ESTER 9:18 - Sura' Madatu

¹⁸ Apa iatu mintu’ to Yahudi lan Susan sirampun la ia tonna allo ma’pessangpulo tallu la ia tonna allo ma’pessangpulo a’pa’ bulan iato. Rapa’mi tu tau iato mai tonna allo ma’pessangpulo lima sia iatu attu iato napadadi misa’ allo pa’maruasan sia kaparannuan.

ESTER 9:18 ပူးပေါင်းရင်းမြစ်များ

ESTER 8:11

kumua napalalo datu tu mintu’ to Yahudi lan lu mintu’ kota la sirampun sia la ungkaritutui sunga’na, sia ussanggangi sia umpatei sia ussabu’i mintu’ to ma’pa’buno dio lu mintu’ bangsa sia propinsi tu sae ullaoi, sisola tu mai bainena sia anakna, anna rampai tu iananna tau iato mai,

ESTER 9:1

Iatonna allo ma’pessangpulo tallunna bulan ma’pessangpulo dua, iamotu bulan Adar, tonna lambi’mi la dipogau’ tu kada sia atoranna datu, tonna allo la nanii ualinna to Yahudi ma’rannuan la untaloi, apa allo iato membali allo kapataloanna to Yahudi lako to ungkabiri’i.

ESTER 9:11

Allo iato diparampomi lako olona datu tu bilanganna mintu’ to dipatei lan kota benteng Susan.

ESTER 9:13

Ma’kadami Ester nakua: Iake nakalo’i penaanna datu, melo ke dielorampi tu to Yahudi tu lan Susan, ma’pogau’ susi atoran allo iate sia iatu anakna Haman sangpulo nasula tau.

ESTER 9:15

Iamoto nasirampun dukapa tu mintu’ to Yahudi lan Susan tonna allo ma’pessangpulo a’pa’ bulan Adar, anna patei lan Susan tu tau talluratu’, apa tae’ naparumbui lima tau iato mai tu pangrampa.

ESTER 9:2

Sirampunmi tu to Yahudi lan lu kotana dio lu mintu’ propinsi parentana datu Ahasweros la umpata’pai lima tu mintu’ to undakaranni kasangganganna na moi misa’ tau tae’ nakulle unneai, belanna narampoimo kamatakuran ungkataku’i tu tau iato mai.

ESTER 9:21

la umpapassanni tau iato mai tu atoran la umpakaraya la allo ma’pessangpulo a’pa’na la allo ma’pessangpulo limanna bulan Adar, ke taunoi,