EZRA 7:9 - Sura' Madatu

⁹ Belanna iatonna bulan bunga’na, allo bunga’na ke’de’mi dio mai Babel, anna rampo lako Yerusalem tonna allo bunga’na bulan ma’pellima, belanna narondong lima masokanNa Kapenombanna.

EZRA 7:9 ပူးပေါင်းရင်းမြစ်များ

EZRA 7:6

iamote tu Ezra ke’de’ dio mai Babel. Ia misa’ pandita sura’, tu manarang lan Sukaran alukna Musa, tu Napa’bengan PUANG, Kapenombanna to Israel; nabenmi datu tu mintu’ pa’poraianna, belanna narondong limanNa PUANG, Kapenombanna.

EZRA 7:8

Rampomi lako Yerusalem tonna bulan ma’pellima, taun ma’pempitu kaparentanna datu.

EZRA 8:18

Belanna pa’kaboro’Na Kapenombanta urrande pala’kan, nasuami tau iato mai tu ba’tu pira-pira topaissan dio mai bati’na Mahli, anakna Lewi, anakna Israel, iamotu Serebya sola anakna sia siulu’na, mintu’i sangpulo karua;

EZRA 8:22

Belanna masiri’na’ umpalakui lako datu tu surodadu sia pakkanarang la ungkampaikan dio mai ualingki dio lu kalingkangki, belanna ma’kadakanni lako datu, kumua: Pa’kaboro’Na Kapenombanta urrande pala’i tu mintu’ to undaka’i, apa iatu kuasanNa sia kare’dekan ara’Na unneai tu toumboko’i.

EZRA 8:31

Mangkato ke’de’mokanni dio mai salu Ahawa tonna allo ma’pessangpulo duanna bulan bunga’ tarru’ lako Yerusalem, narande pala’mokan Kapenombanta sia Nakampaikan dio mai ualingki sia dio mai to ma’gora’.

EZRA 8:32

Rampomokan lako Yerusalem, angki torro dio tallung allo.

NEHEMIA 2:18

Iatongku pokadammi tau iato mai, kumua narondongna’ pa’kaboro’Na Kapenombangku, sia umba nakua tu datu mangkamo ma’kada lako kaleku, ma’kadami tu tau iato mai nakua: La ke’de’ki’ umbangunni sule. Napabatta’mi tu penaanna ungkarangi tu pengkarangan melo.

NEHEMIA 2:8

sia misa’ sura’ lako Asaf, petoro’ pangala’na datu, anna benna’ kayu la kupotangdan rattiang dio babanganna benteng tu sikande Banua Kabusungan sia dio rinding tembo’ kota sia dio banua la kunii torro. Nabenmo’ datu tu sura’ iato mai, belanna narondongna’ pa’kaborro’Na KapenombangKu.

PA’PUDIAN 80:18

Rondongi limamMi tu to diona kananMi, iamotu to Mipeloboran Kalemi.

YESAYA 66:14

Iatommi tiromi to, la sende tu penaammi sia mintu’ bukummi la mawatang sule susi tananan maluna; sia iatu limanNa PUANG la Napapayan lako mintu’ taunNa sia kasengkeanNa lako mintu’ ualinNa.