ESTER 7:10 - Sura' Madatu

¹⁰ Nasulami tau tu Haman dao lentong tu napabendanan Mordekhai. Namane pa’de tu kare’dekan ara’na datu.

ESTER 7:10 ပူးပေါင်းရင်းမြစ်များ

KADADIAN 40:22

Apa iatu pangulu pa’kampa kande natoke’ susitu nabattuananninna Yusuf lako sola duai.

ESTER 2:1

Undinnato, tonna meremo tu kare’dekan ara’na datu Ahasweros, nakilalaimi datu tu Wasti sia iatu apa napogau’ sia iatu apa mangkamo dira’ta’ la dipogau’ lako kalena.

ESTER 5:14

Ma’kadami tu Zeresh, bainena, sia mintu’ sangmanena lako nakua: Melo ke digaragai tu misa’ lentong kayu, limangpulo siku langka’na ammi mela’bik umpokadanni datu masiang anna sulai tau tu Mordekhai inde to dao; namangkato mimane sende male sola datu lako pa’maruasan iato. Naporaimi Haman te kada iate, namesua unggaragai misa’ lentong.

ESTER 7:7

Ke’de’mi tu datu re’dek ara’na, nasoro’i mangiru’ anggoro’, namale tama pa’lak tongkonan layuk; apa iatu Haman torro bendan la umpengkamoyan sunga’na lako datu baine Ester, belanna natandaimo, kumua manassamo tu kasanggangan lako kalena dio mai datu.

ESTER 7:8

Iatonna tibalikmo tu datu lan mai pa’lak tongkonan layuk tama bilik nanii mangiru’ anggoro’, lumbangmi tu Haman rokko bale-bale, tu nanii Ester mamma’-mamma’. Ma’kadami tu datu nakua: La morai dukako unggau’ sala datu baine lan tongkonan layukku! Iatonna tassu’mo te kada iate dio pudukna datu, nabungku’mi tau tu lindona Haman.

ESTER 8:7

Ma’kadami tu datu Ahasweros lako datu baine Ester sia lako Mordekhai, tu to Yahudi iato nakua: Manassa iatu banuanna Haman kusorongmo lako Ester na iatu kalena Haman mangkamo disula dao lentong, belanna umpata’pai lima to Yahudi.

ESTER 9:14

Napa’parentammi datu, kumua la dipogau’ susito sia dipa’peissanan tu misa’ atoran lan Susan, anna sulai tau tu muane anakna Haman sangpulo.

ESTER 9:25

Apa iatonna malemo (tu Ester) mennolo lako datu, napatassu’mi datu tu sura’ parenta, kumua iatu tangnga’ kadake tu natangnga’ unnea to Yahudi, la sule ta’pa dao ulunna. Iatu Haman sia mintu’ anakna muane nasula tau lako misa’ lentong.

AYUB 18:8

Belanna pentengkana kalena anna tipoya sia unnolai patuang disamboi panganan.

AYUB 20:8

Pa’de susito pangimpi sia tang diappa’mo, disapui susito patiro mendeata ke bongi.

PA’PUDIAN 37:15

Apa iatu la’bo’na buana kalena la narua sia iatu bulianna la direbong.

PA’PUDIAN 7:16

Umbo’bokmo patuang lambe’, namukkun ussindungi; apa ia kalena tobang rokko tu patuang nagaraga.

PA’PUDIAN 94:23

Ia umpapakkanni kabulitukanna tau iato mai, sia Ia la ussabu’i sola nasangi lan kakadakeanna, pissanmito la Nasabu’i PUANG Kapenombanta tu tau iato mai.

SARAMBU PEADA’ 11:27

Minda-minda tu untuntun melona, undaka’ kapaimanan; apa minda-minda unnanga’ bang kadakena, la narampoi duka kakadakean.

SARAMBU PEADA’ 11:8

Iatu to malambu’ la dirampanan lan mai kapussakan, na iatu to tang mekaaluk tama ussondai.

SARAMBU PEADA’ 26:27

Minda-minda umbo’bokan patuang tau, ia kalena la tobang rokko, sia minda-minda ullolinni batu tau, la nalolinni sule tu kalena.

YEREMIA 34:17

Iamoto nakua kadanNa PUANG: Belanna tae’ miperangiiNa’ la pada umpetamban katomakakan lako siulu’na sia lako solana, kadanNa PUANG, iamoto la Kupetamban tu katomakakan lako kalemi, la napotaa pa’dang sia ra’ba biang sia karorian sia la Kupadadikomi misa’ apa metakuran lako mintu’ kadatuan lan lino.

YEHEZKIEL 5:13

Susimoto tu kasengkeangKu la Kutappu’i Kubarrakan sia la Kuparampoi kare’dekan ara’Ku tu tau iato mai, namane sau penaangKu sia ma’papakkanniNa’. Sia la naissan tau iato mai, kumua Akumo, tu PUANG, tu kamanokangKu ditimba oloKu angku ma’kada, ke mangkami Kutappui tu mintu’ kare’dekan ara’Ku Kuparampoan tau iato mai.

DANIEL 6:24

Attu iato sende tonganmi tu datu, anna mesua kumua la nariu’ tau tu Daniel diong mai lo’ko’; diriu’mi tu Daniel diong mai lo’ko’, na moi misa’ bangkena tae’ diapparan dio kalena, belanna sande’ lako Kapenombanna.

DANIEL 6:25

Mesuami tu datu, anna baai tau sae tu mai to umpa’parampoan Daniel, nadipembuangan tu tau iato rokko lo’ko’ singa, la kalena tu tau iato la iatu mai anakna sia bainena, natae’pa narampo melo rokko lo’ko’ iato, ta’pa nadammakmi mintu’ singa; iatu mintu’ bukunna puramo nanisak-nisak.

ZAKHARIA 6:8

Mangkato metambami lako kaleku sia ma’kada Nakua: Manassa iatu malenamo rekke tondok rampe Daanna lu, umparapa’ penaangKu lan tondok rampe Daanna lu.

TO PARENGNGE’ 15:7

Ma’kadami tu Simson lako tau iato mai, nakua: Iake mipogau’i susito, inang tae’ kula untorei, ke tae’pi kupembalaranni.