ESTER 3:2 - Sura' Madatu

² Mintu’ to diala pareana datu, tu lan babangan datu, malinguntu’ sia tukku menomba dio olona Haman, belanna susimo napasan datu, kumua la dipogau’ susito lako kalena. Apa iatu Mordekhai tae’ namorai malinguntu’ sia tukku menomba.

ESTER 3:2 ပူးပေါင်းရင်းမြစ်များ

KADADIAN 41:43

Napakendekmi langngan kareta ma’penduan, iamotu karetana, dolomi tu tau metamba-tamba dio olona nakua: Ma’kamandi’komi! Iamote tu to naangka’ Firaun umparenta mintu’ tondok Mesir.

ESTER 2:19

Iatonna ma’penduanna dirampun tu mintu’ anak dara, iatu Mordekhai ma’dokko lan babangan datu.

ESTER 2:21

Den sangallo tonna unno’ko’ tu Mordekhai lan babangan datu, mapallami nasa’ding tu Bigtan sola Teresh, to mase’ponna datu sola duai, iamoto naala bilangan toma’kampa ba’ba, sia morai la umpata’pai lima tu datu, Ahasweros.

ESTER 2:5

Denmi lan kota benteng misa’ to Yahudi, disanga Mordekhai, anakna Yair, anakna Simei, anakna Kish, to Benyamin,

ESTER 3:1

Iatonna mangkamo dadi te mintu’nate, napatarompo’mi datu Ahasweros tu Haman, anakna Hamedata, to Agag, sia napakala’bi’ sia mandu napamatande tu kao’koranna naiatu mintu’ arung nasolan.

ESTER 3:3

Ma’kadami tu mintu’ to diala pareana datu, tu lan babangan datu, lako Mordekhai, nakua: Ma’apai ammu lendai tu parentana datu mala’bi’?

ESTER 3:5

Iatonna tiromi Haman tu Mordekhai kumua tae’ namalinguntu’ sia tukku menomba dio olona, re’dekmi ara’na.

ESTER 5:9

Allo iato malemi tu Haman parannu sia sende penaanna, apa iatonna tiromi Haman tu Mordekhai lan babangan datu manoka bendan sia tae’ napanggega’ la umpekatabe’i, tarru’ re’dekmi ara’na lako Mordekhai.

PA’PUDIAN 15:4

Tu magi’gi untiro to Nasayu Puang Matua, apa nakasiri’ tu to ungkataku’ PUANG. Tu umpandannimo sumpa lampa kadanna, moi anna porugii kalena, tae’ duka napatilelukki.

KATASSURAN 17:14

Ma’kadami PUANG lako Musa, Nakua: Sura’i te tama misa’ sura’, la dadi misa’ kapengkilalan la dinanna batu silambi’ sia patobangi tama talinga duanna Yosua te kada iate, kumua Aku la umputtai tu mintu’ kapengkilalan diona Amalek lan nasambo langi’.

KATASSURAN 17:16

Nakuami: Sipatu tu lima ma’palulako isungan kapayunganNa PUANG! Iatu rari lu dio mai PUANG la unnea to Amalek landa’ sae lako ampo bati’na.

DANIEL 2:49

Napalalomi datu tu palakunna Daniel, anna dipatanggungi tu kaparentan dio propinsi Babel lako Sadrakh, Mesakh sia Abednego, na iatu Daniel tontong lan tongkonan layukna datu.

PA’TOLE 25:19

Iake Nabenmoko PUANG, Kapenombammu, kapelayoan dio mai mintu’ ualimmu tiku lao lan tondok, tu la Nabenko PUANG, Kapenombammu, la mupotaa mana’, attu iato la mupa’dei tu kapengkilalan lako Amalek tu nasambo langi’; da mukalupai.

FILIPI 2:10

kumua anna lan sanganNa Yesu la malinguntu’ tu mintu’ guntu’, la iatu daona langi’, la lanna te lino, la iatu diongna lu te lino,

1 SAMUEL 15:3

Totemo malemokomi untaloi tu to Amalek, sabui’ tu mintu’ apa dio kalena butung pepayu; da midampangi, sangadinna patei la muane la baine, la pia la anak ma’susupa, la sapi la domba, la unta sia keledai.