ESTER 7:9 - Sura' Madatu

⁹ Ma’kadami tu Harbona, misa’i to mase’ponna datu tu lan diamanna, nakua: Ondongpi tiro dukai tu lentong mangka nagaragai Haman la napassulai Mordekhai, tu mangka umpokada kameloanna datu bendanmo sikandappi’ banuanna Haman, limangpulo siku langka’na. Ma’kadami datu nakua: Sulai tu Haman dao.

ESTER 7:9 ပူးပေါင်းရင်းမြစ်များ

2 DATU 9:32

Mentiromi tu Yehu langngan pentiroan, nama’kada nakua: Mindara la unturu’na’? Mindara? Denmi dua, tallu to mase’ponna datu untiroi.

ESTER 1:10

Iatonna allo ma’pempitu, parannumi tu penaanna datu napobua’ anggoro’, anna mesua lako Mehuman, Bizta, Harbona, Bigta, Abagta, Zetar na Karkas, pitui tu to mase’ponna datu, tu umparakai datu Ahasweros,

ESTER 5:14

Ma’kadami tu Zeresh, bainena, sia mintu’ sangmanena lako nakua: Melo ke digaragai tu misa’ lentong kayu, limangpulo siku langka’na ammi mela’bik umpokadanni datu masiang anna sulai tau tu Mordekhai inde to dao; namangkato mimane sende male sola datu lako pa’maruasan iato. Naporaimi Haman te kada iate, namesua unggaragai misa’ lentong.

ESTER 6:14

Marassan siapa sipa’kada-kada tau iato mai, saemi ba’tu pira-pira to mase’ponna datu, nasolanni madoi’ tu Haman lako pa’maruasan tu napasakka’ Ester.

ESTER 6:2

Naapparammi tau disura’ lan, kumua iatu Mordekhai umpaombo’i tu diona Bigtan sola Teresh, to mase’ponna dua datu, tu naala bilangan to ma’kampa ba’ba, kumua iatu tau iato mai undaka’ lalan la umpata’pai lima datu Ahasweros.

ESTER 8:7

Ma’kadami tu datu Ahasweros lako datu baine Ester sia lako Mordekhai, tu to Yahudi iato nakua: Manassa iatu banuanna Haman kusorongmo lako Ester na iatu kalena Haman mangkamo disula dao lentong, belanna umpata’pai lima to Yahudi.

ESTER 9:14

Napa’parentammi datu, kumua la dipogau’ susito sia dipa’peissanan tu misa’ atoran lan Susan, anna sulai tau tu muane anakna Haman sangpulo.

ESTER 9:25

Apa iatonna malemo (tu Ester) mennolo lako datu, napatassu’mi datu tu sura’ parenta, kumua iatu tangnga’ kadake tu natangnga’ unnea to Yahudi, la sule ta’pa dao ulunna. Iatu Haman sia mintu’ anakna muane nasula tau lako misa’ lentong.

PA’PUDIAN 141:10

Da’ito anna ia naala poyana sule tu mai to tang mekaaluk, angku makarimman.

PA’PUDIAN 35:8

Da’ito narampoi kasanggangan tang nakanandai, sia ia kalena naala poya natanan buni, da’ito anna tobang tama kasanggangan.

PA’PUDIAN 73:19

Umba nakua tu tau iato mai narua kasanggangan metakuran lan sangkappidian mata, sappi, mangsan napobua’ apa pasanggangan:

DANIEL 6:24

Attu iato sende tonganmi tu datu, anna mesua kumua la nariu’ tau tu Daniel diong mai lo’ko’; diriu’mi tu Daniel diong mai lo’ko’, na moi misa’ bangkena tae’ diapparan dio kalena, belanna sande’ lako Kapenombanna.

DANIEL 6:7

Mennolomi tu to maraa akkele’na datu sia mintu’ to maraa lompo lako datu sia ma’kada lako kalena umpalaku tonganni nakua: O datu Darius, namasakkemora tu datu sae lakona.

1 SAMUEL 17:51

Mangkato ma’dondomi tu Daud urreke’i lako, anna bendan dio sa’dena to Filistin iato, natoemi tu pa’dangna, nanonokki, napakatiti’i nata’takki tu ulunna. Iatonna tiromi to Filistin tu diona pa’baraninna matemo, mallai nasangmi.