ESTER 4:16 - Sura' Madatu

¹⁶ Malekomi mirampunni tu mintu’ to Yahudi lan Susan, ammi ma’puasa tallungallo belanna aku, da mikumande sia mangiru’ la bonginna la allona. Ia duka tu aku sola mintu’ to ma’kamayaku baine la ma’puasakan, namangkato kumane male mennolo lako datu, moi na tangia atoran; iake la kuposanggangi, da’ito kusanggang.

ESTER 4:16 ပူးပေါင်းရင်းမြစ်များ

KADADIAN 18:19

Belanna mangkamo Kuturo ta’ba, dikua anna patudui tu mai anakna sia bati’na, la ungkaritutui lalanNa PUANG, la umpogau’ kamaloloan sia kamalamburan anNa palanda’i PUANG lako kalena tu apa mangka Napokadanni.

KADADIAN 43:14

Na Puang Matuamora tu Umpoissan angge maritik umpamaturu-turui tu puang iato anna katuru-turuikomi, natangga’i tu siulu’mi sia Benyamin duka misolan sule! Iate aku te, iake dipasayu’na’, elo’namo angku sayu’.

2 SAMUEL 10:12

La baraniko sia la lalongki’ belanna bangsata sia belanna mintu’ kotana Kapenombanta. Na PUANGmora umpogau’i tu apa naala penaanNa.

2 DATU 7:4

Ianta ma’kada kumua: La maleki’ tama kota, karorian lan kota iato, manassa la mateki’ lan; na ianta la torro bang inde te, manassa la mate dukaki’. Iamoto malekomi mai, tasorong kaleta lako to’ inan surodadu to Aram. Ianna la umpatuoki’, manassa tuoki’, ianna la umpateiki’ manassa la mate dukaki’.

2 OSSORANNA DATU 20:3

Mataku’mi tu Yosafat, napamanassai la umpekutanan pa’timbanganNa PUANG; sia umpetamban misa’ kapa’puasan lan mintu’ tondok Yehuda.

EZRA 8:21

Attu iato kupetambammi inde to dio biring salu Ahawa tu misa’ pa’puasa la umpopengkadiongan kaleki dio oloNa Kapenombanta, la umpalakui lako Kalena angki malaga-laga’ lan kalingkangki sola anakki sia mintu’ barang apangki.

ESTER 4:15

Mesuami Ester lako tau umpokadanni Mordekhai kumua:

ESTER 4:17

Malemi tu Mordekhai, anna pogau’i tu mintu’ apa napasan Ester lako.

ESTER 4:3

Lan lu mintu’ propinsi tu nanii rampo parenta sia atoranna datu, den passanda bolongan kapua, pa’puasa, tangi’ sia sarro dio lu to Yahudi, iamotu buda tau mamma’ umpennampa’ au.

ESTER 5:1

Iatonna allo ma’pentallun umpakemi pakean kadatuan tu Ester, namale bendan lako tingayo bilik lanna lu tongkonan layukna datu sitingoan bilik datu, tonna unnisung tu datu dao isungan kapayunganna lan bilik datu sitingoan lalan tama bilik iato.

ESTER 9:31

kumua anna pakarayai tu allo Purim iate lan attu dipamanassa, susitu mangkamo napamanassa Mordekhai, to Yahudi iato, sia datu baine Ester lako tau iato mai sia susitu atoran nagaragan kalena sia bati’na diona attu pa’puasan sia kasumarroan.

YESAYA 22:12

Manassa allo iato Natambaimokomi Puang, PUANGna mintu’ ma’dandan maritik, la tumangi’ sia la umbating, sia la ma’galettung sia la ma’pote dibolong.

YEREMIA 36:9

Iatonna taun ma’pellima kadatuanna Yoyakim, anakna Yosia, datu Yehuda tonna bulan ma’pengkasera, napa’peissanammi mintu’ to buda dio Yerusalem sia mintu’ to buda sae dio mai mintu’ kota Yehuda lako Yerusalem, kumua la ma’puasa dio oloNa PUANG.

DANIEL 2:18

anna ma’kada kumua la umpalaku kamamasean lako Puang Matua dao suruga diona te rasia iate, kumua na iatu Daniel sola to nasolan da nadipatei sola to paissan torronapa dio Babel.

MATIUS 12:40

Belanna susi nabi Yunus tallung allo tallung bongi lan tambuk bale kapua, susi dukato tu Anak rampan dilino la lan maririnna litak tallung allo tallung bongi masainna.

LUKAS 9:24

Belanna minda-minda la morai ungkatirinnai katuoanna, iamo la kapa’dean katuoan, apa minda-minda tu kapa’dean katuoanna tu belanna Aku, iamo la ungkatirinnai.

YOHANES 19:22

Nakuami Pilatus mebali: Ianna mangka disura’, mangka bangsiamo!

PENGGAURANNA RASULU’ 10:7

Iatonna pa’demo tu malaeka’ nasipa’kadan, natambaimi da’dua tu kaunanna, namisa’ surodadu umpengkaolai Puang Matua, lan mai tu to biasa umparakai;

PENGGAURANNA RASULU’ 20:24

Apa tae’mora kuangga’ lenni tu penaangku kumua la denpi patunna lako kaleku, podo Naeloranna’ Puang Matua umpasundun passanan tengkoku sia iatu pentoean mangka Napadudunganna’ Puang Yesu, tu la ungkatottongi Kareba-kaparannuan diona pa’kamaseanNa Puang Matua.

PENGGAURANNA RASULU’ 21:13

Nakuami Paulus mebali: Apara ga’imi tumangi’ sia umparanggang penaangku? belanna aku te kukaringnganan tangia dipungo manna sangadinna dipatei duka dio Yerusalem tu belanna sanganNa Puang Yesu.

PENGGAURANNA RASULU’ 27:33

Iatonna la masiangmo napakilala nasangmi Paulus tu tau la kumande sia nakua: Allo ma’sangpulo a’pa’namo te minii ma’penanda bang, silambi’ bangkomi tangdia’, tae’ bang apa mikande len.

PENGGAURANNA RASULU’ 9:9

Tallung allo tae’ napakita, sia tae’ nakumande sia mangiru’.

ROMA 16:4

tu mangkamo ussorong sunga’na sola duai belanna penaangku; tangia aku manna ma’kurre sumanga’ lako kalena, sangadinna mintu’ duka tu mai kombongan dio lu to’ to kapere’.

FILIPI 2:30

Belanna diona pengkaranganNa Kristus anna sidi’ namate, untibe sunga’na la umpaganna’i tu apa kurang diona kamiparakaingku.

YOSUA 24:15

Apa iake misangai tang melo tu umpengkaolai PUANG, melo ke mipilei totemo minda tu minii mengkaola: lakoraka mintu’ deata tu napenombai nene’ to dolomi sambalinna lu Salu, lakoraka deata to Amori tu minii ma’tondok. Apa iatu aku sia to lan banuangku la mengkaolakanni lako PUANG.

1 SAMUEL 19:5

Belanna tae’ nadampangi tu sunga’na tonna patei tu to Filistin sia Napaden PUANG tu kadilendokan kapua lako mintu’ to Israel. Mitiromo tu iannato ammi poparannui. Apa bannangna ammi la umpogau’ra kasalan lako rara tang sala sia la umpatei Daud natae’ silalanna?