ESTER 4:14 - Sura' Madatu

¹⁴ Belanna iake kappa bangkomi lan attu iate, manassa la sae duka ia tu pa’tunduan sia kadirampanan dio mai inan senga’ lako to Yahudi, apa kamu sia to lan banuanna ambe’mi la sanggang; sia minda unnissanni, kumua umbai na attu iate, ammi dipakala’bi’ tama kadatuan.

ESTER 4:14 ပူးပေါင်းရင်းမြစ်များ

KADADIAN 22:14

Nasangaimi Abraham tu inan iato: PUANG umpadenni. Iamoto anna sae lako totemo nakua tu tau: Dao buntu Nanii PUANG la umpadenni.

2 DATU 13:5

Nakamaseimi PUANG tu to Israel misa’ tau urrampananni, naurungan tau iato mai tilendok dio mai kuasanna to Aram, anna pada untorroi tendana sule tu to Israel susi dolona.

2 DATU 19:3

Ma’kadami tu tau iato mai lako, nakua: Inde sia tu kadanna Hizkia: Allo iate allo kapussakan sia ukungan sia kadibelleran, belanna la dadimo tu mai pia, apa tae’ tu kamatotoranna indo’na la kianak.

EZRA 9:9

Belanna kami te kaunanpakanni, apa lan kakaunanangki tae’ Napopa’elo’nakan Kapenombangki: Napalulako kaleki tu kamaturu-turuanna mintu’ datu Persia, naurunganni tu tau iato mai umbenkanni penggirikan la umpabendanni sule tu banuanNa Kapenombangki sia umpemeloi tu daun lauanna, sia umbenkanni misa’ perompo lan Yehuda sia lan Yerusalem.

NEHEMIA 6:11

Apa ma’kadana’ kukua: Ma’dinraka misa’ muane susi aku te la mallai? Ma’dinraka tu misa’ tau susi aku te tu tama Banua Kabusungan la tuo? Tae’ kula male.

ESTER 2:15

Iatonna lambi’mi attunna tu Ester, anakna Abihail, pa’amberanna Mordekhai, tu unnala anakmo Ester, la tamamo umpennoloi datu, moi misa’ tae’ tu nakamorai sangadinna iapi tu apa napokada Hegai, to mase’ponna datu, to ma’kampa baine. Naalami penaanna mintu’ to untiroi tu Ester.

ESTER 2:17

Mandumi nakamali’ datu tu Ester na iatu baine senga’, naurunganni nakamasei sia napakaboro’ datu losong na iatu mintu’ anak dara senga’, iamoto napasarongi datu makota kadatuan, anna tokkoi datu baine, ussonda Wasti.

ESTER 2:7

Iatu Mordekhai iamo ambe’ passarakna Hadasa, tu Ester pa’gantiananna, baine anakna pa’amberanna, belanna tae’mo indo’ ambe’na tu pia iato; na iatu anak dara iato melo garaganna sia maballo pantarisanna. Iatonna matemo tu indo’ ambe’na, naala anakmo Mordekhai.

ESTER 4:13

Napalakumi Mordekhai umparampoi lako Ester tu pebalinna nakua: Da misangai kumua kamu manna tu mintu’ to Yahudi la tilendok, belanna lankomi tongkonan layukna datu.

ESTER 4:15

Mesuami Ester lako tau umpokadanni Mordekhai kumua:

AYUB 9:18

Tae’ Naeloranna’ melayo, sangadinna Napedia’ina’ kamapairan.

TOMANGADA’ 3:7

Den tu attu dinii masserek sia den tu attu dinii mandasi’, den tu attu dinii ma’pakappa sia den tu attu dinii ma’ulelean.

YESAYA 49:23

Iatu mai datu la dadi ambe’ passarakmu sia iatu datu baine la dadi to ma’pasusummu; iatu tau iato mai la menomba sae rokko padang dio olomu, sia ullepa’i barra’-barra’ dio lentekmu. Attu iato la muissan, kumua: Akumote tu PUANG, naminda-minda untayanNa’, tae’ nala kasirisan.

YESAYA 54:17

Mintu’ tu pa’buno digaraga la unneako, tae’ anna la lolo’ sia mintu’ lila unneako lan inan pa’paolaian salu, la musau’. Iamote tu taa mana’na mintu’ taunNa PUANG, sia patu borongna tau iato mai tu lu dio mai Kaleku, kadanNa PUANG.

YEREMIA 30:11

Belanna Kurondongko, kadanNa PUANG, angKu rampanangko; belanna la Kusabu’i tarru’ tu mintu’ bangsa, tu Kunii untale’ko, apa iko tae’ Kula ussabu’i tarru’ko, sangadinna la Kupa’dikkiko sitinayanna, moi natae’ Kupopa’elo’nako tang diukung.

YEREMIA 46:28

Da mumataku’, e taungKu Yakub, kadanNa PUANG, belanna Kurondongko sia la Kusabu’i tarru’ tu mintu’ bangsa, Kunii untale’ko, apa iko tae’ Kula ussabu’i tarru’ko, sangadinna la Kupa’dikkiko sitinayanna, moi natae’ Kuelorangko tang diukung.

SURA’ KATOMINAAN 26:42

attu iato la Kukilalai tu basseKu sola Yakub, sia iatu basseKu sola Ishak sia iatu basseKu sola Abraham la Kukilalai, sia la Kukilalai duka tu tondok.

MATIUS 16:18

Sia Aku Kukua mati’ kumua, ikomo te tu Petrus, sia dao batu iate la Kunii umpabendan kombongangKu, sia bambana mukkun tae’ nabelai untaloi.

MATIUS 24:22

Sia iakenna tae’ nadipakadomi’ tu attunna, inang la tae’mo tau misa’ duka dikarimmanni; apa belanna iatu mintu’ to ditonno’, anna dipakadomi’ tu attu iato.

PA’TOLE 32:36

Belanna iatu PUANG la ussanda tonganni bangsaNa sia la ungkamasei taunNa; iake Natiroi, kumua pa’demo tu kamatotoranna, sia tappumo sola nasangi randuk dio mai madaona sae lako madionganna,

TO PARENGNGE’ 15:6

Ma’kadami tu to Filistin, nakua: Mindara umpogau’i te? Mebalimi tau, nakua: Simson, minintunna to Timna, belanna naala tu bainena Simson nabenni to pasolanna Simson tonna diparampo. Mangkato saemi to Filistin anna ballai tu baine iato sola ambe’na.

1 SAMUEL 12:22

Apa tae’ Natibei PUANG tu taunNa, belanna sanga kapuaNa. Inang Nakaelo’i PUANG umpadadikomi taunNa.

1 SAMUEL 17:29

Mebalimi Daud nakua: Apara salaku, anna mekutana bangra’?