ESTER 5:9 - Sura' Madatu

⁹ Allo iato malemi tu Haman parannu sia sende penaanna, apa iatonna tiromi Haman tu Mordekhai lan babangan datu manoka bendan sia tae’ napanggega’ la umpekatabe’i, tarru’ re’dekmi ara’na lako Mordekhai.

ESTER 5:9 ပူးပေါင်းရင်းမြစ်များ

1 DATU 21:4

Sulemi tu Ahab tama banuanna kumamu’dang sia sengke diona tu kada mangka napokada Nabot to Yizreel lako kalena, susite nakua: tae’ kula ussorongi lako kalemi tu mana’ nene’ to doloku. Umbambangammi kalena dao katindoanna, anna memboko’ bang sia manoka kumande.

1 DATU 21:6

Mebalimi lako nakua: Dikua mangkamo’ sipa’kada-kada Nabot, to Yizreel sia kukua lako: Benna’ tu pa’lak anggoro’mu, kubaya’ doi’i tu allinna, ba’tu iake musangai melo, la kubenko misa’ pa’lak anggoro’ sondana. Apa mebali nakua: Tae’ kula ussorongi lako kalemi tu pa’lak anggoro’ku.

ESTER 2:19

Iatonna ma’penduanna dirampun tu mintu’ anak dara, iatu Mordekhai ma’dokko lan babangan datu.

ESTER 3:2

Mintu’ to diala pareana datu, tu lan babangan datu, malinguntu’ sia tukku menomba dio olona Haman, belanna susimo napasan datu, kumua la dipogau’ susito lako kalena. Apa iatu Mordekhai tae’ namorai malinguntu’ sia tukku menomba.

ESTER 3:5

Iatonna tiromi Haman tu Mordekhai kumua tae’ namalinguntu’ sia tukku menomba dio olona, re’dekmi ara’na.

ESTER 5:13

Apa mintu’na te tae’ gai’na lako kaleku, ke tontongpa’ untiroi tu Mordekhai to Yahudi iato unno’ko’pa lan babangan datu.

AYUB 20:5

Manassa iatu arrakna to tang mekaaluk sangparaanri, sia iatu kaparannuanna to tang umbilang Puang Matua sangattu’ bangri.

AYUB 31:31

iannato kusisolan lan tenda tang ussa’biina’, kumua: Mindara tang dipedia’i duku’na?

PA’PUDIAN 15:4

Tu magi’gi untiro to Nasayu Puang Matua, apa nakasiri’ tu to ungkataku’ PUANG. Tu umpandannimo sumpa lampa kadanna, moi anna porugii kalena, tae’ duka napatilelukki.

PA’PUDIAN 27:3

Moi natingoina’ sangtuntunan to parari, tae’ namataku’ tu penaangku; moi anna titanan tu ra’ untingoina’, tontong dukana’ ma’passare.

DANIEL 3:13

Sengkemi tu Nebukadnezar sia re’dek tongan ara’na, namesua unnalai tu Sadrakh, Mesakh sia Abednego. Nabaammi tau tu tau sola tallu umpennoloi datu.

MATIUS 10:28

Da mikataku’i tu to umpatei batang kaleta, apa tang nakulle umpatei deatanta; apa iatu sipatunna tongan la mikataku’, Iari tu kuasanna ussanggangi nala batang kaleta nala deatanta, lan naraka.

MATIUS 2:16

Undinna tonna issanmi Herodes kumua napakena to patanda-tandan, lendu’mi sengkena, nasuami tu tau lao umpatei tu mintu’ pia’-pia’ muane, tu lanna tondok Betlehem sia lan mintu’ lili’na, tu ma’angge duang taunnamo dadinna, naagian dio mai tu mangkanna napesumpu lako to patanda-tandan.

LUKAS 6:25

Upu’ allomi, e to liu dia’, belanna la tangdia’komi. Upu’ allomi, e to metaa totemo, belanna la mekaindo’ lenkomi tumangi’.

YOHANES 16:20

Tonganna tongan Kukua mati’, kumua la tumangi’komi sia umbating, apa iatu issinna te lino parannu; iate kamu te la masussakomi, apa iatu kamasussammi la membali kaparannuan.

PENGGAURANNA RASULU’ 7:54

Iatonna rangii tinde tau tu iannato, re’dekmi ara’na sia singgarigi’-rigi’ isinna untiroi.

YAKOBUS 4:9

Pesa’dingimi tu sussa ammi mario sia tumangi’; sipato’ tu penaammi membali kamarioan, sia kasendeammi membali kamasussan.