ESTER 5:14 - Sura' Madatu

¹⁴ Ma’kadami tu Zeresh, bainena, sia mintu’ sangmanena lako nakua: Melo ke digaragai tu misa’ lentong kayu, limangpulo siku langka’na ammi mela’bik umpokadanni datu masiang anna sulai tau tu Mordekhai inde to dao; namangkato mimane sende male sola datu lako pa’maruasan iato. Naporaimi Haman te kada iate, namesua unggaragai misa’ lentong.

ESTER 5:14 ပူးပေါင်းရင်းမြစ်များ

2 SAMUEL 16:21

Ma’kadami Ahitofel lako Absalom, nakua: Melo ke sangampa’i puangku tu mintu’ gundi’na ambe’mi tu napatorro ungkampai tongkonan layuk; susito la narangi mintu’ to Israel tu diona puangku, kumua mipakadake lelemo tu kalemi lako ambe’mi, sia salamatoto’-toto’na tu mintu’ to unturu’komi.

1 DATU 21:25

Inang tae’ lenpa tau susi Ahab umbaluk kalena la umpogau’ kadake dio pentiroNa PUANG, belanna nasede Izebel, bainena.

1 DATU 21:7

Ma’kadami tu Izebel bainena lako, nakua: Kamu tu datu umparenta to Israel totemo! Millikkomi ammi kumande, pamatanai tu penaammi; aku la umbenkomi tu pa’lak anggoro’na Nabot, to Yizreel.

ESTER 6:4

Ma’kadami datu nakua: Mindara tu dio tarampak? Iatu Haman sirupangmo sae lako tarampak saliananna tongkonan layuk kadatuan, la umpokadai lako datu kumua nasulai tu Mordekhai dao lentong tu mangka napabendananni.

PA’PUDIAN 37:14

Iatu to tang mekaaluk unnonok la’bo’na sia umpatu’tun bulianna, la ussongkan to mandasa sia to mase-mase, sia la ussampan-sampan to unnola lalan kabulo-lollongan.

PA’PUDIAN 37:32

Iatu to tang mekaaluk untuntun mata to malambu’, sia undaka’ lalan la umpatei.

PA’PUDIAN 9:15

Kumua angku uleleanni tu mintu’ penggauran mala’bi’Mi, angku lo’dok to kaiyangan lan babanganna anak dara Sion belanna kasalamaran lu dio mai Kalemi.

SARAMBU PEADA’ 1:18

apa iatu tau iato mai rarana kalena naaungan sia katuoanna kalena naodo’.

SARAMBU PEADA’ 4:16

Belanna tae’ namamma’ tu tau iato mai, ke tae’pi napogau’ kadakena; sia tae’ natikkaru’du’ ke tae’pi nasongkan tau misa’.

ROMA 1:32

Moi natandai tu atoran Nalampak Puang Matua, kumua iatu to umpogau’i susito sipatu la mate, apa tae’ napogau’ mannai susito, sangadinna nasarrang pole’pa tu to umpogau’i.

ROMA 3:15

Lentekna maleke umpato’do rarana tau;

KADA OMBO’ LAKO RASULU’ YOHANES 11:10

Mintu’ tu to untorroi kuli’na padang umpoparannui sia sende-sende sia siben ben apa, belanna iatu nabi sola duai umpakario-rio mintu’ to untorroi kuli’na padang.