EZRA 5:3 - Sura' Madatu

³ Attu iato saemi lako tau iato tu Tatnai, to maraa lompo lili’ sambalinna lu Salu sia Syetar-Boznai sola sangpangka’na, anna ma’kada lako tau iato mai, nakua: Mindara ussuakomi umbangunni te banua iate sia ussundunni te benteng tembo’ iate?

EZRA 5:3 ပူးပေါင်းရင်းမြစ်များ

EZRA 1:3

Minda-mindakomi tu naala bilangan golonganna taunNa Narondongmira Kapenombanna, anna ke’de’ lako Yerusalem, lili’na Yehuda, anna bangunni tu banuanNa PUANG, Kapenombanna to Israel, Iamo Puang Matua unnisungi Yerusalem.

EZRA 4:12

La naissan puang, kumua iatu to Yahudi, tu ke’de’ dio mai puang lako kaleki, rampomo lako Yerusalem; marassanmo nabangun sule tu kota marittuk sia kadake; nasundunnimo napabendan tu benteng tembo’ sia naotonmo tu mai parandangan.

EZRA 4:9

Kami, Rehum, to maraa sia Simsai, pangulu to massura’ sia iatu mai sangpangka’ senga’na, to ma’paolai salu sia mintu’ to diala parea dio lili’ sambalinna lu Salu sia pa’tondokanna Afarsa, Erekh, Babel sia Susan, iamotu to Elam,

EZRA 5:6

Iamote tu oni sura’ dipallemba’ dio mai sura’ napa’pea Tatnai, to maraa lompo dio lili’ sambalinna lu Salu sola Syetar-Boznai sia sangpangka’na, iamotu mintu’ to diala parea dio lili’ sambalinna lu Salu lako datu Darius;

EZRA 5:9

Mekutanamokan lako mintu’ pekaamberan iato: ma’kadamokan lako tau iato mai kikua: Mindara umpa’parentanni lako kalemi umbangunni te banua iate sia ussundunni te benteng tembo’ iate?

EZRA 6:13

Napogau’mi Tatnai, to maraa lompo dio lili’ sambalinna lu Salu, sia Syetar-Boznai sia sangpangka’na, susi bang tu napa’parentan datu Darius lako tau iato mai.

EZRA 6:6

Iamoto, e Tatnai, to maraa lompo dio lili’ sambalinna lu Salu, Syetar-Boznai sola sangpangka’na, iamotu mintu’ to diala parea lan lili’ sambalinna lu Salu, manassa la untoyangangkomi kalemi inde to dio mai;

EZRA 7:21

Sia aku, datu Artahsasta, umpa’parentan dukapi lako mintu’ kapala kantoro’ doi’ dio lili’ sambalinna lu Salu, kumua iatu mintu’ apa napalaku tominaa Ezra, to matarru’ lan Sukaran alukNa Puang Matua dao suruga, lako kalemi, la mipamadomi’ umpatassu’i.

HAGAI 1:1

Iatonna taun ma’penduan kadatuanna Darius, bulan ma’pennannan, allo bunga’na bulan iato, saemi tu kadanNa PUANG nalopian nabi Hagai lako Zerubabel, anakna Sealtiel, to maraya Yehuda, sia lako Yosua, anakna Yozadak, tominaa kapua, nakua:

MATIUS 21:23

Iatonna male tu Yesu tama to’ Banua Kabusungan, marassanmo unnada’i tau, saemi lako Kalena tu mai pangulu-pangulu tominaa sia pekaamberan, nakua: Kuasa apara Mipokuasa umpogau’i tu mintu’na te sia mindara umpakuasaKomi susite?

PENGGAURANNA RASULU’ 4:7

Iatonna pesuanni ussolanni tama tangnga tu rasulu’, nakutanaimi nakua: Kamatotoran apara sia mindara sanga mipotete umpogau’i tu iannato?