ESTER 9:1 - Sura' Madatu

¹ Iatonna allo ma’pessangpulo tallunna bulan ma’pessangpulo dua, iamotu bulan Adar, tonna lambi’mi la dipogau’ tu kada sia atoranna datu, tonna allo la nanii ualinna to Yahudi ma’rannuan la untaloi, apa allo iato membali allo kapataloanna to Yahudi lako to ungkabiri’i.

ESTER 9:1 ပူးပေါင်းရင်းမြစ်များ

2 SAMUEL 22:41

Mipopemboko’mo mallai tu mintu’ ualingku, sia kumangsannimo tu mintu’ to ungkabiri’na’.

ESTER 3:13

Napakatumi tu mintu’ sura’ iato nabaa ba’tu pira-pira to pambaa sura’ malinta’ lako mintu’ propinsinna datu kumua la nasanggangi tau, la napatei sia nasabu’i tu mintu’ to Yahudi randuk dio mai pia sae lako tomatua, moi pia’-pia’ sia baine, lan sangallo, iamotu allo ma’pessangpulo tallunna bulan ma’pessangpulo dua – iamotu bulan Adar – sia kumua anna rampai tau tu iananna tau iato mai.

ESTER 3:7

Iatonna bulan bunga’na, iamotu bulan Nisan, taun ma’pessangpulo duanna kadatuanna Ahasweros, nabuangmi tau tu Pur dio olona Haman – iamotu pa’loterei – la umpamanassa misa’ allo dio mai mintu’ allo sia misa’ bulan dio mai mintu’ bulan sae lako bulan ma’pessangpulo dua, iamo bulan Adar.

ESTER 8:12

lan sangallo lan mintu’ propinsinna datu Ahasweros, iamotu allo ma’pessangpulo tallunna bulan ma’pessangpulo duanna, iamotu bulan Adar.

ESTER 8:6

Belanna umbara la kukua ungkullei la untiroi tu kamandasan urrampoi bangsaku sia umbara dikka’ la kukua ungkullei la untiroi tu kasangganganna mintu’ pa’rapuangku?

ESTER 9:17

tonna allo ma’pessangpulo tallu bulan Adar. Iatonna allo ma’pessangpulo a’pa’na rapa’mi tu tau iato mai, anna padadii tu attu iato misa’ allo pa’maruasan sia kaparannuan.

PA’PUDIAN 18:40

Belanna mangkamoKomi umpatambeke’ina’ kamabukuan la parari; sia mangkamo Mipatunduk lako kaleku tu mintu’ to unneana’.

PA’PUDIAN 30:11

Patanannina’ talinga, o PUANG, sia kamaseina’, o PUANG, melo ke Kamumo patunduangku.

PENGGAURANNA RASULU’ 12:11

Iatonna mengkilalamo tu Petrus, nakuami: Totemo manassamo kuissan kumua Puang ussua malaeka’Na urrampananna’ dio mai limanna Herodes sia dio mai mintu’ lalan penaanna to Yahudi.

PA’TOLE 32:36

Belanna iatu PUANG la ussanda tonganni bangsaNa sia la ungkamasei taunNa; iake Natiroi, kumua pa’demo tu kamatotoranna, sia tappumo sola nasangi randuk dio mai madaona sae lako madionganna,

KADA OMBO’ LAKO RASULU’ YOHANES 11:18

Kendekmo kasengkeanna tu mintu’ bangsana to kapere’, apa saemo tu kasengkeamMi, sia attu umpaolai salunna to mate, sia nalambi’mo attunna kadiseronginna karongkosan tu mintu’ taumMi, iamotu mintu’ nabi sia mintu’ to masallo’ sia to ungkasiri’ sangamMi, la bitti’ la kapua; sia nalambi’mo attunna ussanggangi tu mintu’ to ussanggang lino.