ESTER 4:4 - Sura' Madatu

⁴ Iatonna pokadanni to ma’kamayana baine sia tomase’ponna Ester lako kalena te iannate, tirambanmi tu datu baine, anna pa’peanni pakean tu Mordekhai kumua napakei, anna lendokanni tu pakean sanda bolongna dio mai kalena, apa tae’ natarimai.

ESTER 4:4 ပူးပေါင်းရင်းမြစ်များ

KADADIAN 37:35

Saemi tu mintu’ anakna muane sia anakna baine la umpakatanai, apa noka dipakatana nama’kada nakua: Belanna diona te anakku, angku la ma’pote dibolong sae lako maleku lako lino to mate! Susimoto tu Yusuf natangi’i ambe’na.

2 DATU 9:32

Mentiromi tu Yehu langngan pentiroan, nama’kada nakua: Mindara la unturu’na’? Mindara? Denmi dua, tallu to mase’ponna datu untiroi.

ESTER 1:12

Apa mengkailing tu Wasti, datu baine, unturu’ parentana datu la sae mennolo, susitu naparampoanni to mase’ponna datu. Attu iato liu ara’mi tu datu na iatu kasengkeanna dukku-dukku tongan.

ESTER 4:3

Lan lu mintu’ propinsi tu nanii rampo parenta sia atoranna datu, den passanda bolongan kapua, pa’puasa, tangi’ sia sarro dio lu to Yahudi, iamotu buda tau mamma’ umpennampa’ au.

ESTER 4:5

Natambaimi Ester tu Hatah, misa’i tu tomase’ponna datu, tu napamanassa la ungkamayai Ester, anna suai male mekutana lako Mordekhai la unnissananni kumua apa bannangna sia apa patunna.

PA’PUDIAN 77:2

Meongli’na’ langngan Puang Matua sia mengkamoyana’, sia inang meongli’na langngan Puang Matua, sangapaoi Natanannina’ talinga.

YESAYA 56:3

Da anna ma’kada tu to sae tu mengkaola lako PUANG kumua: Manassa nasarakki tonganna’ PUANG dio mai taunNa; sia da duka nama’kada tu to dibalianni kumua: Aku te sangto’ kayu marangke.

YEREMIA 31:15

Nakua kadanNa PUANG: Perangii, dio Rama den bating sia tangi’ tu mandu merio-rio, iamotu Rahel untangi’i mintu’ anakna, natang pakaranga-ranganna, belanna tae’mo tu anakna.

PENGGAURANNA RASULU’ 8:27

Ke’de’mi anna male. Denmi misa’ to Etiopia pa’bisara, kapala ada’ Kandake, datu baine dio Etiopia tu umpoissan mintu’ iananna, lao massambayang lako Yerusalem.

1 SAMUEL 8:15

Sia dio mai mintu’ bura padangmi sia mintu’ bua anggoro’mi la naala taa sangpulona, la naben mintu’ to mase’ponna sia mintu’ taunna.