ESTER 3:13 - Sura' Madatu

¹³ Napakatumi tu mintu’ sura’ iato nabaa ba’tu pira-pira to pambaa sura’ malinta’ lako mintu’ propinsinna datu kumua la nasanggangi tau, la napatei sia nasabu’i tu mintu’ to Yahudi randuk dio mai pia sae lako tomatua, moi pia’-pia’ sia baine, lan sangallo, iamotu allo ma’pessangpulo tallunna bulan ma’pessangpulo dua – iamotu bulan Adar – sia kumua anna rampai tau tu iananna tau iato mai.

ESTER 3:13 ပူးပေါင်းရင်းမြစ်များ

2 OSSORANNA DATU 30:6

Malemi tu pebaa sura’ malinta’ umbaa sura’na datu sia mintu’ pangulunna umpasilamban-lamban Israel sia Yehuda sia ma’kada susi pepasanna datu nakua: E kamu mintu’ to Israel, tibalikmokomi sule lako PUANG. Kapenombanna Abraham, Ishak, sia Israel, anNa tibalik duka sule lako to torrona siapa, tu tilendok dio mai kuasanna to Asyur.

ESTER 7:4

Belanna kami te mangkamokan dibaluk la aku la bangsaku, la disanggangi, dipatei sia disabu’i. Moronganna angki la dibaluk la mendadi kaunan sia kaunan baine, manassa la kappana’, apa iate kamandasan iate tae’ padanna tu mintu’ apa umparugi datu.

ESTER 8:5

Ma’kadami nakua: Iake nakalo’i penaanna datu sia den kamaturu-turuanna datu lako kaleku sia iake nasangai datu tongan sia iake naalana’ penaanna datu, melo ke dipakatui misa’ sura’ tu la untaeranni tu mintu’ sura’ tu nanii pa’tangngaranna Haman, to Agag, anakna Hamedata, tu nasura’ kumua la ussabu’i mintu’ to Yahudi lan mintu’ propinsi tu naparenta datu.

ESTER 9:1

Iatonna allo ma’pessangpulo tallunna bulan ma’pessangpulo dua, iamotu bulan Adar, tonna lambi’mi la dipogau’ tu kada sia atoranna datu, tonna allo la nanii ualinna to Yahudi ma’rannuan la untaloi, apa allo iato membali allo kapataloanna to Yahudi lako to ungkabiri’i.

ESTER 9:10

iamotu sangpulo muane anakna Haman, anakna Hamedata, to ungkabiri’ to Yahudi, apa tae’ naparumbui lima tu pangrampa.

ESTER 9:5

Iatu to Yahudi umpepa pa’dang mintu’ ualinna, napatei sia nasabu’i, anna pogau’i tu pa’poraianna lako mintu’ to ungkabiri’i.

AYUB 9:25

Manassa iatu alloku lendu’ matira’na na iatu pesua dipopa’dondo, tarru’ liu bang anna tae’ natiroi tu melona.

YESAYA 10:6

Kusuamo umpandasa misa’ bangsa tang mekaaluk sia Kukuan la ullaoi misa’ to sangpetayanan narua kasengkeangKu, la umpangrampai sia umpanglo’do’i anna lullu’i tu tau iato mai susi so’mak dio lu lalan.

YEREMIA 51:31

Iatu to disua ma’dondo-dondo pada sitammu to disua sia to umbaa kareba pada sitammu duka la umparampoi lako datu Babel, kumua di talomo tu kotana tiku lao;

ROMA 3:15

Lentekna maleke umpato’do rarana tau;

YAKOBUS 2:13

Belanna kama’paolaian salu tae’ nakamasei tu to tang umpogau’ kamamasean. Anna iatu kamamasean undaoanni kama’paolaian salu.

1 SAMUEL 15:3

Totemo malemokomi untaloi tu to Amalek, sabui’ tu mintu’ apa dio kalena butung pepayu; da midampangi, sangadinna patei la muane la baine, la pia la anak ma’susupa, la sapi la domba, la unta sia keledai.

1 SAMUEL 22:19

Sia nabela’ nasang pa’dang tu mintu’ to dio Nob, tondokna to minaa iato, la muane la baine, la pia, la pia’-pia’ ma’susupa, ondongpi mintu’ sapi sia keledai sia domba napa’dangi nasang.