ESTER 8:7 - Sura' Madatu

⁷ Ma’kadami tu datu Ahasweros lako datu baine Ester sia lako Mordekhai, tu to Yahudi iato nakua: Manassa iatu banuanna Haman kusorongmo lako Ester na iatu kalena Haman mangkamo disula dao lentong, belanna umpata’pai lima to Yahudi.

ESTER 8:7 ပူးပေါင်းရင်းမြစ်များ

EZRA 4:6

Sia iatonna ma’parenta Ahasweros, lan pamulanna kaparentanna, nagaragami tau iato mai misa’ sura’ la umparapa’i tu to Yehuda sia to Yerusalem.

ESTER 7:10

Nasulami tau tu Haman dao lentong tu napabendanan Mordekhai. Namane pa’de tu kare’dekan ara’na datu.

ESTER 7:9

Ma’kadami tu Harbona, misa’i to mase’ponna datu tu lan diamanna, nakua: Ondongpi tiro dukai tu lentong mangka nagaragai Haman la napassulai Mordekhai, tu mangka umpokada kameloanna datu bendanmo sikandappi’ banuanna Haman, limangpulo siku langka’na. Ma’kadami datu nakua: Sulai tu Haman dao.

ESTER 8:1

Iatonna allo ia bangsiamoto nasorongmi datu Ahasweros lako datu baine Ester tu banuanna Haman, ualinna to Yahudi, na iatu Mordekhai dadimo to marengke’na datu, belanna napa’peissanammo Ester tu diona kasirapuanna.

SARAMBU PEADA’ 13:22

Iatu to melo la untampean mana’ lanto mimi’na, apa iatu iananna tokadake gau’na untayan to malambu’.

GALATIA 3:13

Mangkamoki’ Nala’bak Kristus dio mai tampak ropu Sukaran aluk, apa Ia mendadi tampakan ropu belanna kita, belanna nakua lan sura’: Tampak ropu lako mintu’ to titoke’ dao kayu.