ESTER 9:27 - Sura' Madatu

²⁷ iamoto napamanassai to Yahudi sia natarima butung apa dipondok lako kalena sia lako bati’na tau iato mai sia lako mintu’ tu to naala bilanganna, kumua tae’ len nala ullendai napakaraya te allo iate da’dua, ke taunoi, susitu mangka disura’ diona allo iato sia attu mangka dipamanassan pa’maruasan iato,

ESTER 9:27 ပူးပေါင်းရင်းမြစ်များ

ESTER 8:17

Sia dio duka lu mintu’ propinsi sia kota, umba-umba nii iatu kada sia atoranna datu rampomo, denmi tu kaparannuan sia kasendean sia pa’maruasan sia allo kapua dio lu to Yahudi sia buda tu mai bangsa lan tondok tamamo sangbilangan to Yahudi, belanna narampoimo kamatakuran ungkataku’ to Yahudi.

ESTER 9:20

Nasura’ nasangmi Mordekhai te mintu’ apa dadi sia umpa’pea sura’ lako mintu’ to Yahudi la mandappi’na la mambelanna lan mintu’ propinsinna datu Ahasweros,

ESTER 9:21

la umpapassanni tau iato mai tu atoran la umpakaraya la allo ma’pessangpulo a’pa’na la allo ma’pessangpulo limanna bulan Adar, ke taunoi,

ESTER 9:28

sia iate allo iate la dikilalai sia dipakaraya lan lu mintu’ pa’rapuan, lan lu mintu’ rapu, lan lu mintu’ propinsi, sia lan lu mintu’ kota, naurunganni iatu allo Purim tae’ nala pa’de dio lu to Yahudi sia kapengkilalanna allo iato tae’ nala ka’tu dio lu mintu’ bati’na.

PA’PUDIAN 78:7

Anna umposande’ Puang Matua sola nasangi, sia da nakalupai tu mintu’ penggauranNa Puang Matua, sangadinna la nakaritutui tu mintu’ pepasanNa.

YESAYA 2:3

Buda bangsa la ke’de’ male anna ma’kada nakua: Maikomi, anta male langngan buntunNa PUANG, langngan banuanNa Kapenombanna Yakub, anNa ada’iki’ tu diona mintu’ lalanNa, sia anta olai tu mai lalanNa, belanna lan mai Sion la nanii bu’tu sukaran aluk sia kadanna PUANG lan mai Yerusalem.

YESAYA 56:3

Da anna ma’kada tu to sae tu mengkaola lako PUANG kumua: Manassa nasarakki tonganna’ PUANG dio mai taunNa; sia da duka nama’kada tu to dibalianni kumua: Aku te sangto’ kayu marangke.

YESAYA 56:6

Na mintu’ tu to sae tu mengkaola lako PUANG la menomba sia ungkamali’ sanganNa PUANG, sia la morai mendadi taunNa, iamotu mintu’ to ungkaritutui allo katorroan, naurunganni tang naruttakki sia iatu to untoe manda’ basseKu:

YEHEZKIEL 16:61

Attu iato la mukilalai tu mintu’ gau’mu sia la masiri’ko ke mutarimai tu sangbainemu, tu kapuanna sia bitti’na, sia Kubenko la dadi anakmu baine, moi tae’ natete dio tu basse mangka tatanan.

ZAKHARIA 2:11

Allo iato buda bangsa la mengkara’pa lako PUANG sia dadi taungKu. Sia la torroNa’ lan lu tangngamu. Attu iato la mutandai, kumua mangkamo’ Nasua PUANGna mintu’ ma’dandan maritik lako kalemu.

ZAKHARIA 8:23

Inde sia tu kadanNa PUANGna mintu’ ma’dandan maritik Nakua: Allo ia dukato la sangpulo tu tau dio mai mintu’ bangsa ma’rupa-rupa basana la untoe, ondongpi la natoe tongan tu tampak bayu lamba’na to Yahudi, anna ma’kada nakua: La moraikanni undi unturu’komi, belanna kirangimo, kumua Narondongkomi Puang Matua.

KADIBILANGAN 15:15

Iatu mintu’ kombongan, misa’ri tu aluk dipondok la napeolai la kamu la iatu to sae torro dio lu kamu; iamotu misa’ aluk dipondok matontongan la naturu’ ossorammi; kamu sia to sae la pada bang dio oloNa PUANG.

PA’TOLE 5:3

Tangia nene’ to dolota tu nasisolan PUANG untananni, sangadinna kita, tu denpa tuo totemo inde te.

YOSUA 9:15

Sikadamakmi Yosua tu tau iato mai sia naallu’ la umpatuoi, sia iatu mintu’ pangulu kasirampunan umpalao sumpa la maruru’ lako kalena.

TO PARENGNGE’ 11:40

ke taunoi male tu mai anak dara to Israel patang allo ke sangtaunoi umbatingi anakna baine Yefta, to Gilead.

1 SAMUEL 30:25

Tontongmi susito randuk allo iato sia undinna, belanna napadadimo Daud misa’ ada’ sia atoran dio lu to Israel sae lako allo iate.