ESTER 9:25 - Sura' Madatu

²⁵ Apa iatonna malemo (tu Ester) mennolo lako datu, napatassu’mi datu tu sura’ parenta, kumua iatu tangnga’ kadake tu natangnga’ unnea to Yahudi, la sule ta’pa dao ulunna. Iatu Haman sia mintu’ anakna muane nasula tau lako misa’ lentong.

ESTER 9:25 ပူးပေါင်းရင်းမြစ်များ

1 DATU 8:32

la Miperangii dao mai suruga, sia Mipogau’i to sia la Mipaolai salunna tu taumMi, amMi pasalai tu to sala sia Mipasule langngan botto ullunna tu penggauranna, amMi sanda-tonganni tu to tongan sia Mipapakkanni sitinaya kamalamburanna.

ESTER 3:6

Apa nasanga tangganna’pa ke Mordekhai manna napatei, belanna napokadamo tau lako tu bangsana Mordekhai; iamoto nadaka’ lalan tu Haman la ussanggangi tu mintu’ to Yahudi, bangsana Mordekhai, lan mintu’ kadatuanna Ahasweros.

ESTER 7:10

Nasulami tau tu Haman dao lentong tu napabendanan Mordekhai. Namane pa’de tu kare’dekan ara’na datu.

ESTER 7:4

Belanna kami te mangkamokan dibaluk la aku la bangsaku, la disanggangi, dipatei sia disabu’i. Moronganna angki la dibaluk la mendadi kaunan sia kaunan baine, manassa la kappana’, apa iate kamandasan iate tae’ padanna tu mintu’ apa umparugi datu.

ESTER 7:5

Ma’kadami tu datu Ahasweros lako datu baine Ester, nakua: Mindara to sia umbara nanii, tu ponnomo penaanna la umpogau’i tu apa susito?

PA’PUDIAN 140:8

O PUANG, Puangku, patunduan matoto’ku, Misarongi tu ulungku ke tiosokki lempo kasirarian.

PA’PUDIAN 140:9

O PUANG, da Mipalolo’i tu pa’poraianna to tang mekaaluk, sia da Mipadanunni tu kasiturusan kadakena, da anna madongnga’. Sela

PA’PUDIAN 141:10

Da’ito anna ia naala poyana sule tu mai to tang mekaaluk, angku makarimman.

PA’PUDIAN 7:16

Umbo’bokmo patuang lambe’, namukkun ussindungi; apa ia kalena tobang rokko tu patuang nagaraga.

PA’PUDIAN 7:17

Iatu kakadakean la tibalik langngan botto ulunna, sia iatu pa’pakario-riona la unta’pai passaronganna.

PA’PUDIAN 94:23

Ia umpapakkanni kabulitukanna tau iato mai, sia Ia la ussabu’i sola nasangi lan kakadakeanna, pissanmito la Nasabu’i PUANG Kapenombanta tu tau iato mai.

SARAMBU PEADA’ 26:27

Minda-minda umbo’bokan patuang tau, ia kalena la tobang rokko, sia minda-minda ullolinni batu tau, la nalolinni sule tu kalena.

SARAMBU PEADA’ 5:22

Iatu to tang mekaaluk la napungo kalena kakadakeanna, sia la napurru’ poya kasalanna.

YESAYA 22:25

Attu iato, kadanNa PUANGna mintu’ ma’dandan maritik, kumua iatu paku dio to’ inan makarra’ la lento, anna le’to sia ronno’, na iatu mai apa tisedan dio la sanggang, belanna mangka Napokada PUANG.

OBAJA 1:15

Belanna mandappi’mo tu alloNa PUANG la urrampoi mintu’ bangsa; susitu penggaurammu, susi dukamo la dipogau’ lako kalemu, sia iatu penggaurammu la sule langngan ulummu.

MATIUS 21:44

(Minda-minda tobang rokko batu iato la ru’puk; apa minda-minda nai’pinni batu iato, la manisak.)

1 SAMUEL 25:39

Iatonna rangimi Daud, kumua matemo tu Nabal, ma’kadami nakua: Mintu’na kapudian lu langngan PUANG tu untuntunanna’ kara-karaku sia umpakkanni lako Nabal tu kanalo’boangku sia Nadampamo tu taunNa la umpogau’ kadake sia iatu kakadakean Napasule PUANG langngan ulunna Nabal. Mangkato nasuami Daud tu tau male sipa’kada Abigail umpokadanni, kumua la napobaine.