EZRA 10:3 - Sura' Madatu

³ Melo ke untananki’ basse sola Kapenombanta, kumua la tasua male tu mintu’ baine sia mintu’ pia nadadian, situru’ tu pa’pakilalanna puangku sia mintu’ tau tu ma’parondo ungkataku’ pepasanNa Kapenombanta; melo ke lolangki’ unturu’i tu Sukaran aluk.

EZRA 10:3 ပူးပေါင်းရင်းမြစ်များ

2 DATU 11:17

Natananmi Yoyada tu basse lan alla’Na PUANGna datu sia to buda, kumua na iatu to buda dadi misa’ taunNa PUANG sia lan duka alla’na datu na to buda.

2 OSSORANNA DATU 29:10

Totemo lanmo penaangku la untanan basse sola PUANG, Kapenombanna to Israel, kumua nasoro’ tu kare’dekanna ara’Na dio mai kaleta.

2 OSSORANNA DATU 30:12

Dio duka Yehuda lalo tu kuasanNa PUANG, anna sanginaa tu tau iato mai unturu’ pepasanna datu sia mintu’ pangulu susitu kadanNa PUANG.

2 OSSORANNA DATU 34:21

Malekomi umpekutanan timbanganNa PUANG, anNa pamanassai lako kaleku sia lako tu mai mintu’ to torropa dio lu Israel sia Yehuda tu diona mintu’ kada lan te sura’ dikabu’tui, belanna mandu tu kare’dekanna ara’Na PUANG, tu Nabarrakan lako kaleta, belanna tae’ nakaritutui nene’ to dolota tu kadanNa PUANG sia tae’ napogau’i susitu disura’ lan sura’ iate.

2 OSSORANNA DATU 34:27

belanna malamma’ tu penaammu sia umpamadiongangko kalemu dio oloNa Puang Matua, tommu rangimi tu kadanna diona te inan iate sia mintu’ to torro lan, ondongpi mupamadiongammo tu kalemu dio oloKu sia muserek-serekmo tu tamangkalemu, ammu tumangi’ dio oloKu, bannang iamoto angKu perangii dukamoko, kadanNa PUANG.

EZRA 10:11

Apa totemo pangke’i tu PUANG, Kapenombanna nene’ todolomi, sia pogau’i tu apa nakalo’ penaanNa sia toyangangkomi kalemi dio mai mintu’ bangsa lan tondok iate sia dio mai mintu’ baine senga’.

EZRA 10:44

Mintu’nai te umpobainemo baine salian lembang, na dio lu bainena tau iato mai denmo tu undadian pia muane.

EZRA 10:9

Ta’kala sirampunmi tu mintu’ muane to Yehuda sia Benyamin dio Yerusalem lan to tallung allo, iamotu bulan ma’pengkasera, allo ma’penduangpulona bulan iato; unno’ko’mi tu mintu’ tau iato dio lu padang tingayo banuanNa Kapenomban, sipa’parondoan belanna iatu kara-kara iato sia belanna angin bara’.

EZRA 9:4

Sirampunmi lako kaleku tu mintu’ to ma’parondo ungkataku’ kadanNa Kapenombanna to Israel, belanna iatu to dipali’ umpokamo kamarurusan, apa iatu aku torro bangna’ unno’ko’ tang unnissan apa sae lako pemala’ makaroen.

NEHEMIA 10:1

Iatu mintu’ to ma’ca’ iamotu Nehemia, to maraa lompo, anakna Hakhalya sia Zedekia,

NEHEMIA 8:14

Iatonna allo ma’penduan saemi tu mai pangulu rapunna mintu’ bangsana sola mintu’ to minaa sia to Lewi sirampun lako Ezra, pandita sura’, la umparessai tu kada Sukaran aluk.

NEHEMIA 9:38

Bannang diomote mintu’nate untananmoki’ basse tang leluk anta patamai sura’, anna ca’i pangulunta sia to Lewinta sia to minaanta.

PA’PUDIAN 119:120

Rumonting tu kaleku diona kametakuramMi, sia mataku’na’ belanna mintu’ pa’paolaimMi salu.

PA’PUDIAN 119:59

Kutimbang-timbang tu diona lalanku, angku palulakoi mintu’ kasa’biamMi tu tengkaku.

YESAYA 66:2

Mintu’nate apa iate inang panggaraga limangKu, susimoto anna dadi tu mintu’ ma’dandan maritik, kadanNa PUANG; apa iatu tau iato Kutiro lumbang, iamotu to umpamadiongan penaanna sia to bonnong penaanna sia ungkataku’ kadangKu.

YESAYA 8:20

Lako (manna) pepasan sia kada dipaombo’! Minda-minda tu ma’kada tang sipatu kada iato, tae’ anna la sitiro arrang melambi’.

YEHEZKIEL 9:4

Ma’kadami tu PUANG lako kaleku Nakua: Ke’de’ko unnola tangngai tu kota iamotu unnola tangnga Yerusalem, ammu palakoi tanda tu kidena tu mintu’ to sumarro sia mekaindo’ diona tu mintu’ penggauran megallian tu dipogau’ inde to dio.

PA’TOLE 29:12

la tama basseNa PUANG, Kapenombammu, iamotu pangallu’ dipabantang tete dio pa’tampak ropu, tu mutanan sola PUANG, Kapenombammu,

YOSUA 9:6

Malemi tu tau iato lako Yosua, lako to’ tenda dio Gilgal, anna ma’kada lako kalena sia lako mintu’ muane to Israel, nakua: Kami te lu diokanni mai tondok mambela: totemo la sibasseki’.