ESTER 6:1 - Sura' Madatu

¹ Bongi iato pa’demi tu tikkaru’du’na datu. Mesuami umpopebaai tu sura’ kapengkilalan, iamotu sura’ ossoran, anna basai tau iato mai dio olona datu.

ESTER 6:1 ပူးပေါင်းရင်းမြစ်များ

KADADIAN 22:14

Nasangaimi Abraham tu inan iato: PUANG umpadenni. Iamoto anna sae lako totemo nakua tu tau: Dao buntu Nanii PUANG la umpadenni.

ESTER 10:2

Iatu mintu’ penggauranna tu tarompo’ sia mawatang sia kareba umpokada nasangi tu diona kataromposan, tu nanii datu umpakala’bi’ Mordekhai, tang tisura’moraka lan sura’ ossoranna mintu’ datu Media sia Persia?

ESTER 2:21

Den sangallo tonna unno’ko’ tu Mordekhai lan babangan datu, mapallami nasa’ding tu Bigtan sola Teresh, to mase’ponna datu sola duai, iamoto naala bilangan toma’kampa ba’ba, sia morai la umpata’pai lima tu datu, Ahasweros.

ESTER 2:22

Apa kaissanan te apa iate lako Mordekhai, anna pokadai lako datu baine Ester, anna Ester umpokadai lako datu tete dio sanganna Mordekhai.

ESTER 2:23

Iatonna diparessamo tu kara-kara iato, dilolongammi kumua tonganmo susito; disulami tu tau sola duai. Disura’mi te apa iate lan sura’ ossoranna datu dio olona datu.

ESTER 5:8

Iake denni kamaturu-turuanna datu lako kaleku sia nakalo’i penaanna datu la umpasituru’i tu palakungku sia umpasiolai tu apa kukamorai, ke ma’dinni nasaepa tu datu sola Haman lako pa’maruasan, tu la kupasakkarangkomi; namasiangpa angku pogau’i susitu napokadanna datu.

YESAYA 41:17

Iatu to mandasa sia to mase-mase, undaka’ uai, apa tae’, marakkekmo tu lilana ma’rang; Akumo tu PUANG, la untananni talinga tu tau iato mai; Akumo Kapenombanna Israel, tae’ angKu la untampe lenni tu tau iato mai.

DANIEL 2:1

Iatonna taun ma’penduan kaparentanna Nebukadnezar, ma’tindomi tu Nebukadnezar; napomagiangmi penaanna tu tindo iato, anna tang mamma’mo.

DANIEL 6:18

Nabaami tau tu misa’ batu, natuturanni tu baba lo’ko’ iato, naca’i sissin peca’na datu sia sissin peca’na to ma’parentana dikua da nadipogau’ tu senga’na diona Daniel.

MALEAKHI 3:16

Attu iato iatu mintu’ to ungkataku’ PUANG pada sipa’kada-kada, kumua: Napalan penaa sia Narangi PUANG sia dio oloNa den disura’ tu misa’ sura’ kapengkilalan, napomeloi tu to ungkataku’ PUANG sia umpakala’bi’ sanganNa.

ROMA 11:33

Tang pada ia mandalanna tu kasugiran kakinaanNa Puang Matua sia kapaissananNa! Tumba ia tang dilambi’na disandak tu mintu’ pangra’ta’Na sia tumba tang dilambi’na dirundunan tu mintu’ lalanNa.