ESTER 3:8 - Sura' Madatu

⁸ Ma’kadami Haman lako datu Ahasweros nakua: Den misa’ bangsa tu tisambo’ sia umpamarimbangan kalena dio lu mintu’ bangsa lan mintu’ propinsi lan kadatuanna puang, sia iatu atoranna bangsa iato sisengaran atoranna mintu’ bangsa, sia iatu atoranna datu tae’ naturu’i, iamoto tae’ nasipatu la naeloran datu torro manaman.

ESTER 3:8 ပူးပေါင်းရင်းမြစ်များ

EZRA 4:6

Sia iatonna ma’parenta Ahasweros, lan pamulanna kaparentanna, nagaragami tau iato mai misa’ sura’ la umparapa’i tu to Yehuda sia to Yerusalem.

NEHEMIA 1:8

Kilalai tu kada Mipokadan Musa, taumMi, nakua: Iake umpokakomi kamarurusan, manassa la Kupatisambo’komi dio lu mintu’ bangsa.

ESTER 3:9

Iake nakalo’i penaanna datu melo ke dipatassuranni misa’ sura’ parenta la ussabu’i tu tau iato mai; na akumora untimbanganni sangpulo sa’bu talenta salaka tu to untoe toean la umpatamai pangrampunan doi’na datu.

ESTER 4:1

Iatonna issanmi Mordekhai tu mintu’ apa dadi, naserek-serekmi tu pakeanna anna mellullung karung sia au, anna male tama tangnga kota, na sumarro sia unnurruk-urruk tumangi’.

YEREMIA 33:24

Tae’raka mupalan penaai tu apa napokada bangsa iate, nakua: Iatu da’dua pa’rapuan tu mangka Napilei langsa’ PUANG, Natibemo, Nasayu tu taungKu, nasanga butung to tangiamo misa’ bangsa.

YEREMIA 50:17

Iatu Israel butung to misa’ domba dipakasingkiran, tu naula’ ba’tu pira-pira singa. Pamulanna naampello’ datu Asyur, ma’katampakanna totemo iatu bukunna nale’to-le’to Nebukadnezar, datu Babel.

YEHEZKIEL 11:16

Iamoto ma’kadamoko mukua: Inde sia tu kadanNa Puangta PUANG Nakua: Moi Kurambai tu tau iato mai dio lu mintu’ bangsa sia Kutale’ lan lu mintu’ tondok, naurunganni sidi’ bangmora tu palambi’na menomba lako Kaleku lan lu tondok nanii rampo,

YEHEZKIEL 6:8

Apa la Kupatorrokomi pira, belanna ba’tu pira-pirakomi, tu nasesa pa’dang, la torro dio lu bangsa iato mai, ke dipatisambo’mokomi lan lu mintu’ tondok.

DANIEL 3:8

Attu iato ta’pa saemi tu ba’tu pira-pira to Kasdim mennolo umparapa’i tu to Yahudi tu diona to.

DANIEL 6:13

Saemi tu tau iato mai mennolo lako datu nama’kada lako tu diona atoran kadatuan, nakua: Tang mipatassu’moraka tu atoran, kumua minda-minda lan te tallungpulo allona tu umparampo palakunna lako misa’ deata ba’tu tolino, sangadinna lako manna kamu, o datu, tau iato la dipembuangan tama lo’ko’ singa? Mebalimi tu datu nakua: Iatu apa iato dipantokmo situru’ atoran napondok to Media sia to Persia, tu tang diriu’ sule.

DANIEL 6:14

Ma’kadami tu tau iato mai lako datu nakua: Iatu Daniel, misa’i to dipali’ dio mai Yehuda, tae’ nabilangkomi, datu, sia iatu atoran mipatassu’ tae’ naperangii sangadinna massambayangora pentallun sangallo.

SURA’ KATOMINAAN 26:33

Apa iatu kamu, la Kupasisarak-sarakkomi dio lu mintu’ bangsa sia la Kunonok tu pa’dang dio boko’mi sia la mempadang lo’bang tu tondokmi sia iatu kotami la daun lauan.

ZAKHARIA 7:14

Iamoto la Kupamurru’i tu tau iato mai susi angin bara’ lako ma’rupa-rupa bangsa, tu tae’ natandai, sia la disanggang tu tondok naboko’i, naurunganni moi misa’ tau tae’mo lu lako lu dio mai lan tondok iato. Susimoto tu tau iato mai umpopempadang lo’bangi tu tondok maballo.

KADIBILANGAN 23:9

Belanna dao mai potok buntu batu kunii untiroi, sia dao mai tanete kunii umpenunui. Kutiro misa’ bangsa, tu torro misa sia tae’ nasangai sangbilangan dio lu bangsa senga’.

YOHANES 7:35

Iamoto anna sipa’kada-kada kalena tu pada to Yahudi nakua: Umbara la Naola te Tau iate anta tang la ullambi’i? La laoraka lako to sisarak-sarak bangmo dio lu sola to Yunani sia unnada’i to Yunani?

PENGGAURANNA RASULU’ 24:5

Belanna mintu’kan ungkabu’tui te tau iate butung ropu, apa iamo umpadenan kamarukkan mintu’ to Yahudi lan mintu’ lino, sia dadi pangulunna to sangserekan, iamotu to Sarani.

PENGGAURANNA RASULU’ 28:22

Apa kiporai duka la umperangii dio mai kalemi tu timbangammi; belanna iatu diona to sangserekan iate kiisanmo kumua umba-umba nii dite’ge’i.

PA’TOLE 30:3

namane iatu PUANG, Kapenombammu, la ungkamaseiko sia Puang la umpasirampunkomi dio mai mintu’ bangsa, tu Nanii PUANG, Kapenombammi, umpatisambo’komi.

PA’TOLE 32:26

Moronganna angKu ma’kada Kukua: La Kusapui pala’ tu tau iato, sia Kupurai tu kapengkilalanna dio lu ma’rupa tau,

PA’TOLE 4:27

La Napatisambo’-sambo’komi PUANG dio lu mintu’ sangpetayanan, ammi torromora tang pira dio lu bangsa, tu la Nanii umpali’komi PUANG.

YAKOBUS 1:1

Salama’ dio mai aku, Yakobus, taunNa Puang Matua sia taunNa Puang Yesu Kristus, diparampo lako sangpulo dua sukunna bangsa to naala bilanganna to tisambo’.

1 PETRUS 1:1

Iate sura’ lu dio mai Petrus, rasulu’Na Yesu Kristus, diparampo lako mintu’ to ditonno’, iamoto naala bilanganna to tisambo’ mekaletteran utan dio lu Pontus sia Galatia sia Kapadokia sia Asia sia Bitinia,