EZRA 9:3 - Sura' Madatu

³ Iatongku rangimi te apa iate, kuserekmi tu bayu lanku lu sia bayu lamba’ku, kudu’dukki tu beluak dao mai ulungku sia kudu’dukki tu danggo’ku, angku unno’ko’ tang unnissan apa.

EZRA 9:3 ပူးပေါင်းရင်းမြစ်များ

2 SAMUEL 1:11

Attu iato natoemi Daud tu pakeanna, naserek-serekki; susi dukato tu mintu’ tau nasolan.

2 DATU 18:37

Saemi tu Elyakim, anakna Hilkia, pangulu sandan uai sia Sebna, pangulu to massura’, sia Yoah, anakna Asaf, pa’paelean, usserek-serek tamangkalena umpennoloi Hizkia, anna parampoi lako datu tu mintu’ kadanna kamandang lompo.

NEHEMIA 1:4

Iatongku rangii te mintu’ kada iate, unno’ko’mo’ tumangi’ sia ma’pote dibolong ba’tu pirang-pirang allo. Ma’puasa dukamo’ sia massambayang dio oloNa Puang Matua dao suruga,

NEHEMIA 13:25

Kusengkeimi tu tau iato mai, sia kugatai, sia ba’tu pira-pira kubamba sia kulampi’ beluakna sia kupopassumpa tete dio sanganNa Puang Matua, kumua: Da mipa’benganni tu anakmi baine sibali anakna bangsa iato sia da mialai tu anakna bangsa iato la napobaine anakmi ba’tu kumua la umpobainei.

AYUB 1:20

Attu iato ke’de’mi tu Ayub, na kake-kakei tu bayu lamba’na sia naku’ku’i tu ulunna, nalumbang rokko padang, tukku menomba, anna ma’kada nakua:

PA’PUDIAN 119:53

Nakendekkina’ palla napobua’ tu mai to tang mekaaluk tu umboko’imo sukaran alukMi.

PA’PUDIAN 143:4

Iamoto anna raa tu sumanga’ku lan, sia dengnga’ tu penaangku illan tondon to batangku,

PA’PUDIAN 66:3

La ma’kadakomi lako Puang Matua, kumua: Lendu’ metakuranna tu mintu’ penggauramMi, mintu’ duka ualimMi pudukna bangri mengkanorong Mati’ belanna kuasa kapuamMi.

YESAYA 15:2

Male tu tau langngan banua kapemalaran, to Dibon male langngan inan madao la sibatingan. Dao Nebo sia Medeba nanii to Moab siurrukan; iatu ulunna tau iato mai digalettungi nasang sia diku’ku’i tu danggo’na.

YEREMIA 36:24

Tae’ duka natiramban tu penaanna tau iato mai sia tae’ duka naserek-serekki tu pakeanna la datu la mintu’ to mase’ponna, tonna rangii tu mintu’ kada iato.

YEREMIA 7:29

Ku’ku’i tu beluakmu ammu tibei, sia unnurrukko umbating dao lu tanete karing, kumua: Nasualemo PUANG sia Natampemo te pa’rapuan iate tu narampoi kasengkeanNa.

YEHEZKIEL 3:15

Urrampoimo’ to dipali’ dio Tel-Abib, tu torro dio randan salu Kebar, sia umba-umba nanii torro, torrona’ dio lu pitung allo, pussak bang.

YEHEZKIEL 7:18

La ma’pakean karoro’ tu tau iato mai, sia umpolullung katirambanan, sia mintu’ lindo la natoding siri’, sia dao lu mintu’ ulu la den kapesean.

DANIEL 4:19

Sangattu’ to naalami sumangnga tu Daniel, tu diganti Beltsazar, iatu tangnga’na umpamagiang penaanna. Ma’kadami tu datu lako nakua, E Beltsazar, da napamagiangko tu tindo iato sola sembangna. Mebalimi tu Beltsazar nakua: O puangku, kenna iaora tu to ungkabiri’komi napatu tu tindo iato sia kenna ualimmiora narampoi tu sembangna.

DANIEL 8:27

Sia aku te, Daniel, langga’mo’ sia ba’tu pirang-pirang allomo’ masaki; undinnato milikmo’, angku pengkaranganni tu datu. Napussakkimo’ te patiro mendeata iate, apa moi misa’ tau tae’ untandai.

SURA’ KATOMINAAN 21:5

Da nagalettungi tu ulunna sia da naku’ku’i tu randan danggo’na ba’tu da natori’-tori’i tu kalena.

MIKHA 1:16

Galettungi sia ku’ku’i tu ulummu, belanna mintu’ tu anak pa’kaboro’mu; papada lua’i galepo’mu tu galepo’ dio langkan maega, belanna toyangmo male dipali’ tu tau iato mai dio mai kalemu.

YOSUA 7:6

Naserek-serekmi Yosua tu pakeanna, anna lumbang rokko padang dio tingayo pattinNa PUANG sae lako makaroeanna, la ia la mintu’ pekaamberanna to Israel, sia naambo’i barra’-barra’ tu ulunna.