ESTER 8:15 - Sura' Madatu

¹⁵ Tassu’mi tu Mordekhai ma’pake pakean kadatuan ma’rupa lango-lango sia lenang, ma’tali bulaan sia ma’bayu lamba’ lenang mellong sia lango-lango makaseda. Siarrakammi sia parannu-rannumi tu mintu’ to lan Susan.

ESTER 8:15 ပူးပေါင်းရင်းမြစ်များ

ESTER 3:15

Male nasangmi tu mintu’ pambaa sura’ malinta’ lumingka umpakasia’ tonganni unturu’ parentana datu, sia dipa’peissanan lan kota benteng Susan tu atoran iato. Sia iatonna marassan tu datu sola Haman ma’dokko mangiru’, narampoimi kamaramban tu kota Susan.

KADADIAN 41:42

Nalossokammi Firaun tu sissinna lan mai limanna anna patamai limanna Yusuf sia mesua umpapakei sampin kasa malannang sia napamanikki rante-rente bulaan.

LUKAS 16:19

Den misa’ to sugi’ ma’pakean melo ma’sambu’ lango-lango sia sampin ballo, ma’marua’-rua’ bang kiallo-kiallo sia manaman bang katuoanna.

SARAMBU PEADA’ 29:2

Iake sakerang-rangngannai kamatotoranna tu to malambu’ parannu tu to buda, apa iake ma’parentai tu to tang mekaaluk, sumarro tu to buda.

ESTER 6:8

La nabaa tau tu pakean kadatuan, tu biasa datu kalena umpakei sia misa’ darang, tu biasa datu kalena ussakei, tu dibeloi makota kadatuan ulunna.

ESTER 1:6

Kulambu lenang, wol sia sampin lango-lango dipori ulang lenang sia sampin lango-lango makaseda, tu dipale’ke’ dio kapukan salaka, tu dio lentong marmar mabusa; na ba’tu pira-pira inan mamma’ bulaan sia salaka dipatorro diong sali marmar maido sia marmar mabusa, sia batu mattiarra sia batu sanda rupanna.

MATIUS 11:8

Apara pale’ tu mangka lao mitiro? To ma’pakean meloraka? Iatu to ma’pakean melo lan ia lu banua datu.

MATIUS 6:29

Na Kukua lako kalemi: Moi Salomo nakabu’ mintu’ kamala’biranna, tae’ nadipakei susitu danga-danga sangtangke.

ESTER 6:11

Naalami Haman tu pakean sia darang iato, anna papakei tu Mordekhai, anna rendenni unnolai tana lapang kota, nametamba-tamba dio olona nakua: Susimo dipogaurannito tu tau nakalo’ penaanna datu dipakala’bi’.

ESTER 5:1

Iatonna allo ma’pentallun umpakemi pakean kadatuan tu Ester, namale bendan lako tingayo bilik lanna lu tongkonan layukna datu sitingoan bilik datu, tonna unnisung tu datu dao isungan kapayunganna lan bilik datu sitingoan lalan tama bilik iato.

ESTER 5:11

Nauleleanmi Haman lako tau iato mai tu kakapuanna kasugiranna sia kabudanna anakna muane sia kanapakala’biranna datu sia kanapamatandeanna na iatu mintu’ arung sia taunna datu.

ESTER 8:14

Male nasangmi tu mintu’ pambaa sura’ malinta’ ussakei darang kadatuan masia’ tongan lumingka unturu’ parentana datu na iatu atoran iato dipa’peissanan lan kota benteng Susan.

ESTER 10:2

Iatu mintu’ penggauranna tu tarompo’ sia mawatang sia kareba umpokada nasangi tu diona kataromposan, tu nanii datu umpakala’bi’ Mordekhai, tang tisura’moraka lan sura’ ossoranna mintu’ datu Media sia Persia?

SARAMBU PEADA’ 11:10

Mintu’ pa’tondokan umpoparannui tu kamauparanna to malambu’, apa iake sanggangi tu to tang mekaaluk, unnarrak-arrak tu mintu’ tau.

SARAMBU PEADA’ 28:12

Iake sila’tekanni tu to malambu’, iamoto tu kamala’biran kapua, apa iake unnappa’i kuasa tu to tang mekaaluk, membuni nasang tu tau.