Puang Matua lan mintu’ kakinaan sia kamanarangan mempenaa,

KOLOSE 3:10

ammi angkaranni tu ba’runna, tu nenne’pa diba’rui landa’ lako kapaissanan unturu’ rupa a’ganNa Puang Matua tu umpadadii.

1 TESALONIKA 3:12

Sia anNa Puangmora umpasake- rangngan-rangnganna kasiala-maseammi sia umpalempan kasiala-masean lako mintu’ tau susi kami unnala mase- komi.

1 TESALONIKA 4:1

Sia indepa, e sangsiulurangku, kipalaku lako kalemi sia kipakilalakomi lan Puang Yesu, susitu mangkanna mitarima dio mai kaleki, kumua umba la mipakuanni tu gau’mi anNa poraikomi Puang Matua, – susitu mipogau’ sia –, susi dukamoto la samipakendek-kendekna tu pengkaolammi.

2 TESALONIKA 1:3

E sangsiulurangku, sipatukanni tontong ma’kurre sumanga’ langngan Puang Matua diona kamu, susitu sielle’na siamo, belanna sakendek-kendekna tu kapatonganammi sia iatu kasialamaseammi tang dikemba’mo lako kamu simisa’-misa’mi sola nasang,

FILEMON 1:6

Massambayangna’ sangapaoi upa’ tu kasiduluanta lan kapatonganan naumpamatoto’ kapaissanan diona mintu’ apa melo, tu lanna kaleta diona Kristus.

IBRANI 5:14

Apa iatu kande makarra’, iamo taana to matakko, tu to biasa umpatumbang tangnga’na anna belai umpasisengaran melo na kadake.

1 PETRUS 1:22

Tu mangkamokomi usseroi deatammi diona kamengkaolammi lako kamanapparan miurunganni ungkarampa’i tonganni tu mintu’ siulu’, iamoto sipatu la lantuk penaa tongankomi siala mase,

2 PETRUS 3:18

sangadinna sakendek-kendekmi lan pa’kamasean sia kauntandaian diona Puangta sia To pakarimmananta, Yesu Kristus. Lu lako Kalena tu kamala’biran, la totemo te, la attu tontong sae lakona. Amin.