FILIPI 1:4 - Sura' Madatu

⁴ Tontongna’ parannu lan mintu’ passambayangku umpangandoangkomi.

FILIPI 1:4 ပူးပေါင်းရင်းမြစ်များ

MARKUS 5:5

Tontong bang keallo kebongi dio lu to’ liang sia dao lu tanete melalla-lalla sia untumbui batu kalena.

LUKAS 15:10

Iamoto nakua kadangKu mati’: Susimoto tu kaparannuanna mintu’ malaeka’Na Puang Matua tu belanna misa’ to kasalan mengkatoba’.

LUKAS 15:7

Kukua lako kalemi: La susimoto tu kaparannuan lan suruga, belanna misa’ to kasalan mengkatoba’ losong ia na kasera pulona ngkasera to maruru’ penaanna tu tau ussanga kalena tae’mo namanggi’ la mengkatoba’.

ROMA 1:9

Na Puang Matuamora tu Kupenombai lan penaangku umpa’peissanan Kareba-kaparannuanNa AnakNa, ungkatottongina’, tumba makaritutungku umpalan ara’komi,

FILIPI 2:2

sundunnimi tu kaparannuangku, ammi misa’ penaa, sia misa’ pa’kaboro’, sangpa’inaan sia sanguluanri la miinaa-naa.

FILIPI 3:18

Belanna buda tau umpalolang kalena unnuali kayu pea’ta’Na Kristus, tu pembudamo kupokada lako kalemi, apa totemo duka te kupokada situru’ tangi’ku.

FILIPI 4:1

Iamoto, e sangsiulurangku tu kupakaboro’ sia kukamali’, tu kupoparannu sia kupomakota, susinnamirato bantangkomi lan kasiturusanna Puang, e pa’kaboro’ku.

KOLOSE 2:5

Belanna tonganna tae’ nadio ren tu kaleku, apa iatu penaangku urrondongkomi situru’ kaparannuan, belanna untiro atorammi sia kabantanganna kapatonganammi lako Kristus.

1 TESALONIKA 1:2

Tontong bangkanni ma’kurre sumanga’ langngan Puang Matua belanna kamu sola nasang sia kisa’bu’komi lan mintu’ passambayangki.

FILEMON 1:7

Belanna lendu’ parannungku sia masannang penaangku tu diona pa’kaboro’mu, belanna mupakatana tu penaanna to masallo’, e siulu’.

2 YOHANES 1:4

Lendu’ tongan parannungku, belanna kuappa’mo ba’tu pira-pira anakmi tu umpalolang kalena lan kamanapparan, susitu parenta mangka tatarima dio mai Ambe’.