ESTER 8:14 - Sura' Madatu

¹⁴ Male nasangmi tu mintu’ pambaa sura’ malinta’ ussakei darang kadatuan masia’ tongan lumingka unturu’ parentana datu na iatu atoran iato dipa’peissanan lan kota benteng Susan.

ESTER 8:14 ပူးပေါင်းရင်းမြစ်များ

1 DATU 4:28

Sia dalle sisikan sia dalame tu diben darang pangriu’ sia darang malinta’ dibaa lako inan dipamanassamo, pantan unturu’ apa dipapassananni.

2 OSSORANNA DATU 30:6

Malemi tu pebaa sura’ malinta’ umbaa sura’na datu sia mintu’ pangulunna umpasilamban-lamban Israel sia Yehuda sia ma’kada susi pepasanna datu nakua: E kamu mintu’ to Israel, tibalikmokomi sule lako PUANG. Kapenombanna Abraham, Ishak, sia Israel, anNa tibalik duka sule lako to torrona siapa, tu tilendok dio mai kuasanna to Asyur.

NEHEMIA 1:1

Inde sia tu tuna’na Nehemia, anakna Hakhalya. Iatonna bulan Kislew, taun ma’penduangpulo, tongku lan tambakuku Susan,

ESTER 1:2

attu iato unnisungmi tu datu Ahasweros dao isungan kapayunganna lan kota benteng Susan.

ESTER 2:3

Iamoto la naangka’ puangku tu ba’tu pira-pira to diala parea lan mintu’ propinsi kadatuanna puangku, tu la urrampun mintu’ anak dara, maballo pantarisanna tama kota benteng Susan lan banua baine, tu napenniroi Hegai, to mase’ponna datu, tu to ma’kampa baine. Indeto dinii umbenni tu apa napake umballoi kalena.

ESTER 3:13

Napakatumi tu mintu’ sura’ iato nabaa ba’tu pira-pira to pambaa sura’ malinta’ lako mintu’ propinsinna datu kumua la nasanggangi tau, la napatei sia nasabu’i tu mintu’ to Yahudi randuk dio mai pia sae lako tomatua, moi pia’-pia’ sia baine, lan sangallo, iamotu allo ma’pessangpulo tallunna bulan ma’pessangpulo dua – iamotu bulan Adar – sia kumua anna rampai tau tu iananna tau iato mai.

ESTER 3:14

Iatu pallemba’na sura’ iato la dipaissanan tau lan mintu’ propinsi butung misa’ atoran lako mintu’ bangsa, kumua nama’parandan tu tau iato mai sae lako allo iato.

ESTER 3:15

Male nasangmi tu mintu’ pambaa sura’ malinta’ lumingka umpakasia’ tonganni unturu’ parentana datu, sia dipa’peissanan lan kota benteng Susan tu atoran iato. Sia iatonna marassan tu datu sola Haman ma’dokko mangiru’, narampoimi kamaramban tu kota Susan.

ESTER 8:13

Iatu pallemba’na sura’ iato la dipaissanan tau lan mintu’ propinsi butung misa’ atoran lako mintu’ bangsa, kumua nama’parandan tu mintu’ to Yahudi allo iato la membala’ lako mintu’ ualinna.

ESTER 8:15

Tassu’mi tu Mordekhai ma’pake pakean kadatuan ma’rupa lango-lango sia lenang, ma’tali bulaan sia ma’bayu lamba’ lenang mellong sia lango-lango makaseda. Siarrakammi sia parannu-rannumi tu mintu’ to lan Susan.

TOMANGADA’ 9:10

Mintu’na tu narumbu limammu la mupogau’ sitinaya mukullena, pogau’i belanna tae’ tu pengkarangan, ba’tu pa’timbangan, ba’tu kapaissanan, ba’tu kakinaan lan lino tomate, tu mupatu lako.

DANIEL 8:2

Kutiromi lan patiro mendeata, – diona’ kota Susan ditambakuku dio propinsi Elam, tongku tiroi tu iannato, – kutiro lan patiro mendeata iato, kumua, diona’ biring salu Ulai.

1 SAMUEL 21:8

Nakuami Daud lako Ahimelekh. Tae’raka doke iti’ misa’ ba’tu pa’dang? Apa tae’ kupakala umbaa pa’dang ba’tu pa’buno belanna mesuamo tu datu umpasasana’.