EZRA 10:4 - Sura' Madatu

⁴ Ke’de’mokomi, belanna kamu dipatanggungi te tanggungan iate sia kami duka sola nasang la urrondongkomi. Pabatta’i tu penaammi sia pogau’i te apa iate.

EZRA 10:4 ပူးပေါင်းရင်းမြစ်များ

1 OSSORANNA DATU 22:16

iamotu mai pareanan bulaan, salaka, tambaga sia bassi. La muparandukmo mukarang! Na PUANGmora urrondongko.

1 OSSORANNA DATU 22:19

Totemo la mipakalebu tallang tu penaammi sia deatammi la umpengkaolai PUANG, Kapenombammi. Iamoto sangtiangkarangkomi la umbangunni tu inan maindanNa PUANG Kapenomban, anna iatu patti basseNa PUANG sia mintu’ pareanan maindanNa Puang Matua ma’din dibaa lako banua iato, tu dipabendanan sanganNa PUANG.

1 OSSORANNA DATU 28:10

Pengkilalai meloi kumua Natonno’ko PUANG la umbangun misa’ banua dipoinan maindan; pabatta’i tu penaammu sia pogau’i to.

1 OSSORANNA DATU 28:20

Ma’kadami Daud lako Salomo, anakna, nakua: La matoto’ko sia batta’ko sia pogau’i to; da mumataku’ sia da mutiramban, belanna PUANG Kapenomban, iamotu KapenombangKu, la urrondongko. Tae’ Nala toyang dio mai kalemu sia tae’ Nala umpopa’elo’nako sae lako mangkanna tu mintu’ pengkarangan diona kamenomban lan banuanNa PUANG.

1 OSSORANNA DATU 28:21

Manassa iatu golonganna mintu’ to minaa sia to Lewi inang sakka’ bangmo la untoe mintu’ pentoean kamenomban lan banuanNa Puang Matua, sia sakka’ lako kalemu tu to masorok penaanna sia to manarang lan ma’rupa-rupa pengkarangan la ungkarangi tu mintu’ rupanna pengkarangan, sia mintu’ pangulu sia mintu’ to buda diparandan la umpogau’i tu mintu’ parentamu.

EZRA 10:5

Ta’kala ke’de’mi tu Ezra, anna suai tu mintu’ pangulu tominaa sia to Lewi sia mintu’ to Israel umpalao sumpa la umpogau’i susite kada iate; umpalaomi sumpa tu tau iato mai.

TOMANGADA’ 9:10

Mintu’na tu narumbu limammu la mupogau’ sitinaya mukullena, pogau’i belanna tae’ tu pengkarangan, ba’tu pa’timbangan, ba’tu kapaissanan, ba’tu kakinaan lan lino tomate, tu mupatu lako.

MARKUS 13:34

Iatu iannato susi misa’ to male lako padang mambela, untampe banuanna sia napakuasa tu mai kaunanna, sia pantan napatakoi pengkaranganna, anna mepasan lako to ma’kampa ba’ba, kumua anna ma’penanda-nanda.

IBRANI 10:24

Sia melo ke sipokarianganangki’ la untundan pa’kaboro’ sia penggauran melo.