FILEMON 1:14 - Sura' Madatu

¹⁴ Apa tae’ kumorai umpogau’ apa-apa, ke tae’i mueloranni, da anna butung diparuku tu penggauran melomu, sangadinna kamasorokammu.

FILEMON 1:14 ပူးပေါင်းရင်းမြစ်များ

1 OSSORANNA DATU 29:17

Kuissan, o Kapenombangku, kumua Kamu tu ussudi penaa sia nakalo’ penaamMi tu kamaloloan, – bulo lollong penaangku ussorongangKomi te mintu’ apa iate; totemo parannu penaangku untiroi, kumua iatu taumMi, tu limbong totemo indete, ussorongan, dukaKomi pamengan sisola kamalangngoran penaanna.

PA’PUDIAN 110:3

Iatu taumMu masorok penaanna ussorong kalena, ke Muarakki lao parari. Anna situang kassa’ diangkaran lako malolona tu to manguramMu siduruk lako Kalemu, butungi to to’do ambun natambuk dannari lambe’.

1 KORINTUS 9:17

Belanna iake ma’lalan inaannana’ umpogau’i tu iannato, den kupomelona dio; apa iake tang ma’lalan inaannana’, inang passanan tengkoku bangsia.

1 KORINTUS 9:7

Umbara tu surodadu umpoissan misa kalena? Sia mindara tu mantanan anggoro’ anna tang ungkandei tu buanna? Ba’tu mindara tu mangkambi’ anna tang unniru’i tu bumbunganna?

2 KORINTUS 1:24

Tae’ kumua kami umbanni katonganan tu kapatonganammi, sangadinna la untundui kaparannuammi; belanna diona kapatonganan ammi bantang bendan.

2 KORINTUS 8:12

Belanna iake denni diong penaa iamoto nadikaringnganan sitinaya tu apa den dio kalena, tangia sitinaya apa tae’ dio kalena.

2 KORINTUS 9:5

Iamoto kusangai melo, ke kupalakui lako te siulu’, namale mati’ umpellambi’ikomi dolo, anna pasakka’ doloi tu pamengan kamasokanan mangka miallu’, anna sakka’ butung pamengan kamasokanan tangngia pamengan diparuku.

2 KORINTUS 9:7

Da’ito anna pantan mamengan situru’ kamatinurusan penaanna, da naturu’i katangmasorokan penaa ba’tu diparuku. Belanna iatu Puang Matua ungkamasei to masorok penaanna mamengan.