ESTER 3:1 - Sura' Madatu

¹ Iatonna mangkamo dadi te mintu’nate, napatarompo’mi datu Ahasweros tu Haman, anakna Hamedata, to Agag, sia napakala’bi’ sia mandu napamatande tu kao’koranna naiatu mintu’ arung nasolan.

ESTER 3:1 ပူးပေါင်းရင်းမြစ်များ

KADADIAN 41:40

Iko la kuangka’ pangulu lan tongkonan layukku sia iko la umpasun parenta anna podenni kande nakande mintu’ orangku; ia mannamo te torroangku kunii ullosongiko.

KADADIAN 41:55

Belanna iatonna sipangeloan nasangmo tu pa’tondokan dio Mesir sia sumarro lako Firaun umpalaku kande, ma’kadami tu Firaun lako mintu’ to Mesir, nakua: Lulakokomi Yusuf: pogau’i tu apa napokadangkomi.

EZRA 7:14

Nasuako datu sola tu pitu tongkonan ada’ lompona la male umparessai tu mintu’ apa dio Yehuda sia dio Yerusalem situru’ Sukaran alukNa Kapenombammu, tu mutoe;

ESTER 1:14

Iatu to naporengke’ kale datu, iamotu Karsena, Setar, Admata, Tarsis, Meres, Marsena na Memukan, pitu arung to Persia sia to Media, tu umpennoloi datu sia tu untorroi pangka’ mala’bi’ tongan lan kadatuan:

ESTER 3:10

Naalami datu tu sissin peca’na lan mai rakka’na anna benni Haman, anakna Hamedata, to Agag, ualinna to Yahudi.

ESTER 5:11

Nauleleanmi Haman lako tau iato mai tu kakapuanna kasugiranna sia kabudanna anakna muane sia kanapakala’biranna datu sia kanapamatandeanna na iatu mintu’ arung sia taunna datu.

ESTER 7:6

Ma’kadami tu Ester nakua: Iatu pa’pakario-rio sia uali, iamotu Haman, to kadake iate. Tirambanmi tu Haman untiro lindona datu sia datu baine.

ESTER 8:3

Ma’kada pole’omi tu Ester dio olona datu, anna tukku umpenombai diong to’ lentekna, sia mengkamoya tumangi’, kumua nataeranni datu tu tangnga’ kadakena Haman, to Agag dio kasanggangan natangnga’ la ussabu’i to Yahudi.

PA’PUDIAN 12:8

O PUANG, Kamumo la ungkampaikan to makario-rio, sia Kamumo la tontong urrinding pala’kan dio mai to tama bilangan iate.

SARAMBU PEADA’ 29:2

Iake sakerang-rangngannai kamatotoranna tu to malambu’ parannu tu to buda, apa iake ma’parentai tu to tang mekaaluk, sumarro tu to buda.

TOMANGADA’ 10:6

iatu tobaga diangka’ unnii pangka’ ma’iringanna, apa iatu tomala’bi’ sia tosugi’ torro bang diong pangka’ madiongan.

DANIEL 6:2

Nakalo’mi penaanna Darius unnangka’ saratu’ duangpulo to maraa lompo, tu titale’ umparenta mintu’ lili’ kadatuan iato;

KADIBILANGAN 24:7

Nalolongmora tu uai dio mai petimbana, nalempanmora tu uai pangambo’na; ondongpi natongloimira datunna tu Agag sia natarompo’mora tu kadatuanna.

1 SAMUEL 15:33

Nakuami Samuel: Susitu pa’dangmu umpasisayuran anak ba’tu pira-pira baine, susi dukamoto tu indo’mu la dipasisayuran anak dio lu mintu’na baine. Napateimi Samuel tu Agag, nata’tak-ta’takki dio oloNa PUANG dio Gilgal.

1 SAMUEL 15:8

Natingkan tuomi tu Agag, datu to Amalek, apa mintu’ to buda nasabu’i pa’dang butung pepayu.