ESTER 6:9 - Sura' Madatu

⁹ Na iatu pakean sia iatu darang la dipatoei sala umbannai tu mintu’ arungna datu, iamotu sala umbannai tu tau mala’bi’na, kumua anna papakei sia napakendekki langngan darang tu tau iato, tu nakalo’ penaanna datu la dipakala’bi’ sia narendenni tau tu darang nasakei unnolai tana lapang kota, anna metamba-tamba dio olona, nakua: Susimo dipogaurannito tu tau nakalo’ penaanna datu dipakala’bi’.

ESTER 6:9 ပူးပေါင်းရင်းမြစ်များ

KADADIAN 41:43

Napakendekmi langngan kareta ma’penduan, iamotu karetana, dolomi tu tau metamba-tamba dio olona nakua: Ma’kamandi’komi! Iamote tu to naangka’ Firaun umparenta mintu’ tondok Mesir.

ESTER 6:10

Ma’kadami datu lako Haman nakua: Madoi’ko unnalai tu pakean sia darang, susitu mangka mupokada, ammu pogau’i susito lako Mordekhai, to Yahudi, tu unno’ko’ lan babangan datu. Moi misa’ tae’ muma’din tang umpogau’i dio mai tu mintu’ apa mangka mupokada.

ESTER 6:6

Iatonna tamamo tu Haman nakuami datu lako: La dipatumbai tu tau tu nakalo’ penaanna datu la dipakala’bi’? Nasangami Haman lan penaanna: Minda tu la napakala’bi’ tongan datu ke tae’i naaku?

ZAKHARIA 9:9

Sila’tekangko, e anak dara Sion, unnarrak-arrakko, e anak dara Yerusalem! Manassa iatu datummu saemo lako kalemu, malambu’ sia pasau’, umpamadiongan penaanna, sia ussakei keledai, iamotu keledai laki, anakna keledai birang.