ESTER 9:3 - Sura' Madatu

³ Sia mintu’ arungna propinsi sia tomaraa lompo sia tomaraa sia tonaala parea datu umpa’tunduan to Yahudi, belanna narampoi kamatakuran ungkataku’ Mordekhai.

ESTER 9:3 ပူးပေါင်းရင်းမြစ်များ

EZRA 2:2

tu sae nasolan Zerubabel, Yesua, Nehemia, Seraya, Reelaya, Mordekhai, Bilsan, Mispar, Bigwai, Rehum na Baana. Inde sia tu iaranna mintu’ muane to Israel:

EZRA 8:36

Naparampo dukami tau iato mai tu sura’ parenta dio mai datu lako tomaraa lompona sia tomaraanna datu dio lu lili’ sambalinna lu Salu; napangeaimi tau iato mai tu bangsa iato sia iatu banuanNa Puang Matua.

ESTER 3:12

Ta’kala natambaimi tu mintu’ to massura’na datu tonna allo ma’pessangpulo tallunna bulan bunga’na, sia disura’ tu sura’ susi tu napasan Haman lako mintu’ to maraa lompona datu, sia mintu’ to maraa dio lu mintu’ propinsi sia arungna mintu’ bangsa, lako mintu’ propinsi umpake passura’na siamo sia lako mintu’ bangsa umpake basana siamo; iatu sura’ iato mai disura’ tete dio sanganna datu Ahasweros sia dica’ sissin peca’na datu.

ESTER 8:17

Sia dio duka lu mintu’ propinsi sia kota, umba-umba nii iatu kada sia atoranna datu rampomo, denmi tu kaparannuan sia kasendean sia pa’maruasan sia allo kapua dio lu to Yahudi sia buda tu mai bangsa lan tondok tamamo sangbilangan to Yahudi, belanna narampoimo kamatakuran ungkataku’ to Yahudi.

ESTER 8:5

Ma’kadami nakua: Iake nakalo’i penaanna datu sia den kamaturu-turuanna datu lako kaleku sia iake nasangai datu tongan sia iake naalana’ penaanna datu, melo ke dipakatui misa’ sura’ tu la untaeranni tu mintu’ sura’ tu nanii pa’tangngaranna Haman, to Agag, anakna Hamedata, tu nasura’ kumua la ussabu’i mintu’ to Yahudi lan mintu’ propinsi tu naparenta datu.

ESTER 8:9

Attu ia dukato tonna allo ma’duangpulo ntallu bulan ma’pentallunna – iamotu bulan Siwan – ditambaimi tu to massura’na datu, anna sura’i tu mintu’ apa napa’pepasanan Mordekhai, diparampo lako to Yahudi sia lako tomaraa lompo sia lako tomaraa sia lako arungna propinsi, randuk dio mai India sae lako Etiopia den saratu’ duangpulo mpitu propinsi, pantan simisa’ propinsi disura’ lan passura’na sia simisa’ bangsa disura’ lan basana, susi duka lako to Yahudi lan passura’na sia lan basana.

DANIEL 3:2

Mesuami tu datu Nebukadnezar umpasirampunni sae tu mai to maraa lompo, pangulu, to maraa, pebangun ada’, sandan uai, to ma’paolai salu, sia to diala parea, iamotu mintu’ to ma’parenta lan propinsi, la ma’dio ren nasang, ke dirarai tu rapang-rapang dipodeata iato, tu napabendan datu Nebukadnezar.