ESTER 6:4 - Sura' Madatu

⁴ Ma’kadami datu nakua: Mindara tu dio tarampak? Iatu Haman sirupangmo sae lako tarampak saliananna tongkonan layuk kadatuan, la umpokadai lako datu kumua nasulai tu Mordekhai dao lentong tu mangka napabendananni.

ESTER 6:4 ပူးပေါင်းရင်းမြစ်များ

ESTER 4:11

Iatu mintu’ to diala pareana datu sia mintu’ pa’tondokan propinsinna datu unnissanni, kumua lako minda-minda, la muane la baine, tu tama mennolo lako datu dio tingayo bilik lanna lu, anna tae’ naditambai, misa’ri ukunganna, iamotu la dipatei. Sangadi, ke nadullui datu tekken bulaan kadatuan, ia mannapito namane makarimman. Lan te tallungpulomo allona tae’ natambai lenna’ datu.

ESTER 5:1

Iatonna allo ma’pentallun umpakemi pakean kadatuan tu Ester, namale bendan lako tingayo bilik lanna lu tongkonan layukna datu sitingoan bilik datu, tonna unnisung tu datu dao isungan kapayunganna lan bilik datu sitingoan lalan tama bilik iato.

ESTER 5:14

Ma’kadami tu Zeresh, bainena, sia mintu’ sangmanena lako nakua: Melo ke digaragai tu misa’ lentong kayu, limangpulo siku langka’na ammi mela’bik umpokadanni datu masiang anna sulai tau tu Mordekhai inde to dao; namangkato mimane sende male sola datu lako pa’maruasan iato. Naporaimi Haman te kada iate, namesua unggaragai misa’ lentong.

ESTER 6:3

Ma’kadami datu nakua: Kamala’biran apara sia kadipangkaran apara mangka diben Mordekhai diona tu iannato? Mebalimi tu ba’tu pira-pira to mase’ponna datu tu lan diamanna nakua: Moi misa’ tae’ apa dibenni.

ESTER 6:5

Ma’kadami tu mai tomase’ponna datu lako datu nakua: Haman tu bendan dio tarampak. Ma’kadami datu nakua: Suai natama dio mai.

ESTER 7:9

Ma’kadami tu Harbona, misa’i to mase’ponna datu tu lan diamanna, nakua: Ondongpi tiro dukai tu lentong mangka nagaragai Haman la napassulai Mordekhai, tu mangka umpokada kameloanna datu bendanmo sikandappi’ banuanna Haman, limangpulo siku langka’na. Ma’kadami datu nakua: Sulai tu Haman dao.

AYUB 5:13

Ia umpoya to matarru’ lan pa’pakenanna, anna didampa tu tanan penaanna to pakira-kira.

PA’PUDIAN 2:4

Iatu To unnisung dao suruga la metaa, la Natelle-telle PUANG tu tau iato mai.

PA’PUDIAN 33:19

La urrinding pala’ deatanna tau iato mai dio mai kamatean, sia la umpatuoi ke ra’pak padangi.

TOMANGADA’ 9:10

Mintu’na tu narumbu limammu la mupogau’ sitinaya mukullena, pogau’i belanna tae’ tu pengkarangan, ba’tu pa’timbangan, ba’tu kapaissanan, ba’tu kakinaan lan lino tomate, tu mupatu lako.