EZRA 4:2 - Sura' Madatu

² saemi tu tau iato mai lako Zerubabel sia mintu’ pangulu rapu nakua: Da’ito anta pabendanni sola, belanna kidaka’ duka tu Kapenombammi, susi kamu; sia memala’ dukakan lako randuk dio mai linona Esarhadon. Datu Asyur, tu mangka ussuakanni sae indete.

EZRA 4:2 ပူးပေါင်းရင်းမြစ်များ

KADADIAN 10:11

Iamote tondok iate nanii sun male lako Asyur anna bangun tondok Niniwe, Rehobot-Ir, Kalah,

2 DATU 17:24

Iatu datu Asyur umpalele tau dio mai Babel sia dio mai Kuta sia dio mai Awa sia dio mai Hamat na Sefarwaim, nasua ma’tondok dio lu mintu’ kota lan lili’na Samaria la ussonda to Israel. Napotondokmi tu Samaria sia natorroi tu mai kotana.

2 DATU 17:41

Susimoto tu bangsa iate umpangke’ PUANG sia umpenombai rapang-rapang dipodeatanna. Ia duka tu mintu’ anakna sia ampona umpogau’i sae lako allo iate susi nene’ to dolona.

2 DATU 19:37

Den pissan tonna menomba lan banuanna Nisrokh, tu napodeatanna, napateimi pa’dang anakna, disanga Adramelekh sia Sarezer, anna mallai lussu’ sola duai lako tondok Ararat, anna Esarhadon, anakna, ussondai dadi datu.

EZRA 1:5

Attu iato ke’de’mi tu mintu’ pangulu rapunna Yehuda sia Benyamin, sia ia duka tu mintu’ to minaa sia to Lewi, iamotu mintu’ to Napatiakka’ Puang Matua tu penaanna la umbangun banuanNa PUANG, tu unnisungi Yerusalem.

EZRA 2:2

tu sae nasolan Zerubabel, Yesua, Nehemia, Seraya, Reelaya, Mordekhai, Bilsan, Mispar, Bigwai, Rehum na Baana. Inde sia tu iaranna mintu’ muane to Israel:

EZRA 3:12

Apa budai tu tominaa sia to Lewi sia pangulu rapu, tu matuamo, tu mangkamo untiroi tu banua bunga’na, siurrukan tumangi’, tonna diotonmo tu parandangan banua iato dio tingayona; apa buda dukai tu mandu siarrakan sia ma’marua’-rua’, belanna parannu penaanna.

EZRA 3:2

Ke’de’mi tu Yesua, anakna Yozadak, sola mintu’ siulu’na, iamotu mai tominaa, sia ia duka tu Zerubabel, anakna Sealtiel sola mintu’ siulu’na, anna bangunni tu inan pemalaran Kapenombanna to Israel, kumua anna dao dinii umpemalaranni tu pemala’ ditunu pu’pu’, susitu disura’ lan Sukaran alukna Musa, taunNa Puang Matua:

NEHEMIA 9:32

Totemo, o Kapenombangki, Kapenomban pasareongan, mawatang sia dikabangnga’, tu ungkaritutui basse sia kamasokanan, da Misanga maringanni tu mintu’ kamandasan urruakanni, la datungki la pangulungki, la tominaangki la nabingki la nene’ todoloki sia mintu’ taumMi, randuk dio mai linona datu Asyur sae lako allo iate.

PA’PUDIAN 73:8

Tau iato mai ma’telle-telle sia malla’ penaanna umpokada pa’pakario-rio; sia madongnga’ ma’kada.

YESAYA 37:37

Sangtiangkarammi sule tu Sanherib, datu Asyur, anna torro dio Niniwe.

YESAYA 37:38

Den pissan tonna menomba lan banuanna Nisrokh tu napodeatanna, napakandeimi bassi mataran anakna, disanga Adramelekh sia Sarezer; anna mallai lussu’ sola duai lako padang Ararat, anna Esarhadon, anakna, dadi datu ussondai.

HOSEA 14:3

Saemokomi umparampoi tu pangakuan kasalan, sia mengkatoba’ lako PUANG, ammi ma’kada lako Kalena kumua: Pa’dei nasangi tu mintu’ kakadakeangki, ammi katuru-turuikan; kipennoloammo tu pangakuan dio randan pudukki butung to sapi laki dipangurrandean.

GALATIA 2:4

Tu belanna iatu mai siulu’ leko’ penaanna, tu tama kamama’, iamotu tama buni bang la umpenniroi tu katilendokangki dio mai panganna to dolo, tu kitoe tete dio Kristus Yesu, kumua napalutamakan kakaunanan panganna to dolo.

2 TIMOTIUS 3:8

Susi Yanes sola Yambres umbali Musa, susi dukamo tu tau iato mai umbali tu kamanapparan, iamoto tang ma’rundunan tangnga’na sia tang diangga’ tu kapatongananna.