ESTER 7:3 - Sura' Madatu

³ Mebalimi tu datu baine Ester nakua: Iake denni kamaturu-turuammi lako kaleku, o datu, sia iake nakalo’i penaanna datu, ke ma’dinni mikamaseanna’ tu sunga’ku diona palakungku sia iatu sunga’na bangsaku sitinaya tu kukamoraianna.

ESTER 7:3 ပူးပေါင်းရင်းမြစ်များ

1 DATU 20:31

Ma’kadami tu mintu’ to mase’ponna datu lako, nakua: Kirangimo sola nasang kumua iatu mintu’ datu to Israel to masokan. Iamoto melo ke massambu’ karoro’kan sia ma’tali ulangkan ammi elorangkan sola nasang male umpennoloi datu to Israel, den sia manii upa’ anna katirinnai tu sunga’mi.

2 DATU 1:13

Nasua pole’omi datu tu kamandang ungkapalai surodadu limangpulo, tu ma’pentallunna, sola tu surodadunna limangpulo. Na iate kamandang ungkapalai surodadu limangpulo, tu ma’pentallunna, kendek langngan anna malinguntu’ dio olona Elia, mengkamoyami sia ma’kada lako Elia nakua: E taunNa Puang Matua, ke ma’dinni tu katuoangku sia katuonna te taummi limangpulo anna keangga’ dio pentiromi.

ESTER 4:8

Sia naben dukamo lako tu misa’ pallemba’ sura’ atoran, tu mangkamo dipa’peissanan lan Susan la ussabu’i to Yehuda, anna pa’petiroanni lako Ester, kumua napaissanni tu mintu’nato. Sia napalaku duka anna parampoi lako datu baine tu pepasanna, kumua anna mennolo lako datu umpengkamoyai kamaturu-turuanna sia umpalakui anna kamasei tu bangsana.

ESTER 5:8

Iake denni kamaturu-turuanna datu lako kaleku sia nakalo’i penaanna datu la umpasituru’i tu palakungku sia umpasiolai tu apa kukamorai, ke ma’dinni nasaepa tu datu sola Haman lako pa’maruasan, tu la kupasakkarangkomi; namasiangpa angku pogau’i susitu napokadanna datu.

ESTER 7:7

Ke’de’mi tu datu re’dek ara’na, nasoro’i mangiru’ anggoro’, namale tama pa’lak tongkonan layuk; apa iatu Haman torro bendan la umpengkamoyan sunga’na lako datu baine Ester, belanna natandaimo, kumua manassamo tu kasanggangan lako kalena dio mai datu.

ESTER 8:5

Ma’kadami nakua: Iake nakalo’i penaanna datu sia den kamaturu-turuanna datu lako kaleku sia iake nasangai datu tongan sia iake naalana’ penaanna datu, melo ke dipakatui misa’ sura’ tu la untaeranni tu mintu’ sura’ tu nanii pa’tangngaranna Haman, to Agag, anakna Hamedata, tu nasura’ kumua la ussabu’i mintu’ to Yahudi lan mintu’ propinsi tu naparenta datu.

AYUB 2:4

Apa mebali tu deata bulituk lako PUANG, nakua: Kuli’ dipasondana kuli’ sia mintu’ apa naampui tau la nasorong belanna katuoanna.

YEREMIA 38:26

La mipokadan tau iato mai, kumua: Umpennoloanna’ palakungku lako olona datu, da namesua datu ussolanna’ sule lako banuanna Yonatan, da angku mate dio.