ESTER 9:16 - Sura' Madatu

¹⁶ Sia iatu mintu’ to Yahudi senga’ lan propinsinna datu sirampun, anna ungkaritutui sunga’na sia unnappa’ karapasan dio mai ualinna; sia napatei tau iato mai tu mintu’ to ungkabiri’i pitungpulo llima sa’bu, apa tae’ narumbui limanna tu pangrampa,

ESTER 9:16 ပူးပေါင်းရင်းမြစ်များ

KADADIAN 34:27

Iatonna mangkamo dipatei tu mintu’ tau iato, saemi tu anakna Yakub tu mai pia muane ussarrinni sisalingna lan tondok iato, belanna mangkamo nagau’ sala tau tu siulu’na.

ESTER 8:11

kumua napalalo datu tu mintu’ to Yahudi lan lu mintu’ kota la sirampun sia la ungkaritutui sunga’na, sia ussanggangi sia umpatei sia ussabu’i mintu’ to ma’pa’buno dio lu mintu’ bangsa sia propinsi tu sae ullaoi, sisola tu mai bainena sia anakna, anna rampai tu iananna tau iato mai,

ESTER 9:2

Sirampunmi tu to Yahudi lan lu kotana dio lu mintu’ propinsi parentana datu Ahasweros la umpata’pai lima tu mintu’ to undakaranni kasangganganna na moi misa’ tau tae’ nakulle unneai, belanna narampoimo kamatakuran ungkataku’i tu tau iato mai.

PA’PUDIAN 149:7

La membala’ lako mintu’ bangsa, sia umpandasa mintu’ to sangpetayanan.

PA’PUDIAN 37:15

Apa iatu la’bo’na buana kalena la narua sia iatu bulianna la direbong.