FILIPI 1:6 - Sura' Madatu

⁶ Kukatappa’i te iannate, kumua Puang Matua tu mangka umparanduk misa’ pengkarangan melo dio kalemi, Ia duka la umpasundunni sae lako alloNa Yesu Kristus.

FILIPI 1:6 ပူးပေါင်းရင်းမြစ်များ

PA’PUDIAN 138:8

PUANG la umpatepuanna’ tu iannato! O PUANG iatu kamasokanamMi tang tileluk sae lakona. Da amMi tampei tu pengkarangamMi!

YOHANES 6:29

Mebalimi Yesu sia Nakua ungkuanni tu tau: Inde sia tu pengkarangan Natuntun Puang Matua, kumua sipatukomi umpatonganNi tu To Nasua.

PENGGAURANNA RASULU’ 11:18

Iatonna rangii susito, rapa’mi penaanna tinde tau’ naumpakala’bi’ Puang Matua nakua: Iake susito, Napa’kamasean duka Puang Matua lako to kapere’ tu lalan katobaran lu lako katuoan.

PENGGAURANNA RASULU’ 16:14

Denmi misa’ baine disanga Lidia, to dio mai Tiatira, pa’baluk sampin lango-lango sia to umpengkaolai Puang Matua, umperangiikan; Napatibungka’mi Puang Matua penaanna, anna palan penaai tu apa napokada Paulus.

1 KORINTUS 1:8

Ia dukamo la umpabatta’komi sae lako ma’katampakanna, naurunganni tae’ sayuammi to ke alloNa Puangta Yesu Kristus.

2 KORINTUS 1:15

Iatu kurannuannato, inang dolo diongmo penaangku la male mati’, kumua ammi appa’ pole’pa pa’kamasean te ma’penduanna.

2 KORINTUS 2:3

Iari patunna to tu mangka kusura’, to kumua saena’ manii mati’ anna pamasussana’ tu to sipatu la kupomarannu, belanna kurannuangkomi sola nasang, kumua iatu kaparannuangku mipomarannu duka sola nasang.

2 KORINTUS 7:16

Iamoto angku parannu, belanna kukatappa’ikomi lan mintu’na.

2 KORINTUS 9:4

da anna saena’ manii mati’ sola to Makedonia, anna lambi’komi tae’pa mima’pasakka’, anna kami – tae’ kukua kamu – dipakasiri’ lan te kapa’rannuanan kapua iate.

GALATIA 5:10

Iate aku te kukatappa’ikomi tete dio Puang, kumua tae’ apa senga’ mitangnga’; apa iatu tau, la minda-minda, tu umpasikaputtak penaammi, la untanggung ukunganna.

EFESUS 4:12

la umpasakka’i tu mai to masallo’, la umpogau’ pentoean ma’kamayai, la umpatulangdan batang kaleNa Kristus,

FILIPI 1:10

Miurunganni paissan ussudii umbanna tu ma’iringanna, ammi masero sia tae’ mima’pamatana’ landa’ lako alloNa Kristus.

FILIPI 1:29

Belanna mangkamo dipa’kamasean lako kalemi bannang dio Kristus, tangia kumua mipatongan mannai, sangadinna kumua miperasai dukai tu kamaparrisan diona Ia,

FILIPI 2:12

Iamoto, e kamu mintu’ pa’kaboro’ku, susitu biasanna mengkaola bangkomi, tangia manna ke diona’ ren, sangadinna ondong pole’pa ke pa’dena’, karitutui tu kamakarimmanan kalemi situru’ kamatakuran sia kama’parondoan,

FILIPI 2:13

belanna Puang Matua Ia umpasirundunanni lan kalemi, la iatu diongna penaa, la dipogau’na tete dio kamasorokanNa.

FILIPI 2:16

ammi pa’petiroanni tu kada katuoan, angku massattuan, ke alloNa Kristus, kumua iatu kapassilombangku sia kamara’tasangku tae’ nalao sala.

KOLOSE 2:12

Anna lan pa’dioran dinii umpasilamunkomi, sia lan duka pa’dioran iato dinii umpamalimbangunkomi sola, belanna diona umpatongan kuasanNa Puang Matua tu umpamalimbangunNi dio mai to’ to mate.

1 TESALONIKA 1:3

Tae’ ka’tunna kikilalai dio oloNa Kapenombanta, iamo Ambe’ta, tu penggauran bu’tu lu diomi mai kapatonganan, sia sara’ bu’tu lu diomi mai pa’kaboro’, sia penaa kalebu ba’tu lu diomi mai kapa’rannuanan diona Puangta Yesu Kristus.

2 TESALONIKA 1:11

Iamoto angki tontong umpassambayangankomi, dikua anNa sangakomi Kapenombanta sielle’ ditambai sia Napasundunni tu mintu’ pa’poraiammi lako melona sia pengkarangan kapatonganan situru’ kuasanNa,

2 TESALONIKA 3:4

Kirannuan tete dio Puang, kumua ammi pogau’i, sia la mipogau’ tu apa kipasan lako kalemi.

FILEMON 1:21

Tu belanna kukatappa’i tu kamengkaolammu, angku surasangko, sia kuissan kumua la ondongpa tu mupogau’na na iatu kupokadanna.

IBRANI 10:35

Iamoto, da ammi pa’dei tu kabattaran penaammi tu umpabu’tu polean kapua.

IBRANI 12:2

anta mentiro lu lako Yesu, tu panglalan sia umpasundun kapatonganan. Belanna sondana kaparannuan dipaoloanNi, anNa mangka untanggung kayu pea’ta’ tang Nakuamo siri’, unno’ko’mi dio kanan isungan kapayunganNa Puang Matua.

1 PETRUS 5:10

Puang Matua oto’na mintu’ pa’kamasean tu mangka untambaikomi tete dio Kristus mentama kamala’biran matontonganNa, ke mangkamokomi umperasai kamaparrisan lan attu sangattu’, Ia duka la umpasundunkomi sia umpabantangkomi sia umpamatoto’komi sia umparandangannikomi.

2 PETRUS 3:10

Apa iatu alloNa Puang la sae butung to boko; allo iato mintu’ langi’ la sappi anna mongngo’, sia mintu’na anasi’ la nakande api nasisarak-sarak, sia iatu lino sola mintu’ penggauran lan, la dimampu’i.