ESTER 5:3 - Sura' Madatu

³ Ma’kadami datu lako nakua: Apara mutungkanan datu baine Ester, sia apara mukamorai? Moi nasesena te kadatuan kuben dukako.

ESTER 5:3 ပူးပေါင်းရင်းမြစ်များ

1 DATU 2:20

Ma’kadami nakua: Den kutungkanan lako kalemi apa bitti’ bangsia, da mitang umpasiolai te palakungku. Nakuami tu datu lako: Palakumi, indo’, tae’ angku la umpasisalai tu palakummi.

1 DATU 3:5

Dio Gibeon ombo’mo tu PUANG lako Salomo lan tindona tonna ibongi, sia ma’kada tu Puang Matua Nakua: Palakui apara tu la Kubenko?

NEHEMIA 2:4

Ma’kadami datu lako kaleku nakua: Apara palakummu? Attu iato massambayangmo’ lako Puang Matua dao suruga.

ESTER 5:4

Ma’kadami Ester nakua: Iake nakalo’i penaanna datu, nasae tu datu sola Haman allo iate lako pa’maruasan tu mangka kupasakkaran datu.

ESTER 5:6

Ma’kadami datu lako Ester tonna marrassan mangiru’ anggoro’ nakua: Apara palakummu? Manassa la kupasituru’. Sia apara mukamorai? Moi anna sangsese kadatuan, kuben dukako.

ESTER 7:2

Ma’kada dukami tu datu tonna allo ma’penduan tonna marassan unniru’ uai anggoro’ lako Ester nakua: Apara palakummu, e datu baine Ester? Manassa la kupasituru’. Sia apara mukamorai? Moi anna sangsese kadatuan, la kuben dukako.

ESTER 9:12

Ma’kadami tu datu lako Ester, datu baine, nakua: Lan kota benteng Susan napateimo sia nasabu’imo to Yahudi tu muane limaratu’ sia iatu mintu’ anakna muane Haman. Ba’tu apamo napogau’ tau iato mai lan mintu’ propinsi senga’na datu? Apapa palakummu? Manassa la dikamaseangko. Sia apapara mukamorai? Manassa la kupasituru’.

MARKUS 6:23

Massumpami umpokadai lako nakua: Apa-apa mupalaku lako kaleku, la kubenko, moi na sangsesena te parentaku.

LUKAS 18:41

Iatonna saemo urreke’i, Nakutanaimi lako Nakua: Apara mukamorai la Kupogau’ lako kalemu? Nakuami: O Puang, elo’namo ke pakita dukana’!

PENGGAURANNA RASULU’ 23:19

Natoemi kamandang tu limanna, nasolanni lako to’ kasalanna, namekutana nakua: Apara tu la mupokada lako kaleku?