ESTER 3:7 - Sura' Madatu

⁷ Iatonna bulan bunga’na, iamotu bulan Nisan, taun ma’pessangpulo duanna kadatuanna Ahasweros, nabuangmi tau tu Pur dio olona Haman – iamotu pa’loterei – la umpamanassa misa’ allo dio mai mintu’ allo sia misa’ bulan dio mai mintu’ bulan sae lako bulan ma’pessangpulo dua, iamo bulan Adar.

ESTER 3:7 ပူးပေါင်းရင်းမြစ်များ

EZRA 4:6

Sia iatonna ma’parenta Ahasweros, lan pamulanna kaparentanna, nagaragami tau iato mai misa’ sura’ la umparapa’i tu to Yehuda sia to Yerusalem.

EZRA 6:15

Napatarru’mi tu pengkarangan iato namalisan tonna allo ma’pentallun bulan Adar, iamo tonna taun ma’pennannan kaparentanna datu Darius.

NEHEMIA 2:1

Iatonna bulan Nisan taun ma’penduang – pulona kaparentanna datu Artahsasta, tonna sakka’ tu uai anggoro’ dio tingayona, kuangka’mi tu uai anggoro’, kutadoanni datu. Tae’ lenpa kumasussa to lendu’na dio olona datu.

ESTER 1:3

Iatonna taun ma’pentallun kadatuanna, napadenammi datu pa’maruasan tu mintu’ arungna sia to mase’ponna; iatu pangulu surodadunna Persia sia Media sia to mala’bi’ sia iatu mai arungna propinsi ma’dio ren nasang dio olona datu.

ESTER 2:16

Susimoto tu Ester dipopennolo lako datu Ahasweros tama tongkonan layukna datu, tonna bulan ma’pessangpulo – iamotu bulan Tebet –, taun ma’pempitu kadatuanna.

ESTER 9:1

Iatonna allo ma’pessangpulo tallunna bulan ma’pessangpulo dua, iamotu bulan Adar, tonna lambi’mi la dipogau’ tu kada sia atoranna datu, tonna allo la nanii ualinna to Yahudi ma’rannuan la untaloi, apa allo iato membali allo kapataloanna to Yahudi lako to ungkabiri’i.

ESTER 9:21

la umpapassanni tau iato mai tu atoran la umpakaraya la allo ma’pessangpulo a’pa’na la allo ma’pessangpulo limanna bulan Adar, ke taunoi,

ESTER 9:5

Iatu to Yahudi umpepa pa’dang mintu’ ualinna, napatei sia nasabu’i, anna pogau’i tu pa’poraianna lako mintu’ to ungkabiri’i.

SARAMBU PEADA’ 16:33

Iatu pa’ loterei dirogan-rogan diong bantanan, apa iatu ra’ta’na simisa’-misa’ lu dio mai PUANG.

MATIUS 27:35

Tonna mangka unna’ta’i tu Yesu, nasitaaimi tu pakeanNa nasire’tekki.