EZRA 4:3 - Sura' Madatu

³ Apa mebali tu Zerubabel, Yesua sia mintu’ pangulu rapu senga’na to Israel lako tau iato mai, nakua: Tae’ misipatu kumua la sisolaki’ umpabendananni misa’ banua tu Kapenombangki, belanna kami kalena la umpabendananni PUANG, Kapenombanna to Israel, susitu napasan datu Koresh, iamotu datu Persia, lako kaleki.

EZRA 4:3 ပူးပေါင်းရင်းမြစ်များ

2 OSSORANNA DATU 36:22

Apa iatonna taun pamulanna kadatuanna Koresh, datu Persia, Napatiakka’mi PUANG tu penaanna Koresh, datu Parsia, dikua anna dipalanda’ tu kadanNa PUANG tu nalopian Yeremia, anna mesua metamba-tamba lan lu mintu’ parentana sia napa’peissanan duka lan sura’, nakua:

EZRA 1:1

Iatonna taun pamulanna kadatuanna Koresh, datu Persia, Napatiakka’mi PUANG tu penaanna Koresh, datu Persia, kumua anna dipalanda’ tu kadanNa PUANG, tu nalopian Yeremia, anna mesua metamba-tamba lan lu mintu’ parentana sia napa’peissanan duka lan sura’ nakua:

EZRA 1:2

Inde sia tu kadanna Koresh, datu Persia nakua: Mintu’ kadatuan dao te kuli’na padang Nakamaseammo’ PUANG, Kapenombanna langi’, sia Napasanmo’ la umbangunanNi misa’ banua dio Yerusalem, lan Yehuda.

EZRA 1:3

Minda-mindakomi tu naala bilangan golonganna taunNa Narondongmira Kapenombanna, anna ke’de’ lako Yerusalem, lili’na Yehuda, anna bangunni tu banuanNa PUANG, Kapenombanna to Israel, Iamo Puang Matua unnisungi Yerusalem.

EZRA 3:8

Iatonna taun ma’penduan, bulan ma’penduan tonna rampomo tu tau iato mai lako banuanNa Puang Matua dio Yerusalem, randukmi tu Zerubabel, anakna Sealtiel, sia Yesua, anakna Yozadak, sia mintu’ siulu’ senga’na, iamotu mintu’ to minaa sia to Lewi sia mintu’ tu to dipali’ tu rampomo lako Yerusalem, unnangka’ to Lewi, randuk dio mai duangpulo taunna ba’tu la’bi la untiroi tu pengkarangan dio banuanNa PUANG.

NEHEMIA 2:20

Apa kubali tu tau iato kukua: iatu Puang Matua dao suruga Iamo la umpamaupa’ pengkarangangki, na kami, te taunNa, la ke’de’ umbangunni; apa iatu kamu tae’ taami ba’tu patu borongmi ba’tu kadipengkilalaiammi lan Yerusalem.

YESAYA 44:28

Kukua lako Koresh: Kupotomanglaako, la naturu’ duka tu mintu’ pa’poraiangKu, belanna nakua lako Yerusalem: La dibangunko sule sia la diparandanganni tu Banua Kabusungan.

YESAYA 45:4

Tu tete dio Yakub taungKu sia Israel, to Kupilei langsa’, angKu tambai tu sangammu sia angKu benko pa’gantianammu, moi ammu tang untandaiPa’.

MATIUS 10:16

Pengkilalai, Kusuakomi male susi domba lako to’ guruk. Iamoto, dadi la ma’tangnga’komi susi ula’, sia la ma’bulo sanglampa, susi bu’ku.

YOHANES 4:9

Nakuami tinde baine to Samaria lako: Ma’apai na to YahudiKomi amMi palakuina’ uai Miiru’ anna baine to Samariana’ aku? (Belanna tae’ nasikambaroan to Yahudi tu to Samaria.)

PENGGAURANNA RASULU’ 8:21

Tae’ mutamai ba’tu tae’ taamu lan te kada iate: belanna tae’ namalambu’ penaammu langngan Puang Matua.